رسالة: T-S 13J18.6
رسالة T-S 13J18.6العلامات
الوصف
Letter from Toviyya ha-Kohen b. Eli ha-Kohen ha-Me'ulle to his brother-in-law, the judge Natan ha-Kohen he-haver ha-Me'ulle b. Shelomo ha-Kohen he-Hasid, regarding various errands concerning textiles and other matters. He also refers to a stepdaughter as 'bint al-mara.' (Information from Mediterranean Society, III, p. 311, and Goitein's index cards)
Edition: Goitein, S. D.
Translation:
T-S 13J18.6 1r
النصوص المفرّغة
S. D. Goitein, unpublished editions.- בשמ רחמ
- וצל כתאב הדרת כגק מרנו ורבנו נתן
- הכהן החבר המעולה ישמרו שומר ישראל
- ויעזרו וקראתה ופהמת מצמונה וסררת
- בסלאמתכם אללה ידימהא ואשתהי מן
- תפצלהא אן אמכן ארסאל אלמתכתה אלי
- דמיאט אפעל פהו יואפקני ויכון ארסאלהא
- אדא פרגהא אלי מניה זפתא אלי מקדמהא
- והי תצלני ואלכרסי מא וצלני וקד אנפדנא
- עשר דראהם נריד בהא מן ברכאת בגאההא
- תמן רבע באן טייבה וירסל לי מע מוצל
- כתאבי אבו סהל אלעטאר הו פי אלמרבעה
- והו תקה ואן כאנת אלכרקה פרגת אבעתהא
- מעה ואלכרסי הו פי אל דוכאן ואנא אקבל
- ידך ואכרמך באגל סלאם ומן ענדך ועלי
- וואלדתה יקבלו ידכם ושלום ישע יקרב
- וקד ארסלת עריצי כאן כליע ומכלף כליע אן
- סאר בן כאלתי תדפעהם לה יוצלהם לבנת
- אלמרה זוגה עמאר בן אלבדוי ווציה יא
- מולאי יחתפץ בהם ויוצלהם ושלום
الترجمة
T-S 13J18.6 1v
Verso.
- הדרת כגק מרנו ורבנו נתן משרתו טוביהו
- הכהן החבר המעולה בר הכהן בר עלי
- שלמה הכהן החסיד נע הכהן המעולה זל
Right margin, perpendicular lines.
- למא כאן קד חצרנא נחן כדם חצרה סיידנא הגאון ירום הודה
- פי כניסה אלעראקיין ללמילה פקצינא אלמצוה ועזמנא עלי
- אלאנצראף תקדם אלינא רבנ נתן החבר נזר הח נט רחמ קאל קד
- קד (!) אלי סידנא באן תגלסו תפתו בן סמחה פי ימינה וכנא אנא ור
- אברהם בן נסייר ומולאי אלנזר
Top margin, parallel lines written upside down.
- וצל כתאב מולאי אלחזאן אלגליל
- וקראתה ופהמת מצמונה
- ואמא מא דכר מן אמר אלדפתר
- פקד כתב בעצה ונקום [ב]ה
Bottom margin, parallel lines written upside down.
- . . . ן הקלמ . . . הדון אלידע . ה
- כ . יו . ה . . תדעעאל
