منحة في ثيقة شرعيّة: Yevr.-Arab. I 328
ثيقة شرعيّة Yevr.-Arab. I 328- الاقتباس المرجعي
- Matthew Dudley's digital edition (2026), available online through the Princeton Geniza Project at https://geniza.princeton.edu/documents/41539/.
- Relation to document
- Digital Edition
صورة
النصوص المفرّغة
الترجمة
Editor: Dudley, Matthew
Yevr.-Arab. I 328 recto
°
Matthew Dudley's digital edition (2026).
Yevr.-Arab. I 328, folio 26r
- למא כאן לילה אן יספר צבאחהא נהאר אלאתנין י׳׳ח פי שהר סיון המכו׳
- סנה ה׳ש׳כ׳ה ליצירה חצר מוסי אללוי א׳ ע׳אלבאקי אללוי יצ׳׳ו ורצ'י א׳אלאך שמואל
- ברכה יצ׳׳ו וחצל בינאתהם תואפק ותראצ'י בשרכה פי צנעה אלציאגה ואן
- ג]מיע מא יסתג'לוה ויטלע פי מן אלרבח למשה אללוי אלמד׳ אע׳ סתה מן
- אנצאף מן כל עשרה אנצאף ולרצ'י אלברכה ארבע אלעשרה אלבאקין
- ודלך פי גמיע מא יסתגלוה פי צנעה אלציאגה ופי גמיע מא יעאנוה
- פי צנף אלדהב ואלפצ'ה פי אלדכאן ולו כאן [[...]] //אחת.הם// מא שי אלטריק
- וראי(?) שי מרמי //פי אלארץ'// ידכל תחת אלשרכה או אשתרה כתיר או קליל פי חצרה
- שריכה אופי גיאבה פי אלדכאן [[..]] פי גיר אלדכאן אלכל דאכל תחת אלשרכה
- אן //ולו// כאן דרהם נקרה או אשרפי דהב או אכתר או אקל ואן גמיע כלפה אלדכאן
- עלי חכם אלשרכה //וכרא אלדכאן עלי אלחכם אלמ.// ואיצה אלתראב עלי אלחכם אלמד׳ אע׳ ודלך אלאתפאק
- מדה סנתין כאמלין מן שהר תארי׳ ואנה יוצלו בעצ'הם אלבעץ' אלאמונה
- פי כל שי אן צח לה מן אלרבח וגירה מן אלמדכורין ואם חס ושלום חצל לאחדהם
- לא..(?) עארץ צ'עף או רמד או גירה ואתעוק כתיר או קליל גמיע מא
- יצח לרפיקה מן אלרבח //ואמא כלו אלדכאן גמיעה לרצי ולי.// יקסםעלי רפיקה עלי אלחכם אלמד׳ אע׳ וכל דלך
- חצל מן אתנינהם בשבו׳ בש׳ ית׳ תם בעד דלך אשהדו עליהם עלי אנהם
- לם יתראכו עלי בעצהם אלבעץ' ואנהם יואצ'בו דכאנהם ואמא כלו אלדכאן
- לרצ'י אלברכה וליס למשה אללוי פי אלדכאן שיא יכון מן אלכלו ואן כל מן אפ.ר(?)
- הדה אלשרכה יוזן לרפיקה כמסה דהב קנס אלא אן אצ'הר עדד מקבול
- ענד אלדיינים ובעד דלך יכלץ מן אלקנס בחכם אלדיין וכל דלך חצל ברצ'א
- אתנינהם מן ג'יר אגבאר ולא אקהאר בחצ'ור ואלדוהם אלאך ע׳אלבאקי אללוי
- ואלאך שמואל ברכה אלמד׳ אע׳ בשהאדת מן יצ'ע כטה פיה והכל שריר ובריר וקים