منحة في رسالة: T-S 16.216

رسالة T-S 16.216
  1. الاقتباس المرجعي
    Eliyahu Ashtor, History of the Jews in Egypt and Syria under the Rule of the Mamlūks‎ (in Hebrew) (Jerusalem: Mossad Harav Kook, 1970), vol. 3.
    Location in source
    • Doc.#65, pp.115-117
    Relation to document
    • Digital Edition
    • الطبعة
  2. الاقتباس المرجعي
    S. D. Goitein, index cards.
    Location in source
    Relation to document
    • المناقشة
صورة
النصوص المفرّغة
الترجمة

T-S 16.216 1r

1r
Eliyahu Ashtor, History of the Jews in Egypt and Syria under the Rule of the Mamlūks‎ (in Hebrew) (Jerusalem: Mossad Harav Kook, 1970), vol. 3.

Recto:

  1. הוא אדונינו כג[ק]
  2. מר ורב אור עינינו מ
  3. נתן הכהן הנגיד... רועה....
  4. המן מרדכי הזמן ישמרו צורו ויהיה בעזרו ויר[ום
  5. הודו וירבה הדרו וינשא מעלתו וייטיב אחריתו ונצח
  6. תכון משרתו אנס סבב תצטיר דאלך כתרת אלשוק אלי
  7. נצר אלמכ אללה יגמענה ואיאכם פי מסתקר רחמת פי ירו
  8. תו אנס וגיר דלך תעלם צדקתך אן למן וצלת לגזה אסת . . .
  9. אלכתב וגדתהם נאקצין תלת כתב והם אלכתאב אלדי ל . . .
  10. אלדי לחמאה ואלכתאב אלדי מטלק לכל ואקף עליה
  11. וכתאב אלדי לדוד אלחמוי מן גיהת אלמעלם סלימן אלתאגר
  12. מא וגדתה איצא פאלקצד מן פצל אלמכ אן כנת נסיתהו
  13. ענדך פי אלבית אנך תרסלהם לי סרעה סרעה לאני
  14. באתעווק בסבבהם ואן כאנו מאהם ענדך אן מן פצל
  15. תרסל תגיב אלסופר ענדך ויכתב לי גירהם וארסלהם
  16. לי סרעה סרעה לא תעווקנה אללה אללה פי דאלך ותעלם
  17. צדקתך אן וצל משרפת אלמכ לשיך מוסי מזיין וארואניאהא
  18. ופהמת מצמונהא ומא דכ אלמכ מן גיהת אכי אנהו נקל
  19. ען אלמכ כלאם מא קאללה אלמכ אלדי קאל לך דאלך כתב ודבר
  20. סרה אלא אלחכאיה אני למן כנת ענד אלמכ וכתבת דאך אל
  21. כתאב וארסלתה לגדה כתבת אנה איצא כתאב וארסלתה
  22. לאכותי ואנה אקול להם אדא קרוי אלכתאב עלא רוס אלגמאעה
  23. ואתכלם אחד כלאם לא ינבגי לא תשאהד עליהם אלא
  24. אלמלמד הלאל או ר משה מזין או אחד גריב חתא לא
  25. יבקה לאחד עלה יעתל בהא ויקול האדה קראבתהם האדה
  26. צהרהם פלמן וצל כתאבי וקריה אכי פקאל יא גמעה אכי
  27. ארסל לי מאהו אלכית ואלכית לא זאיד ולא נקצאן וחלף
  28. לי בשבועה גמורה אנהו לם יכון קאל שי גיר דאלך ואן
  29. אלדי נקל ללמכ דאלך אלכלאם עמלה חס על כבוד
  30. הקהל לגה אלנץ ואן כאן אלא כמתל מן קאל כי כל
  31. העדה כלם קדושים וג ליס דאלך חס על כבו הקהל אלא
  32. לכסר אלחק וקימן אלבאטל השם ישלם לאיש וג ואעלם
  33. סיידי יצ אן אמת יום אן וצל מן ענדכם רחת לה וסלמת
  34. עליה תם אן בעד דאלך ביום סמאני עבד הנדי לשמיל
  35. אלמש והו אן ענדנה שכץ מן אלשאם יקאל לה מוסי לוי
  36. וכנת קד עמלת לה שי אגדיה פקאם אבנה אעני אבן
  37. אלשיך יוסף בג..ש אללוי אכד אליהודי אלשאמי וראח הוא
  38. ואיאה לסוק אלפוקאני פקלת לה יא אכי תעאלה חתא
  39. נרוח נתגדה אלא ואבוה אלזקן קאל לשמיל המש אנצר
  40. איש ביעמל פי רוחה אלהנדי אמת לם גואבתה

T-S 16.216 1v

1v

Verso:

  1. ולא ראית להו גואב ואעלם סיידי אן אלשיך נסים ואבן פרעון
  2. ביר ירו(?) אנהם יטלקו הסכמה עלא אן אחד לא ירסל ללמכ
  3. כתאב חתא יוקפהם עליה וכאן דאלך אלכלאם בחצרה ר משה
  4. מזיין יצ פמא באערף אדא פעלו דאלך אייש יכון גואבי
  5. להם מן פצל סיידי ירסל יעלמני אייש יכון גואבי להם
  6. או אני אטאועהם עלא אלהסכמה אלדי יפעלוהא ולא תסאל יא
  7. סיידנה פיאלדי ביפעלה כאן קיראט בקה כד קיראט ופי בעץ
  8. האדה כפאיה בעד תקביל אלארץ תאניה בין ידין סיידנה
  9. ואלסלאם עלא כמהר יצחק יצ וכר יום טוב וכמהר שלמה
  10. יצ וכלאל הקהל ואתה שלום ובתך שלום
  11. כתב יום אלאתנין
  12. ערב יום טוב
  13. אלמ
  14. אצגר אלמחב
  15. אלאכבר
  16. דוד כהן נץ
بيان أذونات الصورة
  • T-S 16.216: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.