رسالة: CUL Add.3343
رسالة CUL Add.3343العلامات
الوصف
Letter sent by Shelomo b. Eliyyahu to his cousin Abū l-Barakāt al-Ḥarīrī b. Abū Manṣūr, discussing the marriage of their paternal cousin to Ibn al-ʿAmmānī. (Information from Mediterranean Society, III, p. 5)
Edition: Goitein, S. D.
Translation:
CUL Add.3343 1r
النصوص المفرّغة
S. D. Goitein, unpublished editions.- אכיה ומחבה שלמה ברבי אליה הדיין ישקיף עליו בהמון רחמיו
- כתאבי אלי אכי וצדיקי אלאך אלעזיז אלאציל אלגליל אלכרים
- אלמחתרם אבי אלברכאת אטאל כאלקה בקאה וחפטה ותולאה
- ומן חסן אלתופיק אלדאים לא אכלאה וגמע אלשמל בה עלי
- כיר ועאפיה אן שא אללה תעאלי וינהי כתרה אלשוק אלי סעד
- טלעתה ואלתאסף עלי אלפאית מן מלאחטתה ואלמבאשרה
- באלתמלי ואלתחלי בראיתה וסואה אנני בחמד אלבארי
- עלי רחמתה וחנתה ית' ש' כמא תוגהת אלי אלעאפיה יודו לי חסדו וגמ
- ולם אעוז סוא נטרכם ואלקרב מנכם ואלאיתאר במחבתכם
- פהו תע עאלם אלסראריר(!) ואנני קצדת אלמגי פי הדה אלאיאם
- קבל אלעיד וגדת אלאחואל משושה פבקית אלי חית יטמאן אלקלב
- מן אכבאר אלמלוכה כי היא הפוכה ומלחמותיה ערוכה ומשפחת
- האדומי עם הישמעאלי מסוכסכה והקבה יחון על השארית אשר היא בוכה
- ומבוכה יקבץ פזורינו יתן בהשקט ובבטחה נפשנו שנ וישב עמי בנוה שלום
- במשכנות מבטחים ובמנוחות שאננים ואנא אלי אלאן מראוד נפסי
- ללדכול אלי אלבלד נסכן פיהא פאללה יפעל רצאה ואנני משתאק אלי
- בנת עמי אסעדהא אללה ואלי זוגה אכי סת אלעלם ופקהא אללה ואלי אלצגירה
- געל אללה נגמהא סעיד ווגההא מבארך ומתעגב כונהא אנעאקת אלי
- אלאן וחק אלברית מא טלבת אעייד עיד אלפטיר אלא ענדהא חתי
- אכדהא ואכרג לאן אלקלוב משתאקה אליהא פאללה יופקהא אין
- מא כאנת הי תעלם אן מחבתי להא פי כל וקת מחבה תאבתה
- לא תתגיר אצלא ופי חקהא גאיבה כאנת או חאצרה פאללה יסעדהא
- ולא יכגלהא אבדא ויגמע אלשמל בהא ואמא אלשיך אלחתן אלגליל
right margin, straight lines at 90 degrees to main text
- הבה אללה בן אלעמאני שמ צו סייר כתאב אלי ענד אכי אלראיס אבו זכרי שצ והו יפתכר
- באנה דכל ערוס בנת עמתי ופקהא אללה תעאלי ואן אלנשיא חצר ואן אלמרתבה מליחה וערס
الترجمة
CUL Add.3343 1v
verso
- מליח ערפה יא אבי אלברכאת יא אכי אנהא מא תשרפת בה
- הו תשרף בהא ובבקיה ביתתהא אלטאהרה אלשריפה מן אגדאדהא
- מן אמהא רחמהם אללה תעאלי ומא לי פרגה אן אגאובה ען . . . .ה ולו פתש פי קבילה גמיעהם מא וגד מתלהא אבדא וביתתה. . . . . .א. . . .
- אקריה סלאמי באגל סלאם וואלדה ר יהודה החבר החכם והנבון . . . .
- ותקרי סלאמי אלי ואלדך ואכיך ועמך ואהל ביתך אלסלאם ואבן עמרו אלשיך
- מוסי אפצל אלסלאם ואכי איצא יוסף שמ צו ואכיה נסים . . . . . אללה
- ואלי גמיע אהלנא אלשיך אבו סרור וואלדתה וואלדה ובקיה אלאצחאב .אלא. . . . . .מ. . . .
- בכם ומולאי ואכי וואלדתי יסלמו עליך וערף סת אלעל.[. . . . . . . . .] זוגתי תסלם
- עליהא ומשתקאה אליהא כתיר ושלומך ירבה [. . . . . . . . . . . . . . . . . . . .
- ותסלם עלי צהרי אלשיך אלאגל אלאמין אלמכין [. . . . . . . . . . . . . . . . .
- ועלי אכיה אלנגיב אבי אלברכאת וואלדה אלשיך [. . . . . . . .ש]מ צו
- ותסלם עליהם גאיה אלסלאם ותסלם לי אמראת אלשיך אבי אלפרג
- בן אלקאש זל ותסלם עלי זוגהא ועלי אבי אלברכאת אבן עמך
- אפצל אלסלאם ועלי אלמולי אלכהן אבי אלמפצל אלחזן שמ צו
- אפצל אלסלאם ואולאדה ישמרם צורם ושלומך ירבה
bottom margin. Address. Arabic:
- נצל אלי אלשער אלמחרוס יסלם אלשיך אבו אלברכאת אליהודי אלחרירי ולד אלשיך אבו אלמנצור אליהודי אלחרירי מן מצר
- מן ענד אבו אלברכאת ולד אבו אלפרג יערף באן אלרייס א.אם מו. .ל.
{ bottom margin at 180 degrees to main text
- אלי אלתגר אלמחרוס יסלם ללשיך אלאגל אבי אלברכאת אלחרירי ולד אלשיך אבו מנצור
- אלחרירי שמ צו מן מצר מן אבן עמה שלמה ברבי אליה הדיין סט יערף באבן אלרייס זצל
