رسالة: Bodl. MS heb. c 28/40
رسالة Bodl. MS heb. c 28/40What's in the PGP
- صورة
- 1 Transcription
الوصف
Letter from Natan b. Nahray, from Alexandria, to Nahray b. Nissim, Fustat. Dating: ca. 1063. Natan wrote the letter 10 days before Passover. The writer is upset because a deal (probably for spices and beads) did not go as expected. He blames Abū Zikrī b. Menashshe. Also mentions a matter of inheritance in the Tāhertī family. Beginning in verso, l. 11, he writes, "Know, my lord, that there remains in the eye of my son, may God keep him alive, a white spot covering half of (or: in the middle of) the pupil. Only God knows what is in my heart due to this. This is the remnant of the smallpox (wa-huwa bāqī al-judarī).They have prescribed for us Indian ṭabāshīrī tutty (tutty resembling bamboo chalk?). Perhaps you will be able to obtain some for us. I would like you to inquire about it on my behalf, perhaps a quarter mithqāl, how much it would cost (or: [buy it] no matter how much it costs). (Information from Gil, Kingdom, Vol. 3, #426) VMR
العلامات
Editor: Gil, Moshe
Bodl. MS heb. c 28/40 40 recto
Recto
- כתאבי אטאל אללה בקא מולאי אלשיך אלאג'ל ואדאם תאידה וסלאמתה ונעמאה וכבת אעדאה
- מן אלמסתקר לג' כלת מן ניסן כתמה אללה עלי מולאי באחסן כאתמה ובלג'ה אמתאל
- האדה אלמועד אלמקבל אלינא ששים ושמיחים בעד וצול כתאבך ביד ר' יהודה אל
- תלמסאני פסררת בדלך לאן לי מודה טוילה לם ארא למולאי כתאב תם דכרת מא
- קד גרא לך ללה אלחמד ולה אלשכר אלדי כאנת אלעאקבה ללסלאמה תם דכר מולאי מא
- ג'רא פי אמר אבו זכרי בן מנשה ומא פעל מענא אללה תעאלי לא ימתלה לאן
- כרג'וני מן נקלה אלי נקלה והונו עלי אלאמר ואלשי יזיד אלי האדה אלג'איה ומא
- לי אליום אלי ג' איאם צאים מן אלג'בינה ווקועי מע רגל מגנון לא עקל ולא
- דין אשר לא גזלתי אז אשיב יוחמד אללה [ ] ואלסעה יאמולאי לעל תכון
- אמור מדקנה כמא יג'ב ואעלם מ[ולאי ] יהודה ודוד אן צאעת מנהא
- רקאע מצר באלסקט אלדי כאן מעה ובסלה אלכרז פלעל תקדר לה עלי אכדהא
- מעאדה והי פי אלדיואן וזאדו הנא יקאומו אלכרז כיף ירידו לאנה גלט'י
- תם דכר ר' יהודה אן וזן עליהא ברשיד רבאעי ולזמה כרא ומונה מא אדרי מא
- יתחצל מנה ומא אדרי מא יאכדו עליהא פי אלעמאלה ודאר מאנך ואלכרוג' ואל
- כרא ילחאס מן דלך שין כתיר וקד מצית ללקלעה פי מא תרכה לך אלורק אלגגוני
- וסאלתה וקלת לה כמא דכרת פי כתאבך ג' דנ'א' מהדויה לעל תדפע לגא די'נ' נצף
- פקאל אלרג'ל מא קלת לה גיר די'נ' ונצף מהדוי יכון נצף ורב'ע' די'נ' מן האדא אלנקד
- אעלמת מולאי דלך תם דכרת אן נכתב לר' אברהם ואנא יאמולאי מא אכתב
- לה פי דלך שי ולא אערף מראדך אש הו אמא אנת תכתב לה בגמיע מא
- תרידה ואנא נאכד עליה ואן לם תכתב לה אנת כתבך אלדי יעול עליהא מא
- אנפד אנא לה שי לאן אלזמאן כמא תעלם וקד וצלת מן ענד ר' ברהון ביר' יוסף ז'ל
- וכאלה אן וכלהא עלי אלשיך אבי אלחסן צהרי יטלבה באלנ' די'נ' אלדי אוצא בהא
- ר' ישועה אלי בן אכיה והו פי דאלך תחת אמר אן פיה צעובה לאן הו כאן
- צמנהא ענה וקת טלועה ולם יתרך מנהא שי אעלמת מולאי דאלך פמא ואללה
- אריד אנפד לה שי בידה ולא באסמי אלי בידך ובאסמך ולו כנת כלפת
- אליהודי אלאטראבלסי בהא מן ענדך בידך יסלמהא לה לכאן אחסן לך ולי
- ולמולאי עלו אלראי פי דאלך ואמא מא דכרתה ען אלכרז אלבאקי ענד אבי אל
- כ'יר אכתב אנא אכד עליה ואקול לה יכרגה יוארי עליה ויגתהד פיה
- ויביעה באלקצם ואלרזק בעד אן יצל אלי כתאבך במתל דלך ואן לם יצל אלי
- כתאבך מא אכתב לה שי אלי מא תרסמה אמא לה או לי אעלמת מולאי דאלך
- וקד וצל כתאבך אן תדפע לר' יהודה כתאב אלעיבור ואנא ואללה יצעב
- עלי דאלך פי האדה אלאיאם לאנה יחתאג אלי תעב אן עצים וקד אלח
- עלי פיה כתיר
Bodl. MS heb. c 28/40 40 verso
Verso
- ומא אדרי מא נקול לה ואני נכלי כל שגל ונתעב לעל נתרכה לה ואעלם מולאי אן האדי
- אלאזורד אלדי אבקיתה לה אליום סנין מעקול לא הו ענדי ולא הו ענדך פלעל תדבר
- פיה מא תעמלה אמא אן תוג'הה ואמא אן תאכדה תם יאמולאי אנפ<ד>ת לך כסא מא
- דכרת לי אן כאן וצל אליך ובקי קלבי מן דאלך משגול אחב תעלמני דאלך פי כתאבך תם
- בלגני אן תאכי אלדמיאטי פי כל עאפיה ודכרת לי פי כתאבך אן אלדי בקי ענדה
- דינרין ורבע אחב לעל תנג'מע עלי מתפצלא ואנא נקול אן שא אללה בעד [[ד]] אקלאע
- אלמראכב אטלע למצר לאן ענדי קליל מרגאן לעל געארץ פיה לאן קד וקף פי
- וג'הי אללה ילזם למא פיה אלכירה ואעלם מולאי אן ר' נתן אלבג'דאדי הו מן אל
- שאכרין כתיר ומן אלמערופין ביך והו רג'ל ביה כ'יר וקד סאלני סואלך אן
- תשד מנה ותג'ריה עלי עואידך אלג'מילה מעה אללה תעאלי יטול עמרך ויחבס
- עליך ולדך ואעלם מולאי אן בקי פי עין ולדי אחיאה אללה ביאץ והו עלי נצף
- אלנאצ'ר ועלי קלבי ואללה מנה מא יעלם אלבארי והו באקי אלג'דרי וקד
- וצפו לנא תותיה הנדיה טבאשיריה לעל תקדר לנא מנהא עלי שי
- אחב תסאל לי ענהא לעל רבע מת<ק>אל כם יכון תמה פעל מולאי מתפצלא
- תכץ אפצל אלסלם ומולאי ולדך אפצל אלסלם ונהראי ולדי יקבל ידה ויכצה
- באלסלאם ואלשיך אבו אלחסן יכצה באלסלאם ור' עמרם יכצה באלסלאם וכל
- מן ענדנא יכצוה באלסלאם ושלום
Bottom Margin
- חצרה מולאי החבר גדול הישיבה שאכרה ומחבה נתן בן נהראי נ'ע'
- רבנו נהראי ביר' נסים זל
- אטאל אללה בקאה ואדאם תאיידה
