ثيقة شرعيّة: CUL Add.3418 + CUL Add.3421

ثيقة شرعيّة CUL Add.3418 + CUL Add.3421

بيانات التعريف

علامة الرف
CUL Add.3418 + CUL Add.3421
المحرر
S. D. Goitein, unpublished editions.
تاريخ الوثيقة
اللغة الأساسية
Judaeo-Arabic

العلامات

Additional metadata

Historical shelfmarks
ULC Add. 3418; CUL Add.3421.2; ULC Add. 3421
تاريخ الإدخال
In PGP since 2004

الوصف

India Book I, 1–2: Court proceedings dealing with the dispute between Yosef ha-Lebdi the India trader and Yequtiʾel b. Moshe, 'the representative of merchants' in Fustat. Dated: Monday, 2 Kislev 1409 Seleucid, which is 9 November 1097 CE. The document lists their commercial dealings and contains much information on trade of textiles, silverware and corals. The document is written in the hand of Hillel b. Eli. Note that the lower part of CUL Add.3421 is Doc. I, 4 in the India Book (see separate record).

CUL Add.3418 1r

1r

النصوص المفرّغة

S. D. Goitein, unpublished editions.

I, 1

יכתץ באבו יעקוב אלחכים מע מ יוסף אלטראבלסי

  1. בתרין בשבה דהוא תרי יומי בירח כסלו דשנת
  2. אלפא וארבע מאה ותשע שנין למניינא דרגיליננא
  3. ביה בפסטאט מצרים דעל נילוס נהרא מותבה
  4. כן הוה חצר אלי בית דין מר יקותיאל בר מר משה הרופא
  5. נע וטאלב מר יוסף הידוע בן אללבדיה אתנין וסתין קטעה
  6. בז שרחהא ח פוט חגליה בחריר ופוטה חריר חמרא
  7. ואכרי כצרא אלתנתין עמל מצר עמל בריך ומלאה דביקי
  8. מחשאה בחריר מקצבה ופוטה סוסיה רוסיה וספט
  9. מתאע [[מנוע]] עמל מצר עדתה ארבעין קטעה אחראם
  10. ביאץ כאם וה פוט חמציה רצאציה פוטה שערי
  11. מפרדה תאמה נצפין ארדיה מעלמה מטאיה מדבגה
  12. רפאע וכרקה מתלת נצף תוב מקצור מיזר ללף אלמתאע
  13. ומן אלפצה מרש מחרק מגרק וזנה סבעין דרהם קמע
  14. מדהב מגרק וזנה כא ורבע יד מדכנה מגראה
  15. סואד מחרקה מגרקה וזנה פב דרהם מרפע וגטא
  16. מגרי סואד מדהב וזנה עח ונצף מגסל מגרי סואד
  17. מדהב וזנה נב ורבע קחף מגרי סואד מדהב וזנה
  18. נה דרהם ומן אלנחאס צרב אצפר ויא בה מפרג
  19. צרה וזנהא מאיה ועשרה ארטאל מצרי ומן אלמרגאן
  20. ביעתין אלא עשר ומן אלמחמודה אלזרקא עשרין דרהם
  21. ומן אלמיעה אליאבסה אלחמרא עדל וזנה ש ופ מנא אשנה
  22. ארבע מאיה מנא נקי אפתימון אקריטשי עשרה אמנא

الترجمة

CUL Add.3418 1v

1v

Verso:

  1. ובתיה מיעה סאילה[[א]] //וזנהא כמסין מנא נקי// קבצהא מן ערוס והי לי צרה
  2. דנאניר טריה צרב אלעאל עשרין דינ ווזנת מוונה
  3. מכס מצר ואגרה אלמרכב ען אלגמיע אלי סאחל קוץ
  4. אנפדת אלגמיע מעה ליביע לי וישתרי מא סהלה אללה
  5. וקלת לה אדא סהל אללה וצולך סאלם אלי עדן תנפד
  6. לי נצף הדא אלרחל עלי יד חסן בן בנדאר אלי מניבאר
  7. בלד אלפלפל לישתרא לי בה פלפל ואלנצף אלאכר יכון
  8. צחבתך אלי נהר וארא תשתרי לי בה לאך ויכון אלגמיע
  9. צחבתך פסאל מר יוסף דנן ען דלך פקאל תסלמת מנה
  10. שדה בז וצלת בהא אלי דהלך ולמא וצלת אלי דהלך
  11. ראית ביע אלבז הנאך חט לה פבעת עלייתה צח פיה
  12. סתין מתקאל טייבה גיאד [[ובקי מעי]] //[[מעמ]]// מעמא כאן פצל
  13. מנה ואביע פי עדן ואמא אלפצה תסלמתהא מנה
  14. וסלמתהא אלי חסן בן בנדאר אלוכיל כמא אמרני [[לישרי]]
  15. ואלאשנה [[ואלנחאס]] דפעתהא לחסן בן בנדאר באעהא
  16. ואצאף תמנהא אלי אלסתין דינ אלתי בעת בהא אלבז וסלמתהא
  17. לה ועליה תמן אלמיעה איצא אלדי בעת מנהא בדהלך
  18. בארבעין דינ נקד אלמוצע תסאוי עשרה מתאקיל טייבה
  19. סלמתה מע אלאפתימון ואלמחמודה אלי חסן בן בנדאר
  20. מע לפה אלבז ובקאיא אלמיעה אליאבסה ואלמרגאן אכדתה
  21. צחבתי אלי נהרוארא ואמא אלבתיה אלמיעה אלסאילה
  22. קבצתהא מן ערוס וחאסבת מרֹ יקותיאל דנן בתמנהא

I, 2

  1. קבל ספרי ומא לה פיהא שיא וסאלנאה ען בקיה
  2. אלמיעה אליאבסה ואלמרגאן אלדי דכר אן אלגמיע כאן
  3. צחבתה אלי נהרוארא כם צח פיהמא גמיע פקאל
  4. אמא אלמיעה צח פיהא בעד אלמוונה ואלואגב
  5. מאיה ועשרין דרהם ואמא אלמרגאן עארצת בה
  6. לה אלי כרז תלף מנה שי פי אלבחר ובקי מנה
  7. צרה שראב והי חאצרה ותמן אלמיעה אצפתהא
  8. אלי רחלי ואשתרית בהא בצאיע אי שי אראד מן אצנאף
  9. אלבצאיע דפעת לה מנהא במוקתצא חסאבה פסאל
  10. עמא אסלף לה עלי יד חסן בן בנדאר פי אלפלפל פקאל
  11. אן אסלף לי חסן אלמדכור עלי כמסין בהאר פלפל חסאב
  12. כל בהאר ה דנא מנהא באסם [[אלשיך ו]] מ יקותיאל
  13. דנן טו בהאר מנהא [[ג חדיד]] אלרבע חדיד פסאל
  14. ען מבלג [[אלוזן]] וזן אלמיעה אלמביעה בדהלך פקאל
  15. בעתהא מנין בדינ וצח מבלג תמן מא אביע תמאנין
  16. מנא בארבעין דינ אלמדכורה לעילא ולמא וצלת אלי
  17. ההנא כאטבני עלי מא כאן לה מעי וגרי ביננא כטוב
  18. כתירה דפעת לה מגאמלה עמא כאן לה מעי חמל
  19. לאך במאיה דינ ואסלפתה איצא עלי מא לה ענד
  20. בן בנדאר מאיה דינ אכרי פסאל מ יקותיאל דנן ען דלך
  21. פקאל אמא אלדי דכרה מן חאל אלמאיתי דינ פקד קבצת

CUL Add.3421 1r

1r

Verso:

  1. מנה הדה אלמאיתי דינ אלמקדם דכרהא עלי אלקציה
  2. אלמדכורה והי מן גמלה מא לי פקאל מר יוסף דנן
  3. אן הדה אלמאיה דינ אלתי קדמתהא לה עלי מא לה
  4. פי עדן אן סלמת ווצלת ופצל ען אלמאיה שי [כ]אן לה
  5. ואן עגזת שי הו פי חל מן דלך מן אלאן ועאד מ יוסף
  6. דנן וקאל פי אלמושב אנני מא דפעת הדה אלמאיתי דינ
  7. אלא מצלחה ען אלכל ומה דהוה קדמנא כתבנא וחתמנא
  8. דליהוי לזכו ולראיה הלל ביר עלי זל
  9. אברהם ברבי שמעיה החבר נבתויא נין שמעיהו גאון נע
  10. שלמה הכהן ביר יוסף אב זצל

CUL Add.3421 1v

1v
بيان أذونات الصورة
  • CUL Add.3418: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
  • CUL Add.3421: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
https://geniza.princeton.edu/documents/5388/