قائمة/جدول: T-S NS 320.7
قائمة/جدول T-S NS 320.7العلامات
الوصف
List of deaths in Fustat from the last day of Tevet to the 29th of Nisan 1437 (27 December 1125 - 23 April 1126). By Goitein's count: 41 adults, 18 children, and 6 infants. Includes several female slaves and poor people. Information from Med Soc V, p. 115; Goitein index cards.
Edition: Goitein, S. D.
Translation:
T-S NS 320.7 1v
النصوص المفرّغة
S. D. Goitein, unpublished editions.- ומאת אפרים אבן אבו נצר אלדי כאן יקול אלשיך פי אלכניסה ומאתת
- איצ אם אבו אלחסן אלתי(!) כאן עטאר פי סוק אלכביר ולהא אכת ולה
- הו איצ אבן ובנת יום אלאחד אכר יום פי אלטבת שנת אתלז ומאת פי
- יום אל[[אתנין]] תלתה אלתאני מן שהר שבט ולד ולד ר אלעזר
- הדאין(!) ומאת אליהודי אלחלבי אלדי כאן יטבך אלגולבאן
- ולה אולאד ומאת //אבן// אבן אלנאיחה ומאת אבן שמילה
- פי יום אלד אלתלת מן אלשהר ומאתת יום אלאחד אלז
- מן שהר טבת ומאת טופיל לרגל זגאג יום אלגומעה ומאת
- אנסאן יערף אבן אלמכתצב יום אלב אלח מן שבט ומאתת
- טפלה לואחד מכירי יום אלארבעה אלי שבט ומאת ולד איצ לאבן אכו //ומאת צדקה בן צמחה אלכהן וכלף טפלה//
- אבו(!) גאלב אלחלבי אלצאיג ולה ואלד באלחיא ומאת איצ ולד לואחד צבאג רומי
- איצ פי דלך יום ומאתו טפלין אחדהמא לאבן קסאסה ואכר לאבן
- סעד אלמלך יום אלגומעה טו מן שבט ומאת //איצ פי דלך אליום// אכת אבו עמראן
- אבן טוילה ומאת מולאהם אלמערוף באבן רחמ קרבה אל
- שיך אבו מנצור ואיצ מאת אנסאן סכנדאראני(!) אבו אלשע/י/ילי
- אלדי סכן פי דוכאן אלשיך אבו סעיד אבן אלעפצי יום אחד
- ועשרין מן שהר שבט ומאת איצ טפלה לואחד פי [ז]קאק
- אלכ]ניסה יום כב מן שהר שבט ומאת סלימאן אלמדאדי
- . . ] זקאק אלכניסה והו מא לא פי מצר וארת יום אלגכ מן חדש שבט
- ומאת רגאל ואחד אסמה הלל בן צדקה אלמוסתרקי ולה ולד
- וזוגה פי סונבאט ומאתת זוגה שבת אבן יונה ומאתת
- חמאת בדוי פי זקאק כניסה יום אלגמעה סתת ועשרין מן
- שבט ופי עשר אלאוסט מאת(!) גאריה לסעאדה אלנדיב
- ומאתת זוגת אביסחק אבן אלתווזי יום כז לירח שבט
الترجمة
T-S NS 320.7 1r
verso
- ומאתת זוגת אברהם אלמליגי ולהא זוג ואולאד ומאתת אם עפראן
- ולהא ג אולאד ומאתת בנת לעלי אלמערוף באלטסיון גמיעהם פי יום
- טכ מן ירח שבט שנת אתלז ומאת ולד לסבאע אבן אלצבאג
- ומאת צעיף פי אלכניסה ומא לה שי יום אלג אלז מן שבט
- ומאת שרוג אלגזי צעיף זוג עמת אבו טאהר אלכהן ומאתת //גאריה//
- גאליה בת אהרן הכהן נע אלמשוחר/ר/ת ומאת אלמליגי אברהים בן מבורך נע
- יום אלד כמס עשר מן אדר הראשון שנת אתלז //וצאין//
- ומאת עלי אכו אלענבריה ולה אולאד יום אלגומעה יז מן
- שהר אדר ראשון שנת אתלז ומאת ולד אלשיך אבו אלפצל
- אבן אלבצרי יום אלאחד ועשרין מן שהר אדר ראשון ומאתו
- אמראתין אלואחדה וארתהא [[אברהים]] //אבנהא אבן אלמעוגה// [[ואלאכרי]] וארתה זוגהא
- אברהים פי יום אלגומעה מאת טופל ליוסף אלכיאט אלדי בין ידי
- אלכניסה ומאת אבן יחיה אלחזאן נע ולה אכת והי זוגה אבן שר
- אלשראבי מאת ולד לאבו עמראן אבן זרק יום אלאח
- אלכא מן אדר [[ראשון]] שיני ומאת קבל דלך בני לישראל צהר
- נאקד ומאת איצ גאריה לאבן ציריה ומאת יום אליז מן אדר
- מנצור זוג בנת נפע חמאת אבן חלאל וגאריה לאבן(!) ומאתת
- אמראתין ולכל ואחד מנהן בנת חמאת אבן אלקא[ . . . . .
- אמראה אבן נתן פי יום אלהכ מן ירח אדר ומאתת [ . . . . .
- זוגת אלשיך כגק מ יוסף השר הנ נר אלמערוף באבן חגאג
- מן שהר ניסן שנת אתלז ומאת ואחד //ולה כמסה אטפל// יום אלג אלחאדי עשר מן
- שהר [ניסן] ואיצ פיה פי יב חמוה אבו נצר אבן יכין אלחז[אן
- ומאת יחיה אבן דבאג ולה בת(!) //ואך// ומאתת איצ מראה לה(!) זוג וא[
- ומאת אבן אלענאני ולה ולד ובני אך יום אלאחד תלת ועשרין
- מן ניסן ומאת בנת אלחאנט זוג בנת אלמואזאני (!) ומאת עטייה שומר
- אללחם יום אלד איצ ומאת ואחד פי דאר אלקודש אלתי בין אלכניסתין פהין ואסמה
- ולה ולד והו צע[יף] יום אלגומעה טכ מן ניסן
