رسالة: T-S 16.163
رسالة T-S 16.163العلامات
الوصف
Letter from Yūsuf b. Mūsā al-Tahirtī, in al-Mahdiyya, to Yeshuʿa b. Ismāʿīl al-Makhmūrī, in Fustat. In Judaeo-Arabic. Dating: August 3, 1063, based on Gil's assessment. The letter contains details about shipments of goods and about the route of ships from and to al-Mahdiyya, as well as a price list. It also mentions a lawsuit filed against Yeshuʿa by one of his Sicilian partners. Yūsuf opens with several lines of sympathy for Yeshuʿa's health problems. First, he was happy to learn of Yeshuʿa's recovery. Then, two letters came with news that he had gotten worse (mā intahā ilayhi ḥālak). Then, Yeshuʿa's own letters came with news of his recovery. (Information from Gil, vol. 3, p. 245, and from Ben-Sasson, p. 393.) ASE
Edition: Gil, Moshe
Translation:
T-S 16.163 1r
النصوص المفرّغة
Moshe Gil, In the Kingdom of Ishmael (in Hebrew) (Tel Aviv: Tel Aviv University, 1997), vol. 3.Recto
- כתאבי יאסידי ומולאי אטאל אללה בקאך ואדאם סלאמתך וסעאדתך מן אלמהדיה ה' כלון מן אלול
- ען סלאמה ונעמה ואלחמד ללה רב אלעאלמין וצלת כתבך פי אלמראכב ווקפת מנהא עלי מא סוררת ביה
- מן סלאמתך ועאפיתך וחמדת אללה עלי דאלך וקד עלם תעאלי מא כאן עלי קלבי מן וצרל אלפיג' בגיר
- כתאבך תם דכר לי ר' נהראי מא אנתהא אליה חאלך תם וקפת עלי כתאב בן אלסמרקנדי לכלוף ידכר
- לה מרצ'ך פאשתג'ל קלבי בדלך כתיר אלי אן מן אללה בוצול כתבך פי אלמראכב פחמדת אללה ושכרתה
- עלי מא מן ביה עלינא ועליך אסלה אלתמאם באחסאנה פי תמאם עאפיתך תם סררת איצ'א
- במא דכרתה פי כתבך מן וצולך אלינא אלעאם אלאתי אסל אללה יכתב סלאמתך ויג'מע ביננא
- עלי אפצ'ל אלאחואל במנה וכרמה ולקד כ[נ]ת עלי אני נג'רד מא וצל מן קבלך ומא חמלתה אליך
- ונוג'הו אלי וצל כתאבך במג'יך אבקיתה אלי וצולך באלסלאמה וקד עולת עלי תחליל ג'מיע מא בקי
- ענדי להדה אלכלטה ולג'ירהא ונעמל חסאבהם ונוג'הו מע אלפיוג' לאן מא עוקני אלסנה מן אלספר
- אלי חתי ננצ'ף חסאבי מע כל אחד ונתכלץ מן בנאת אכי אללה תעאלי יסאהל דלך פתסכיר(!)
- אללה תעאלי ותחלל גמיע מא ענדך באלקסם ואלרזק ותקדם נזולך אול אלנאס ולא תתעיק אלי
- אכרהם קד מן אללה תעאלי בוצול מא חמלתה סאלם והו ברקלוין פלפל פי מרכב אלסלטאן ד' אעדאל
- כתאן פי מרכב אלג'נאני ועדל בקם כלטה ר' נהראי פי קארב מפצ'ל ווצל קנבאר בן יונס אלי אספאקץ ווצל
- פיה פיה עדל כתאן ולם יכון לי [ ] באקי אלי אן תחמל אלא צור או
- או(!) ידבר פיה חאל כיף מא יפק[ ] דכרת אן ג'עלת פי אלד' אעדאל כתאן טמאוי ואלברקלוין
- פלפל חצה לצאחב אלש' רבאעי וקד לחק אחד אלברקלוין הרש פי אלמרכב ותעבת פיה לאני גמעתה מן
- פוק אלקמח ולחקה ביאץ' ולם נביעה אלי ען תעב וכאן סערה סער באכס פי הדה אלסנה כאן מן
- כ'ה' די'נ' אלקנ'ט' אלנצף רבאעיה ואלנצף פשאניה עלי כל די'נ' רבאעיה ק'י'ר' נצף ועלי אלפשאניה חבתין
- סוא מא יזידונא מן אלרבאעיה זאיד עלי אלנצף וקסמתו ביהא תם אלפלפל אלדי לחקה אלביאץ'
- בענא אכתרה באלרבאעיה כאנת ל[ ] פיהא [ ] ואב[דלת] גמיע מא קבצ'תה
- ושדתהא צרו אללה תעאלי יכתב סלאמתהא ויגמע עלינא ועליך וטלבני אלדי לה נצף אלש'
- מן אלפלפל פקלת לה מא נעלם תחקיקה אלי אן <יצל> אלחסאב תם אן אלד' כתאן אלדי וצלת באקיה לאן בן אלשר[יא]ני
- קאם לנאס ד' אלאף די'נ' וכאן קד בעת עליה חמל כתאן מן כלטתי מע אלשיך אבי צחק תמנה ק' דינאר
- וטלעו פיה אלנאס אלי אלסלטאן כלד אללה מלכה ואמר אן ילזם חתי יזן גמיע מא ללג'רבא ואן
- יתצברו עליה אהל אלבלד אלי אן יסאפרו אלג'רבא פאמתתלנא אלאמר וקד אנקטעת ען גמיע
- אשגאלי בסבב מלאזמתי לה פי גמלה אלת'גאר ומא נעלם מא נכתב ביה מן שג'ל סרי בהרא
- אלחמל כתאן וקד טלב מנא תכליה תלת ו[ ] תלת אלמאל ודפע אלתלת ואלי אלאן מא תקרר
- לנא חאל וקד חמלת מן ג'מלה אלד' אעדאל עדל אלי סוסה סאלתה אן כאן פיה סוק גייד יביעה ואנא
- אן חסן ענדי ביע סוסה [או]צלת אליהא אלבאקי דכרת מא חמלתה מן אלמצטכי פי עלאוה ר' נהראי וליס
- להדה אלעלאוה ענדי צחה כבר הל הי ק[ד] בקית באלאסכנדריה או חמלת אלי סקליה תם כאן וצלת כחבך
- אנך חמלת נשאצ'ר פי ג'מלה עלאוה אלי סידי אבי זכרי יהודה ולאבי עמראן מוסי בן אבי אלחיי ולם נעלם להדה
- אלעלאוה איצ'א כבר מן עאם אול אלי אלאן נחב תשרח לי פי כתבך חאל הדה אלעלאואת לאני משגול אלסר ביהם
- תם דכרת לי אנך אשתרית עדלין כתאן סרקנאוי ועדלין כתאן לכלטה ר' יוסף ולם נעלם איצ'א להרה אל
- אעדאל כבר תם דכרת לי אן טלב מנך ר' נהראי מן אלק' רבאעי אלואצלה אליך מן חיים בן עמאר //לכאצתי// מא כאן
- בקאה לה אכי נ'ע' וקד וצל כתאבה אלי ידכר אנה כאן א[כב]ר אן אלחסאב צ'אע פי מרכב //בן// שבלון ואנה סאל ענה
Recto, right margin
- יהודה בן אסמע[יל]
- וקאל לה אן אלחסאב פי
- סקליה וענד וצולה
- ינפדה אליה פכתבת
- אליה אן יוקף חאלהא
- אלי וצול אלחסאב
- מן סקליה בתצחיח
- דלך יסתופרה מן
- תחת אידה אן
- שא אללה פאן כנת
- דפעת אליה שי
- תסתרדה מנה
- וכאן סער אלכתאן
- אלסנה באלמהדיה
- ובסקליה באכס כתיר
- וכאנת אלאסקאט
- כלהא מביועה
- לקלתהא וכדלך אל
- סכר ואלשראב
- לם יצל מנה א[לינא]
- מן מצר ולא מן אלשאם וכאן נקול
- אלקרקו<ר>ה אלואצלה
- מן אלשאם
Recto, upper margin
- אלי ספאקץ
- ובאעת באל
- מוצ'ע באסעאר
- [ ] לם
- יכון להם וצול
- פי אלמהדיה
- ואנא נכתב ל[ך]
- פי צ'הר כתאבי
- בגמיע אל
- אסעאר
- ואן כאנת אסעאר
- לא יעול
- עליהא לאנהא
- כרג'ת מן אל
- כתאבי יא סידי ומולאי אטאל אללה בקאך ואדאם סלאמתך וסעאדתך מן אלמהדיה ה(!) כלון מן אלול
- ען סלאמה ונעמה ואלחמד ללה רב אלעאלמין וצלת כתבך פי אלמראכב ווקפת מנהא עלי מא סררת ביה
- מן סלאמתך ועאפיתך וחמדת אללה עלי דלך וקד עלם תעאלי מא כאן עלי קלבי מן וצול אלפיג בגיר(!)
- כתאבך תם דכר לי ר נהראי מא אנתהא אליה חאלך תם וקפת עלי כתאב בן אלסמרקנדי אלכלוף ידכר
- לה מרצך פאשתגל קלבי בסבבך כתיר אלי אן מן אללה בוצול כתבך פי אלמראכב פחמדת אללה ושכרתה
- עלי מא מן ביה עלינא ועליך אסלה אלתמאדי באחסאנה פי תמאם עאפיתך תם סררת איצא
- במא דכרתה פי כתבך מן וצולך אלינא אלעאם אלאתי אסל אללה יכתב סלאמתך ויגמע ביננא
- עלי אפצל אלאחואל במנה וכרמה ולקד עולם עלי אני נגרד מא וצל מן קבלך ומא חמלתה אליך
- ונוגהו אלי וצל כתאבך במגיך אבקיתה אלי וצולך באלסלאמה וקד עולת עלי תחליל גמיע מא בקי
- ענדי להדה אלכלטה ולגירה ונעמל חסאבהם ונוגהו מע אלפיוג לאן מא עוקני אלסנה ען אלספר
- אלי חתי ננצף חסאבי מע כל אחד ונתכלץ מן בנאת אכי אללה תעאלי יסאהל דלך פתסכיר(!)
- אללה תעאלי ותחלל גמיע מא ענדך באלקסם ואלרזק ותקדם נזולך אול אלנאס ולא תתעוק אלי
- אכרהם קד מן אללה תעאלי בוצול מא חמלתה סלם והו ברקלוין פלפל פי מרכב אלסלטאן ד אעדאל
- כתאן פי מרכב אלגנאני ועדל בקם כלטה ר נהראי פי קארב מפצל ווצל קנבאר בן יונס אלי אספאקץ ווצל
- פיה עדל כתאן ולם יכון .ל. . . . . . . . . . . . . . . והו באקי אלי אן . . . . אלחצור אל[ינא
- או ידכר פי'ה חאל כיף מא יפק. . . . . . דכרת אן געלת פי אלד אעדאל כתאן טמאוי ואלברקלוין
- פלפל חצה לצאחב אלש רבאעי וקד לחק אחד אלברקלוין הרש פי אלמרכב ותעבת פיה לאני גמעתה מן
- פוק אלקמח ולחקה ביאץ ולם נביעוה אלי ען תעב וכאן סערה סער באכס פי הדה אלסנה לאן אלפלפל
- כה דינ אלקנט אלנצף רבאעיה ואלנצף פשאניה עלי כל דינ רבאעיה קיר נצף ועלי אלפשאניה תלתין
- סוא מא יזידונא מן אלרבאעיה זאיד עלי אלנצף ונסמחו ביהא תם אלפלפל אלדי לחקה אלביאץ
- בענא אכתרה באלרבאעיה כאנת לנא פיהא דינ ואבתד[לה] גמיע מא קבצתה בדנאניר טריה נזאריה
- ושרחהא צדר אללה תעאלי יכתב סלאמתהא ויגמע עלינא ועליך וטלבני אלדי לה נצף אלש רבאעי פי חצתה
- מן אלפלפל פקלת לה מא נעלם תחקיקה אלי אן אלחסאב תם אן אלד כתאן אלדי וצלת באקיה לאן בן אלשריאני
- קאם לנאס(!) ד אלאף דינ וכאן קד בעת עליה חמל כתאן מן כלטתי מע אלשיך אבי צחק תמנה ק דינאר
- וטלעו פיה אלנאס אלי אלסלטאן כלד אללה מלכה ואמר אן ילזם חתי יזן גמיע מא ללגרבא ואן
- יתצברו עליה אהל אלבלד אלי אן יסאפרו אלגרבא פאמתתלנא אלאמר וקד אנקטעת ען גמיע
- אשגאלי בסבב מלאזמתי לה פי גמלה אלתגאר ומא נעלם מא נכסב ביה מן שגל סרי בהדא
- אלחואל אל. . .ן וקד טלב מנה תכליה תלת ואלתזאם תלת אלמאל ודפע אלתלת ואלי אלאן מא תקרר
- לנא חאל וקד חמלת מן גמלה אלד אעדאל עדל אלי סוסה סאלתה אן כא(!) פיה סוק גייד יביעה ואנא
- אן חסן ענדי ביע סוסה חמלת אלי'הא אלבאקי דכרת מא חמלת מן אלמצטכי פי עלאוה ר נהראי וליס
- להדה אלכלטה ענדי צחה כבר הל הי באקיה באלאסכנדריה או חמלת אלי סקליה תם כאן וצלת כתבך
- אנך חמלת נשאצר פי גמלה עלאוה אלי סידי אבי זכרי יהודה ולאבי עמראן מוסי בן אבי אלחיי ולם נעלם להדה
- אלעלאוה איצא כבר מן עאם אול ואלי אלאן נחב תשרח לי פי כתבך חאל הדה אלעלאואת לאני משגול אלסר ביהם
- תם דכרת לי אנך אשתרית עדלין כתאן סרקנא. ועדלין כתאן לכלטה ר יוסף ולם נעלם איצא להדה אל
- אעדאל כבר תם דכרת לי אן טלב מנך ר נהראי מן אלק רבאעי אלואצלה אליך מן חיים בן עמאר //לכאצתי// מא כאן
- גהזה לה אכי נע וקד וצל כתאבה אלי ידכר אנה כאן אקתרא אלחסאב צאע פי מרכב בן שבלון ואנה סאל ענה
Right margin, diagonal lines written upside down.
יהודה בן אבי ט[ייב | וקאל לה אן אלחסאב [פי | סקליה וענד וצולה | ינפדה אליה פכתבת | אליה אן יוקף חאלהא | אלי וצול אלחסאב | מן סקליה בתצחיח | דאלך יסתופיה מן | תחת אידה אן | שא אללה פאן כנת | דפעת אליה שי | תסתרדה מנה | וכאן סער אלכתאן | אלסנה באלמהדיה | ובסקליה באכס כתיר | וכאנת אלאסקאט | כלהא מביועה | לקלתהא וכדאלך אל | סנד ואלשראב | לם יצל מנה שי | מן מצר ולא מן אלשאם וכאן . .ול | אלקרקנה אלו. . . . | מן אלש[אם
Top margin, diagonal lines written upside down.
אלי ספאקץ | פבאעת באל | מוצע באסעאר | ב. . . . . . . | יכון להם . . . | אלמהדיה | ואני נכתב לך | פי צהר כתאבי | בגמיע אל | אסעאר | ואן כאנת אסעאר | לא יעול | עליהא לאנהא | כרגת מן אל
الترجمة
T-S 16.163 1v
Verso.
- רו]ם ומע הדא לם נקדר נביע מן דאלך אלכולאן שי לאן קאלו אנמא יצלח ללעינין והדא שי מא יערף אש הו מא יגב
- יבאע וכנת ערפתך וצול חסאב סידי אבי אלפצל ברוך בן אלשאמה בשרח מא באעה ובשרח מא חמלה מע כל אנסאן
- פאקרנתה מע אלחסאב אלדי וגהתה אלי פוגדת פי'ה צרה חמלהא אליך פי סנה נג פי קארב בן אבי עקיל תמנהא כה דינ וקיראטין
- לם תדכרהא אנת פי חסאבך פקלת אמא אן יכון אנת נסיתהא תרפעהא או לם תצל אליך נחב אן
- תכתב אלי בכבר הדה אלצרה הל וצלת אליך או לם תצל לעל נכתב אלי ברוך יערפנא אסם אלרגל אלדי חמלהם
- מעה נטלבוה בי'הא ואלדי דכר ברוך אנה חמל צחבה כלפון בן צדקה פי מפרג וצחבה פרגאן קריב לבן רתין
- פי בן נעים צרתין . . . פי דינ . . . . לחמל צרתין תצל הדה אלצרה פי אלקארב אלשאמי דכרת אנת וצול הדה אל
- צרתין ואן צח פיהם סד דינ ותלת בעד אלוכס וקד [וגהת] אליך ג צרר פיהם ש דינ חמלת אנהם צרה פי מרכב
- מפצל צחבה חסון בן אלגזאל ומעה צרה למוסי בן אבי אלחיי פיהא קק דינ וצרה לנהראי פיהא נ וצרה אלי אברהים פיהא נ דינ
- וחמלת פי קארב חצן אלדולה צחבה בן אלשנטלד ג צרר מנהם ואחדה לך פיהא ק דינ וצרה לנהראי פיהא ג
- וצרה למוסי בן אבי אלחיי פיהא ס דינ אלי תמן גיר א. . .ה ואלגמיע מכטטין אסעאר אלכתאן אלבוצירי
- אלעאלי מן ח אלי סתה אלקמאט מן זנ אלי סתה ונצף יכסר פיהם קיר אלדינ פלפל כה כמתל אלנאר אל
- בקם יז קליל אלכרוג אלי אן יקע לה אנדלסי אללאך בארבעין לקלתה אלנשאצר מנין דינ וקד נקץ סערה אלסעה
- אלמצטכי כה דינ אלקנט אלהלילג אלפופלי מן דינ< אלמן יכרג מנה אלקליל אלאצפרי ידנא אלקנט יכרג מנה אל
- קליל ואלכולאן ג ארטאל ונצף בדינ לקלתה אל. .א אל. . . . . אלמעדומין וכדאלך אלתמר אלהנדי אלקצם אלחלו
- מטלוב אכתר אלמר וליס עלי סער גייד . . . . . . . . . . מן אלקאקללה אלי אלהרנוה אלי אלגוזא פתשתרי
- אש מא אלהמך אללה . . . . .ת אלמפרד [ . . . ]ח אלאף דינ לקלתה אלאפתמון קליל והו מטלוב תשתרי מנה
- ומע כתאבי הדא . . . . . . . . . .יכון מע . . . . אלפיג פיה חסאב יחתאג אליה געלתה עטף כתאבי ואלסלאם אליך
- ואלצרה אלתאניה אן וגהת מן אלזגא מ. . . . . . פי מרכב אלגנאני חמלתהא פיה ואן לם נגד . . . . . . .ל. .
- נחמלהא פי מרכב אלסלטאן . . . . . . . . . . בהא אן שא אללה
Bottom margin, straight lines written upside down. Address.
לסידי ומולאי אבי אלפרג ישועה בן אסמעיל נע מן יוסף בן מוסי בן ברהון נע
אטאל אללה בקאה ואדאם סלאמתה וסעאדתה
