رسالة: T-S 10J15.33

رسالة T-S 10J15.33

بيانات التعريف

علامة الرف
T-S 10J15.33
المحررون
Moshe Gil, In the Kingdom of Ishmael‎ (in Hebrew) (1997), vol. 4.
S. D. Goitein, unpublished editions.
اللغة الأساسية
Judaeo-Arabic

العلامات

Additional metadata

Historical shelfmarks
TS 10 J 15, fol. 33; TS 10 J 15, f. 33; TS Box 10 J 15, f. 33; TS Box 10 J 15, fol. 33
تاريخ الإدخال
In PGP since 2004

الوصف

Letter from Yahya b. Musa al-Majjani, al-Mahdiyya, to Barhun b. Salih al-Tahirti, Cairo, asking him to intervene on his behalf against Ibn Farah al-Fasi and Abu l-Husayn al-Mubarak b. Ishaq regarding the estate of al-Shiraji. Dated 1045. (Information from Goitein's index cards)

T-S 10J15.33 1r

1r

النصوص المفرّغة

Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 4.

recto

  1. כתאבי יאכי אלעזיז עלי אטאל אללה בקאך ואדאם סלאמתך וסעאדתך ורעאיתך וכפאיתך וזאד מן

  2. פצלה ואחסאנה לדיך ועליך טו איאם כלת מן אדר ראשון ען אחואל כמא קצי אללה עז וגל ואנת

  3. תקף עליהא מן כתב אצחאבנא אסל אללה אלפרג ברחמתה בוגה אן ירא וקד כאנת קלובנא משגולה

  4. מן גהתכם אלי אן וצלו אלפיוג פי יומנא הדא ידכרו וצולכם סאלמין ללה אלחמד עלי דלך

  5. [וק]ד כנת יאכי סאלתך פי אלאגתמאע מע כיאר ותכאטבה ואועדת אנך תפעל פי הדא מא תקדר

  6. עליה וקלבי מתעלק לוצול כתאבך במא עמלתה מעה לא עדמתך ולא כלות מנך וכדלך

  7. מא אועדת בה מן אלאגתמאע מע אלשיך אבו הרון פי מא בקי לי ענדה פארגו אנך עמלת

  8. גמיע מא סאלתך פי תדכרתי מן הדא וגירה ממא תסרני בה אן שא אללה פמא נחתאג נוכד עליך

  9. ומא תחב עלמה יאכי מא כפי ענך מא גרי עלי מן בן פרח אלפאסי וטלבה לי מן מות ואלדה

  10. רחמה אללה אלי אלסעה ומא תכלם פי במצר ורד אללה כידה בנחרה ואפתצח ענדהם ואנכשף

  11. להם חאלה פמצי אלשיך אבו אלחסין אלמבארך בן אסחק וחמאה עלי חתי געלה וכל עליי

  12. בן אלנכאץ וגא וסמע כלאמי וכאן אפצל מנה ועלם אן הו אלדי חרב עלי פלם יכפאה הדא

  13. אלי אן וכל עלי ברכאת כתנה פי מא כאן לשירגי ענדי לאנה כאן סאלה אן יתוכל עלי חתי יקבץ

  14. מני שי בעד שי פקאל לה מא נרצא לנפסי נכון וכיל אנמא תכתב לי אלמאל אנך קבצתה מני ואנה

  15. צאר לי פסכר בה אלי אן פעל לה הדא פלמא מאת אלשירגי טלב הו אן יכון יורש וקאל אן אנא

  16. וזנת הדא אלמאל פאתביין לנאס כסת דינה וג[צ]בו עליה וקאלו כאן ענדה מן אלמאל חתי יעטי

  17. לשירגי מאל יקבצה פי ג סנין ונחן כל יום מי כלאקה ומושב ואלי אלסעה לם ינפצל לנא חכם

  18. פרד אללה שרה בראסה וכפאנא מונתה כל מא נעאמלה באלגמיל יעאמלני באלקביח ישלם

  19. יי לעושה הרעה כרעתו פאן דכלת לענד סאדאתי אלשיוך חרסהם אללה תערפהם דלך וכדלך

  20. לסידי אלשיך אבו אלפרג וגירה ומא נחתאג נוכד עליך שי פי גמיע מא פי תדכרתי ויצל אליי

  21. כתאבך משרוח באחואלך וגמיע מא נחתאג אליה ואלסלם עליך ורחמת אללה ואסחק יקריך אלסלם

  1. כתאבי יאכי אלעזיז עלי אטאל אללה בקאך ואדאם סלאמתך וסעאדתך ורעאיתך וכפאיתך וזאד מן
  2. פצלה ואחסאנה לדיך ועליך לו . . . כלת מן אדר ראשון מן אחואל כמא קצי אללה עז וגל ואנת
  3. תקף עליהא מן כתב אצחאבנא אסל אללה אלפרג ברחמתה בוגה אן ירא וקד כאנת קלובנא משגולה
  4. מן גהתכם אלי אן וצלו אלפיוג פי יומנא הדא ידכרו וצולכם סאלמין ללה אלחמד עלי דלך
  5. . . . . . יאכי סאלתך פי אלאגתמאע מע כיאר ותכאטבה ואועדת אנך תפעל פי הדא מא תסרר
  6. עליה וקלבי מתעלק לוצול כתאבך במא עמלתה מעה לא עדמתך ולא כלות מנך וכדלך
  7. מא אועדת בה מן אלאגתמאע מע אלשיך אבו הרון פי מא בקי לי ענדה פארגו אנך עמלת
  8. גמיע מא סאלתך פי תדכרתי ואן הדא וגירה ממא תסרני בה אן שא אללה פמא נחתאג נוכד עליה
  9. היא תחת עלמה יאכי מא כפי ענך מא גרי עלי מן בן פרח אלפאסי וטלבה לי מן מות ואלדי
  10. רחמה אללה אלי אלסעה ומא תכלם פי במצר ורד אללה כידה בנחרה ואפתצח ענדהם ואנכשף
  11. להם חאלה פמצי לשיך אבו אלחסין אלמבארך בן אסחק וחמאה עלי חתי געלה וכל עליי
  12. בן אלנכאץ וגא וסמע כלאמי וכאן אפצל מנה ועלם אן הו אלדי חרך עלי פלם יכפאה הדא
  13. אלי אן וכל עלי ברכאת כגוב פי מא כאן לשירגי ענדי לאנה כאן סאלה אן יתוכל עלי חתי יקבץ
  14. מני שי בעד שי פקאל לה מא נרצא לנפסי נכון וכיל אנמא תכתב לי אלמאל אנך קבצתה מני ואנה
  15. צאר לי פסכר בה אלי אן פעל לה הדא פלמא מאת אלשירגי טלב הו אן יכון יורש וקאל אן אנא
  16. וזנת הדא אלמאל פאתביין לנאס כסת דינה ו[ . . . ] עליה וקאלו כאן ענדה מן אלמאל חתי ועש
  17. לשירגי מאל יקבצה פי ג סנין ונחן כל יום פי כלאקה ומושב ואלי אלסעה לם ינפצל לנא חכם
  18. פרד אללה שרה בראסה וכפאנא מונתה כל מא נעאמלה באלגמיל יעאמלני כל קביח ישלם
  19. ייי לעושה הרעה כרעתו פאן דכלת לענד סאדאתי אלשיוך חרסהם אללה תערפהם דלך וכדלך
  20. לסידי אלשיך אבו אלפרג וגירה ומא נחתאג נוכד עליך שי פי גמיע מא פי תדכרתי ויצל אליי
  21. כתאבך משרוח באחואלך וגמיע מא נחתאג אליה ואלסלם עליך ורחמת אללה ואסחק יקריך אלסלם

אכי אלעזיז עלי . . . . . ברהון ביר מצליח ננ מן יחיי בן מוסי לע

תיהרתי

.ו]אנעאמה אטאל אללה בקאה ואדאם סלא[מתה

الترجمة

T-S 10J15.33 1v

1v

verso - bottom margin - address

  1. לאכי אלעזיז עלי אבו אסח[ק] ברהון ביר מצליח ננ מן יחיי בן מוסי נע

  2. תיהרתי

  3. אטאל אללה בקאה ואדאם סלא[מתה] ונעמאה

بيان أذونات الصورة
  • T-S 10J15.33: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
https://geniza.princeton.edu/documents/2872/