منحة في رسالة: BL OR 8660.1
رسالة BL OR 8660.1- الاقتباس المرجعي
- Alan Elbaum's digital edition (2025), available online through the Princeton Geniza Project at https://geniza.princeton.edu/documents/19275/.
- Relation to document
- Digital Edition
صورة
النصوص المفرّغة
الترجمة
Editor: Elbaum, Alan
BL OR 8660.1 recto
°
Alan Elbaum's digital edition (2025).
- בשמ רחמ
- וצלת כתב חצרה מולאי אלשיך אלאגל אטאל אללה בקאהא ואדאם
- עזהא ונעמתהא ומן חסן תופיקה לא אכלאהא וכבת חסדתהא
- ואעדאהא וקראתהא ופהמת מצמונהא ועגבת מן
- חצרתה אתרי אן כתבי מא וצלת אליה ואנא אקול לה
- אנני קד כתבת ללשיך אבי אלפכר אן ידפע לה סתה
- דנא ותלת וכתבת ללשיך אבי אלפכר עדה כתב
- וקד כתבת צחבה הדא אלכתאב כתאב ללשיך אבי אלפכר
- בדלך פאמא אן ידפעהא או יקול לי מא בקא לך
- אלחסאב שי ואמא מ משה פלען אללה סאעה
- וצול כתאבך צחבתה ברעאיתה וחפטה וארדת
- אן אנפד לך בקיה רחלך פמא עלמת אנה חלאל
- פכנת אתגנבה אתרי אן למא קלת לי בע לי ואנפד
- לי קלת לי לא תנפד לי מע פלאן שי לאנה גיר תקה
- ומא תסלם אלדינארין אלא בחצרה אתנין והו פמא
- ינכר ולו עלמת גירך נכתב לה וכאלה לכתבת
- אלחמד ללה אלדי כאן הדא אלמקדאר ולא כאן יכון
- אכתר הדא מן אהל בלדכם ומן יקול ען נפסה
- אנה יצלח אן יכן דיאן מא יטהר לנא מן האולא
Recto - right margin
- אלנאמוסיה אלא קלה אלדין
- ואלחלאלה לו פעל הדא רגל
- בור עם ארץ לכאנת אלדניא
- תנטבק עליה אן ירסל
- רסאלה עלי ידה יתצרף
- פיהא ולא יעידהא
- ואמא אלעמאמה פלא
- תטן אנה לו דפעהא לי
- למא כנת אדפע לה
- אלדי עליהא אול מא
- קלת לה אי שי נאבהא
- קמת לך בה אללה
- אללה כד כתאב
Recto - top margin
- אלכהן אלצקלי אליה בתסלימהא
- לי מא תחתאג וציה ותערפני
- אי שי קאל לך אלשיך אבו אלפכר
- פי אלסתה דנא ותלת חצרתה
- מכצוצה באפצל אלסלאם
- ומן תחוטה ענאיתה אלסלאם
- והלאל ובו עמר יכצוה באלסלאם
- ואלחמד ללה וחדה
- כא שבט
BL OR 8660.1 verso
°
Verso
- חצרה מולאי אלשיך אלאגל אבי אלרביע סלימאן
- הכהן בן אבו זכרי כהן סט אטאל אללה בקאה
- מצר חמאה אללה מרבעה אלעטארין
- שאכר תפצלהא
- בו נצר בן אברהים נע