منحة في ثيقة شرعيّة: Yevr.-Arab. I 328
ثيقة شرعيّة Yevr.-Arab. I 328- الاقتباس المرجعي
- Matthew Dudley's digital edition (2025), available online through the Princeton Geniza Project at https://geniza.princeton.edu/documents/41121/.
- Relation to document
- Digital Edition
صورة
النصوص المفرّغة
الترجمة
Editor: Dudley, Matthew
Yevr.-Arab. I 328 recto
°
Matthew Dudley's digital edition (2025).
Yevr.-Arab. I 328, folio 16v
- אנדרופיה למדה סנה ושהרין מן תאריכה תם יעיש אלמד׳ חלף
- בשבועה //גמורה// בש׳ ית׳ אנה אכר שהר תמוז //אלאתי// פי אלסנה אלאתיא יוצל [[...]]
- [[יעיש אלמד׳ לע׳ אלעזיז אלמד׳]] הדה אלקדר //בתמאמה וכלאמה// אלמד׳ לע׳אלעזיז אלמד׳
- מן גיר חילה אן תכון מטלקא וכל הדה חצל ברצא אתנינהם מן גיר
- אגבאר בשהאדת מן יצע כטה פיה והכל שריר ובריר וקים
- למא כאן בתא׳ לילה אן יספר צבאחהא נהאר אלאחד כ׳׳ו שהר תמוז יא׳׳ל חצ'רו
- אלדיינים אלתלאתה פי בית שמחה תב׳ ות׳ והם אלאד׳ הנ׳ הג׳ שמואל יצ׳׳ו ואלמולי אלאגל
- יהודה הרופא יצ׳׳ו ואלמולי אלאגל ישעיה אלתוריזי יצ׳׳ו וחצ'ר בין איאדיהם אלאך שמואל
- אלכהן א׳ אלמר׳ פרגא׳ אלכהן אלמערוף בפכיר נ׳׳ע ואדעא עלי חביבה אבנת אלמר׳
- יהודה אלמערוף באלחקאן נ׳׳ע אנהא הגמת עלי אסתר בנת עמתה אבנת אלמר׳
- צדקה אלכהן אלמערוף באלחקאן נ׳׳ע בבית באבן אלכעב פיביתהא ואתעדת ואסת עליהא וצרבתהא
- וצ'רבתהא ונעלתהא //ואמא אל[..]אסה ואלצרב שאמחת אסתר בה// פסאלו אלדיינים חביבה אלמד׳ אע׳ פאנכרת חביבה וחלפת אנהא
- מא נעלת אסתר אלמד׳ פקאלו אלדיינים לשמואל אלמד׳ ענדך עדים פקאל נעם פאחצר
- עדים והם אלממ׳ אברהם אלתוריזי ואכיה יוסף אלתוריזי וצדקה א׳ אלמולי יוסף
- אלנקאש ושהדו באלנעלה ואיצ'א נסואן כתיר כאנו חאצרין ובישהדו באלנעלה
- ובגירה פמא אחתאג אלאמר להם בחצור עדים רגאל ואמא אלמולי מרי ורבי
- ישעיה אלתוריזי צאדק אלעדים עלי אן חביבה אלמד׳ דכלת אלבית שמואל
- אלכהן וקאלת לשמואל אלכהן בח'צורה אנא ותורה מא נעלתך //אנא// מא נעלת
- אלא אסתר בנת עמתך פטאלבו אלדיינים אן יעמלו מע לחביבה אלדין פמא
- יקבלת עליה אלדין ולם קדרו עליהא מן קות שרהא [[מן]] ועיאטהא פחבו אלדיינים
- יכסרו אלשר ואלצ'ראב פאשארו אלדיינים אנהא תחלף עלי אלתורה
- י׳׳ג יי׳׳א אנהא מן יום תאריכה לם עאדת תנעל אחדא מן ישראל לא רגל ולא
- אמראה מבאדה ואן אתעדה אחדא מן אלקסל ואסא עלי חביבה או נעלהא
- או צרבהא תשהד עליהא עדים ותטלבה ללדיינים ואלדיינים יעמלו מעהא
- אלחכם ואן חביבה לם עאדת תמד ידהא לאחדא מן אלקהל לא כבאר ולא צגאר
- וכל דלך מא חבו יעמלוה אלדיינים מעהא אלא אלכתרה שרהא מע אלנאס אלכל
- וגרית אללשאן עליהם פטלבו אנהם יקוהא בהדה אלשבו׳ לאן אדא אתעדת
- כדבת פי אלשב. יאכדו מנהא חק אלשבועה וקנס פמא רצ'ית חביבה בדלך ולא
- תטאיע אלדין פסבב מכאלפתהא ללדין אול ותאני וכתרה שרהא וצראבהא וגריית
- לשאנהא עלי אלנאס אעטו אלדיינים רשות ללקהל עלי אן כל מן אסת עליה
- חביבה או נעלתה או צ'רבתה ישהד עליהא ויסתכיהא מן אומות העולם לאן אליהוד
- מא קדרו עליה אלמכאלפתהא אלדין והדה מא ראוה בעין אלמצלחה ללנאס לאן
- ישראל מלזומין //בשטר// עלי אנהם לם ימכ.ו אחדא יסתכי כצמה מן אומות העולם [[.]] והדה
- למן יקבל עליה ומא לא יקבל עליה אלדין ולם יקדרו עליה אלדיינים
Yevr.-Arab. I 328 verso
°
Yevr.-Arab. I 328, folio 17r
- האדי או גירהא יעטי אלדיינים אדן לכצמה אנה יסתכיה מן אומות העולם ודלך
- בעד אן יקףו(!) עלי אלדין תורה י׳׳ג וי׳׳א ולא סביל לאחדא אן יסתכי אכוה לעבדו
- מן אומות העולם כמא מכתוב פי שטר ר׳ אליהו בשייצי אלא כאן כצמה מא
- [[..]]טאוע יטאוע ויעטוה אלדיינים אדן וכל הדה חצל ברצ'א אלדיינים
- וברצ'א אכתר אלקהל בר׳ יה׳ והכל שריר ובריר וקים