منحة في رسالة: T-S 8J18.27
رسالة T-S 8J18.27- الاقتباس المرجعي
- Moshe Gil, In the Kingdom of Ishmael (in Hebrew) (Tel Aviv: Tel Aviv University, 1997), vol. 4.
- Location in source
- #773
- Relation to document
- Digital Edition
- الطبعة
- الاقتباس المرجعي
- S. D. Goitein, unpublished editions.
- Location in source
- Relation to document
- الطبعة
- الاقتباس المرجعي
- S. D. Goitein, unpublished editions (Nahray b. Nissim archive).
- Location in source
- p. 119
- Relation to document
- Digital Edition
- الطبعة
صورة
النصوص المفرّغة
الترجمة
Editor: Gil, Moshe
T-S 8J18.27 1r
Moshe Gil, In the Kingdom of Ishmael (in Hebrew) (Tel Aviv: Tel Aviv University, 1997), vol. 4.
Recto
- כתאבי יאסידי ומולאי אטאל אללה בקאך ואדאם סעאדתך וסלאמתך ונעמתך
- מן אלמסתקר ליג' כלת מן תשרי ערפך אללה ברכתה ואסעדן פימא יליה
- ואנא מהני לך בהדא אלעיד אלמבארך אסל אללה אן יבלגך אמתאלה סנין כתירה
- ויגמענא ואיאך פי בניאן קדסה אן שא אללה קד אסתכרת אללה גלת קדרתה יאמולאי
- ואנפדת אליך עלי יד סידי אבו אלפצ'ל סהל אלבגדאדי סלמה אללה צרה פיהא
- כמסין ד'י'נ' מוקופה ענדנא באסכנדריה והי במצר ג'יאד באלגה פאחב אן
- תבדלהא לי בשאמייה מסטרה מלאה כמא אערף מנך וקד ואקפת סידי
- אלכהן אבו יעקוב עלי אנך תאכד עמאלתך ד'י'נ' פי אלמאיה ואנא אן שא אללה
- אנפד אליך צרה אן אכרה פי אכר אלעיד מע מן אתפק ואחב יאמולאי
- אן לא תוכר עני אלצרה לאני מחתאג אליהא עלי כל חאל ויגיך צרה
- אן אכרה מע בן אלחזאן צקלי וקד גא מרדוך ווצלת לך מעה דראהם כתיר
- מן ענד בן אלתאהרתי ברהון וקד וצל לך פי סאעתנא הדה מן ענד
- יעקוב בן נחום צרה כבירה דנאניר מן טראבלס והי ענד מרדוך אלגמיע
- והו יכצך אלסלם ויוכד עליך פי ביע אלדראהם לא תחבסהא בתה
- ותערפני כיף אלדראהם במצר
Recto, right margin
- ואלצרף הונא
- כמסין בדי'נ'
- ואלכהן הונא
- אלי אסעה לם
- יקלע יתנאן
- בעד אלצליב בעשרה
- איאם אלי יגי אלריח
- אן יכרגו
Recto, upper margin
- תכץ סידי
- [א]בו אלסררר
- אפצל אלסלאם
- ותערפה
- אן אלזעפראן
- יסרא סבעה
- אלאן
- וקר בעת לך
- אלחריר
- בדינרין
- אלרטל
- כתאבי יא סידי ומולאי אטאל אללה בקאך ואדאם סעאדתך וסלאמתך ונעמתך
- מן אל מסתקר ליג` כלת מן תשרי ערפך אללה ברכתה ואסעדך פי מא יליה
- ואנא אהני לך בהדא אל עיד אל מבארך אסל אללה אן יבלגך אמתאלה סנין
כתירה
- ויגמענא ויאיאך פי בניאן קדסה אן שא אללה קד אסתכרת אללה גלת קדרתה יא
מולאי
- ואנפדת אליך עלי יד סידי אבו אלפצ`ל סהל אל בגדאדי סלמה אללה צרה פיהא
- כמסין דינ` מוקופה ענדנא באסכנדרה והי במצר גיאד באלגה פאחב אן
- תבדלהא לי בשאמייה מסטרה מלאח כמא אערף מנך וקד ואקפת סידי
- אל כהן אבו יעקוב עלי אנך תאכד עמאלתך דינ` פי אל מאיה ואנא אן שא אללה
- אנפד אליך צרה אן אכרה פי אכר אל עיד מע מן אתפק ואחב יא מולאי
- אן לא אוכר עני אל צרה לאני מחתאג אליהא עלי כל חאל ויגיך צרה
- אן אכרה מע בן (בו ?) אל חסן (?) צקלי וקד גא מרדוך ווצלת לך מעה דראהם
כתיר
- מן ענד בן אל תאהרתי ברהון וקד וצל לך פי סאעתהא הדה מן ענד
- יעקוב בן נחום צרה כבירה דנאניר מן טראבלס והי ענד מרדוך אל גמיע
- והו יכצך אל סלאם ויוכד עליך פי ביע אל דראהם לא תחבסהא ענדך
- ותערפני כיף אל דראהם במצר
(margin)
- אל צרף הונא
- כמסין בדינ`
- ולכהן הונא
- אלי אסעה לם
- יקלע יתואן
- בעד אל צליב בעשרה
- איאם אלי יגי אלריח
- או יכרגו
- תכץ סידי
- אבו אל סרור
- אפצל אל סלאם
- ותערפה
- אן אל זעפראן
- יסוא סבעה
- אל מן
- וקד בעת לך
- אל חריר
- בדינרין
- אל רטל
T-S 8J18.27 1v
Verso (upside down)
- ואלדי גאך בעתה לך בדינרין ותמן וכתבת עלי סרעה פיבסט פי אלעדר
- כץ נפסך אלשריפה אפצ'ל אלסלאם וסאדתי אצהארך אידהם אללה אפצ'ל אלסלאם
- ומא כאן לך מן חאגה תשרפני בקצ'אהא ולא תדע אלצרה פאני שדיד אלחאגה אליהא
- סידי אלכהן יכצך אפצ'ל אלסלאם
Verso
- סידי ומולאי אבו יחיי נהראי בן נסים עזרה בן הלל
- אטאל אללה בקאה ואדאם עזה ותאידה יצל אן שא אללה
verso
- ואלדי גאך בעתה לך בדינרין ותמן וכתבת עלי סרעה פיבסט פי אלעצר
- כץ נפסך אל שריפה אפצל אל סלאם וסאדתי אצהארך אידהם אללה אפצל אל סלאם
- ומא כאן לך מן חאגה תשרפני בקצאהא ולא תדע אל צרה פאני שדיד אל חאגה
אליהא
- סידי אל כהן יכצך אפצל אל סלאם
(bottom of the page, upside down)
סידי ומולאי אבו יחיי נהראי בן נסים עזרה בן הלל
אטאל אללה בקאה ואדאם עזה ותאידה
