منحة في رسالة: Bodl. MS heb. a 3/19

رسالة Bodl. MS heb. a 3/19
  1. الاقتباس المرجعي
    S. D. Goitein and Mordechai Akiva Friedman, India traders of the middle ages : documents from the Cairo Geniza : India book (Leiden and Boston: Brill, 2008), vol. 2.
    Location in source
    Relation to document
    • Digital Edition
    • الترجمة
    • الطبعة
  2. الاقتباس المرجعي
    S. D. Goitein, Letters of Medieval Jewish Traders (Princeton, New Jersey: Princeton University Press, 1973).
    Location in source
    Relation to document
    • الترجمة
صورة
النصوص المفرّغة
الترجمة

Bodl. MS heb. a 3/19 19 recto

19 recto
S. D. Goitein and Mordechai Akiva Friedman, India traders of the middle ages : documents from the Cairo Geniza : India book (Leiden and Boston: Brill, 2008), vol. 2.

II, 32

  1. [...] יגי מעה [..................]
  2. ומא דכר{ה} מולאי מן סבב זכרי בן אבו אלפרג אלטראבלסי
  3. וקד וצל (!) עלא גמלה אלסלאמה ובאע ואשתרא ותכלץ
  4. וכרג פי סנתה וכאן אלשיך נהראי בן עלאן וצל מעה
  5. בוכאלה מן ולד נסים בן בנאיא ווצל זכרי אלטראבלסי
  6. איצא בוכאלה מן אהל אלרגלין אלמגרביין אלדי תלפו
  7. פי מרכב געפר פלמא וקף עבדה עלא אלוכאלתין
  8. כאן ללרגלין אלמתופיין ענדי ודאעה קמ דינ'
  9. מלכייה פאשתרו בהא עדלין לאך פיהם אלף רטל
  10. אלקימה קיג ומונה אלעדלין יג דינ ואכדו בז קצי
  11. למכס עידאב וכרא אלצחרא ביד דינ צח אלגמלה
  12. קמ דינ וקד וקע אתפאק אלוכילין אנהם יגעלו
  13. האדה אלרסאלה ביד אברהם בן סמך אלדעוה ליוצל
  14. להם דאלך מע גמלה רחלי אלא מצר אן שא אללה
  15. פאדא חצלו אלגמיע פי מצר תחאכמא אלוכילין
  16. עלא דאלך פמן תבת לה חק אכדה לאן מא כאן
  17. פי עדן מן יפצל בינהם ולא מן יערף אלחאל וקד
  18. אכדת אנא מנהם כתאב בראה ולם יבקא עלי עלקה
  19. וסלמת איצא לזכרי אלטראבלסי בהארין לאך
  20. ומננתהם ליסלם דאלך אלא אהל אלנפוסי פי טראבלס
  21. לאני סמעת אנהם קום צעף באלמרה וראית דאלך
  22. ראי (!) ואמא גיר דאלך פאן עבדה אסתכאר אללה
  23. תעאלי ואנשא מרכב פי עדן וגהזה בשרכה
  24. אלשיך אלאגל בלאל אלא סילאן ופיה מן אצחאבנא
  25. סאלם בן אלחזאן ובן חדאדה ואלבטיטי ואלצאיג
  26. אלדי כאן וצל צחבתה ואלצאיגין אלדי וצלו האדה
  27. אלסנה אבו עלי ואלרגל אלמגרבי סאפרו אלגמיע
  28. פי אלמרכב כתב אללה סלאמתהם ואיצא אסתכאר
  29. עבדה אללה תעאלי ואנפד צחבה אלשיך אלאגל
  30. נהראי בן עלאן וצחבה אלשיך אברהם בן
  31. אבו אלחסן אלמערוף בן סמך אלדעוה עלא ידיהמא
  32. אלאתנין בשרכה אלשיך אלאגל בלאל בן גריר
  33. אלאוחדי מן אלאך (!) סתון עדל אלוזן ק בהאר וברסם
  34. אלמוון פי עידאב מכס וכרא ח אעדאל פלפל תובאע
  35. פי עידאב ברסם אלמוון ואלכרא ואיצא ק תוב
  36. קצי ברסם מכס סואכן וסואה האדא גמיעה
  37. ללשרכה ועבדה יסאל מן תפצלה ויעוול עלא
  38. אנעאמה אדא וצל דאלך אן שא אללה באלסלאמה
  39. קבץ נצף האדא אלאעדאל אלמדכורה ואבאעהא
  40. לעבדה במא קסם אללה תעאלי ורזק פאדא
  41. צאר דרהם מעלום כאן אלעוץ נקד דהב
  42. ופצה לא גיר קסם דאלך ואנפד מנה שי מע
  43. בעץ אלתגאר אצחאבנא או גירהם אלמערופין
  44. אלתקאת ושי יכון ביד אברהם בן סמך אלדעוה
  45. ואן אחתאג האדא אברהם אלמדכור אלא סלף
  46. ק מתקאל ישתרי בהא שי ידכל עליה פי פאידה
  47. אנעם מולאי ושרא לה אלדי יטלב וערף מא
  48. ישתרי לה וכתבה לעבדה פי אלכתאב וקד
  49. אוציתה אן ישתרי קפץ גצאר זבאדי וצחון
  50. וכיזאן וד מתאקיל ורד מרבא מליח מסתעמל
  51. ברסם אלמנזל וכתבת מעה תדכרה יעמל
  52. במקתצאהא ואיצא צחבתהם לכאצה עבדה
  53. סתין צרה קרפה סילי כל צרה ק רטל יכון אלגמלה
  54. עשרין בהאר יקבץ מולאי נצפהא איצא {[[וי...]]}
  55. וינעם ויביע לעבדה דלך במא קסם אללה תעאלי
  56. ויכון חסאבה נאחיה לאנה לכאצה עבדה

Margins: not a direct continuation, in another hand

(1) מן... (2) ואעזאזהם אלואחדה (3) ללגרבה ואלתאניה למא (4) בינה ובין עבדה (5) וליס יכפא עלי מולאי (6) אלצואב וכדלך מן (7) סבב אבו אלכיר (8) אלברקי בתתויהה (9) פי בעץ אלבלאד (10) ואנא אן שא אללה (11) ארגו וצולה פי האדה (12) אלסנה ולקאה פי (13) עידאב ואן

Bodl. MS heb. a 3/19 19 verso

19 verso
بيان أذونات الصورة