منحة في ثيقة شرعيّة: ENA 4020.52
ثيقة شرعيّة ENA 4020.52- الاقتباس المرجعي
- S. D. Goitein, index cards.
- Location in source
- Relation to document
- المناقشة
- الاقتباس المرجعي
- S. D. Goitein, unpublished editions.
- Relation to document
- Digital Edition
صورة
النصوص المفرّغة
الترجمة
Editor: Goitein, S. D.
ENA 4020.52 1
S. D. Goitein, unpublished editions.
- חצר אלי מושב בית דין מ אלעזר הנקרא אבו נצר ביר אפרים הזקן דידיע
- כתיר אלגזי נע ואדעא עלי אכיה שקיקה מ אברהם הנקרא אבו אסחק
- בכזאנה דולאביה והאון אספארדראי וזיר חגרי וגטא נחאס ומאידה
- כלפתהם ואלדתה והו מסתחק חצתה מן דלך ואדעא איצא עליה בחדידה
- ודיעה וסתה עשר דרהם בקיה אלדינאר אלדי עמלו בה אלופאה ועדב
- אלורתה פלמא סאל אבו אסחק ען דלך פאנכר גמיע מא אדעא
- בה עליה מן דלך תם עאד הו ואדעא עלי אכוה אבו נצר בדינארין
- דכר אנה אכדהא מנה דפעהא לצביאן אלעשארי ומכדה דיבאג
- פלמא סאל אבו נצר דנן ען דלך אנכר אלגמיע וקאל מא יסתחק עלי
- חק וטאלבה אבו אסחק דנן איצא באדא אלאמאנה פי מא אקאם
- בה חסאבה פי מא כרג מן נואיב עלי ואלדתה ומה דהוה קדמנא
- כתבנא וחתמנא דליהוי לזכו ולראי'ה וכאן דלך יום אלכמיס אל
- תאני ואלעשרין מן תמוז אתמג לשטרות שריר וקיים
- נתן הכהן בר שלמה הכהן ננ חלפון הלוי ביר מנשה ננ
- בעד אתבאת מא הו פי אעלא הדא אלשימוש למא וצלא אל[. . . .
- עאד אבו נצר אעתרף בסתה ותלתין דרהמא מן גמלה מא
- אדעא אכוה עליה בה ובאלמכדה אלדיבאג וחכמה אכוה
- אבו אסחק אן יחלף פי גמלה אלימין אלתי לזמתה עלי אלאעלא.
ENA 4020.52 2
verso
- בנת אלוחשה
- אלדי אדעא הו עליה בהא ואנהא מן ארת ואלדתה ויכרג מעה
- חצרת אלי בית דין בנת פהד אלדי הי זוגה
- בו אלפרג בן אלמליגי אקנת מן רוחהא
- אנהא קד אבאעת נצף מן דארהא אלדי להא
- בקצר אלשמע פי זקאק אלחראני לסת גזאל
- בנת סבאע בן יהודא אלדמשקי זוגה אברהם
- אלכהן בן אלתואן בקוזי דינאר מסלמה מן
- גמיע אלמון ואקנית איצא מן הדה אל
- משתריה בהדא אלמבלג ואקנית מן בו אלפרג
- בן אלמליגי אנה קד אמצא לזותה(!) הדא אל[ביע
- ואקנית מן אברהם הכהן דנן אנה קד
- אמצא לזוגתה הדא אלשרא אקנית מן
- אלגמיע קנין גמור בכלי כשר לקנות בו
- מעכשו עלי גמיע מא תקדם דכרה ואנהם (!)
- תסלמת(!) אלתמן ולם יבק מנה //גיר// ט דנ ונצ[ף] וכאן דא
- פי אלחנוכה אתמד
