منحة في رسالة: ENA 4194.3
رسالة ENA 4194.3- الاقتباس المرجعي
- S. D. Goitein and Mordechai Akiva Friedman, India traders of the middle ages : documents from the Cairo Geniza : India book (Leiden and Boston: Brill, 2008), vol. 2.
- Location in source
- Relation to document
- الترجمة
- الاقتباس المرجعي
- Moshe Gil, In the Kingdom of Ishmael (in Hebrew) (Tel Aviv: Tel Aviv University, 1997), vol. 4.
- Location in source
- #801
- Relation to document
- Digital Edition
- الطبعة
- الاقتباس المرجعي
- S. D. Goitein, unpublished editions.
- Location in source
- Relation to document
- الطبعة
صورة
النصوص المفرّغة
الترجمة
Editor: Gil, Moshe
ENA 4194.3 1
Moshe Gil, In the Kingdom of Ishmael (in Hebrew) (Tel Aviv: Tel Aviv University, 1997), vol. 4.
II, 59
- [... א]טא[ל] אללה בקאה ואדאם עזה וסו[אלי מן]
- [אללה תעאלי אן יגמע] ביננא עלי אסר חאל במנה וכרמה וממא אעלמך
- [...]ם ראס אלמתיבה בכרה יום אלאחד אלא אלבית ומצי
- [...] אנסאן וקאל לי אן אבו סעיד קראבת אבו נצר אבן אליש[ע]
- עלא אלמות ומא בקי פי שי וקד דב[ר]ו אליה אצחאב מואריף וקאל להם בן אל[..]
- צחבת אבו נצר שי פי אסכנדריה ונחן נכאף אן יגרי עליה שי ינפד אלא
- אסכנדריה יקבץ עלא אבו נצר פקאל לי אלריס א//כ//תב כתב אלא אלשיך אבו זכר[י]
- אעמלה באן יכון יאכד קמאשוה מנהא מן קבל אן יתאתא עליה אמר כל [מא]
- ביד אבו נצר הוא גמהור מא ענדך ואנת תעלם בדאלך ואלה אללה יא סידי
- לא תתואנא פי דאלך פאן אלרגלו עלא כטאה ומא יגרי עליה שי
- אלא וקד אנפדו אלנגאביאן אלא אסכנדריה ואנת תעלם אן אלבלד חאמאס (!)
- וקד אכתרינא אנסאן נגאב פי אלבר בסב אלכתב לא גיר ואלה אללה אבצר
- איש תעמל ולא תתואנא פי דאלך ואן אלריס קד אוצאני [[ואל]] וקאל לי
- פאן מא יגרי עלא אלרגל שי אלא ותתעב פאחרץ אנך תתכלץ ותאכד
- קמאשך כיף מא כאן ולו כסארת אלנול פהאדא קול אלריס ואנת תעלם
- אנהא מא ירדי לך אלא אלכיר ואלדי בידך גמיעה מעה וחפץ אלוצל אכיר
- אחבת אעלאמך בדאלך ואן אלריס מריץ מעוה אלחצא ולו איאם והו יכצך
- בלסלם ויוציך סאעת אן תקף עלא אלכתב לא תתונא (!) פי שיל קמאשך פאן
- אלרגל מא בי פיה שי ואבו אלפצאיל צהרה יכצך בסלם אלגזיל ואבצר כיף
- תכואן (!)פי כלץ קמאשך פאן גרא עלא אלרגל שי יקולו אן אלקמאש גמיעא
- לבו סעיד ותרגע פי תעאב עצים ותכץ נפסך אלעזיזה עני אפצל אלסלם אלגזיל
- ואהל אלבית יכצוך בסלם ויסף יכצך בסלם והום פי עאפיה והום תסתוחשאן
- לך כתיר ואללה לא תעיד אלא ענדם אלה יגעלך פי חיז אלסלאמה ויכפי
- אלאסוא וכתאבי יום אלאחד אלכאמס עשר מן גמאד וכתאבך לא תקתטעני
- וקד כתבת אליך כתאב צחבת אבו סרור אבן פריג ולי ענד אבו אלעלא אבן
- אלגאמוס נצף דינאר תאכדה לי מנהא (!) ואבו סרור
- יערפה ויודך הוא
ENA 4194.3 2
Verso:
- ובעד אן כתבת אלכתאב גאני מסלם וקאלי אן אלרגל מא ימסי אללילה אכתב כתאב אלא
- צהרך אעלמה באן יכלץ קמאשה מן אבו נצר פאן מא יגרי עליה שי אלא ינפד
- אלא אסכנדריה יקבץ עלא אבו נצר פיכון ענדה אלכבר בדאלך וקאל אן איצא
- אשתהא אן אסאפר לה עלא אלבצאעה פינפד לי כתאב אן כאנת אלבצאעה פי אלמרכב
- ואן כאן יקדר אן יכלצהא פלא יבאלי בכסארה פחץ אלאוצל אכיר ושלם
חצרת מולאי אלשיך אלאגל אבו זכרי
בן יוסף מחרוז בן
