منحة في رسالة: T-S 32.7

رسالة T-S 32.7
  1. الاقتباس المرجعي
    Alan Elbaum's digital edition (2026), available online through the Princeton Geniza Project at https://geniza.princeton.edu/documents/17079/.
    Relation to document
    • Digital Edition
صورة
النصوص المفرّغة
الترجمة

T-S 32.7 1r

°
1r
Alan Elbaum's digital edition (2026).

Recto

  1. בש רח
  2. וצל אלכתאב אלכרים יום אלגמעה אלתאסע מן תמוז יהפ[כ]הו לששון
  3. וורד עלי קלובנא מן אלסרור ואלפרח ואלמסרה אמ[ר יזיד] ען אלוצף
  4. ושכרנא אללה תעאלי /ב/מא אנעם בה עלינא מן כון חצרתך פי חיז
  5. אלסלאמה וברוך ייי אלדי הדא רוענא וסכן קלקנא ואסבתנא סבת
  6. מבארך כאן ענדנא כ/אל/נצר למשאהדת חצרתך אללה ימן עלי מולאי אלרייס
  7. אבו אלביאן אחיאה אללה ואחיאך באלאגתמאע במנה ואמא אלתמאסך אחיאך אללה
  8. מערפה //כבר// אלסת אלכבירה סת אהתמאם נצר אללה אליהא ברחמתה[[.]] והי עלי אלחאל
  9. אלדי תרכ/ת/הא עליה גמעה ישתדד בהא אלמרץ וגמעה יכף ענהא וכאן קד
  10. לחק סתנא קולנג ועגל אללה באלעאפיה ואמא אבו אלרצא פהו עלי חאלה
  11. וקד אנפדת לה אלסת צאחבה [[אלל]] אלדאר אחיאהא אללה ואחיא[[ה]] ולדהא
  12. תלאתין דרהם ען גמעתין וקראבה זית טיב תם דפעה לה ען גמעתין אכר
  13. ואלשיך אבו אלמפצל אחיאה אללה פהו מתצרף פי נפסה כעאדתה אלקדימה
  14. ואלדי דכרתה מן מטאלבה אהל דמיאט ותניס לחצרתך בתפסיר(?) פעלי הדא
  15. רבית טול עמרך באן תתעב רוחך ליאלי אלאעיאד ואלסבות חתי תבלג כל
  16. אחד גרצה ותנצרף אנת אחיאך //אללה// כאלמריץ לאכן אללה תבארך ותעאלי יתקבל
  17. מנהם [[מא]] //פיך// צאלח דעאהם ולמא וצל אלשיך אבו אלמעאלי בן קסקאס וגירה
  18. אכבר כיף כאן יום וצול חצרתך //אלי תניס ודמיאט// ואנה כאן יום לם ירא מתלה מן אלאעמאר
  19. ואן אללה תעאלי יתברך שמו סבב מגי חצרתך לתלך אלמואצע חתי
  20. צאר לישראל תם כלישועה ולהדא פצילה עצימה ומא כתבת הדא אלאחרף
  21. גואב אלכתאבין לאכן כתבת הדא אלאסטר לנערפך אחיאך אללה וצולהם לנא
  22. ומטאלבה אלנגאב באלגואב ופי מא בעד אנשאאללה יצל כתאב עבדך אבו
  23. אלחסין בגואב כל גרץ בשרח שאפי ולמא וצלת אלרקעה [[בעעדה]] באכד
  24. אלוצול מן בן צאחב אלדיואן מצא עבדך אבו אלחסין דפע לה אלרקעה ואכד
  25. אלוצול ופי מא בעד נוצלהא לטאמן אלרבע וקד דפעת תסעה דנאניר גיר תלת
  26. לשיך אבו נצר אלכהן יום וצול כתאבך וכנא קד אטתרינא בדינאר בטל(?)
  27. קבל מגי כתאבך כוף אן יגלא תסעה קנאטיר ותרכנ/א/הא פי בית אבו אלרצא
  28. ולו עלמת אן כתאבך אחיאך אללה יגיני ויאמרני בדפע דינאר למסרה למא
  29. כנת אסתעגלת ומע דא אלתפאות פי דלך קריב ואלחיואני אכד דינאר ותלת ו . . .
  30. וען תמן מאיה ותלאתין כוז נצף ותמן דינאר וען אקדאח רבע ותמן דינאר
  31. ואלשיך א/ס/מעיל תלת ורבע וען כעך וכשב(?) לאנך אנפדתהם צחבה כאתב
  32. בן אלסקיל נצף דינאר //וען אכת אבו אלמנצור נצף דינאר// ואמא פרש אלבסט ואלחואיג אלדי במצר ואלקאהרה
  33. פקד פעל דלך וקד אוצלת אלסרג לשיך אבו אלמפצל ואמא דאר אלבחר פפי
  34. מא בעד נפעל מא אמרת בה חצרתך וקד אכד אבו אלמנא אלציניה מן אכו
  35. אלצאנע מן קבל מגי כתאבך //וגאבהא ללבית// וכתאבך אלי זאהר בעד אלסבת אוצלה אליה
  36. וסער אל     סכר סתה דנאניר ונצף אלקנטאר ואלסרי כמסה דנאניר ונצף
  37. אלקנטאר ואלדאנש(??) תלתה דנאניר ונצף  ורבע אלקנטאר ואלוסט תלתה דנאניר
  38. אלקנטאר ואלקטארה דינארין ונצף ורבע לקנטאר וסער אלעסל כמסה
  39. דנאניר אלקנטאר וסער אלגראר דינאר ונצף אלמאיה וסער אלזביב
  40. תלתה דנאניר ונצף אלקנטאר ואמא אלזביב אלואצל פכאן קד אנקטע
  41. מנהם ואחדה פי אלטריק לאן כאנת אלסאטרה יבלה פתר/כ/הא אלגמאל
  42. פי גרארה פלמא וצל טאלבהא בהא פאכדת קפתין . נצאף גד[א]ד(?)
  43. ותר[[ל]]כת(?) אלזביב פיה/מ/א וגטיתהם במנאדיל אלמואיד אלמגסולה מן אלפסח
  44. ודפעתהם הם ואלסאטרתין פי כזאנה אלסרוג בעד אן נצפתהא
  45. ואקפלתהא בקפל חדיד ומע דלך מא עאז אן אכל מנה מא קימתה
  46. כמסה ארטאל ואמא קולך אחיאך אן פיהם תמאניה ק/נ/אטיר באלמצרי
  47. קנטאר ונצף שאמי מא וצלו(?) פיה אלא סתה קנאטיר מצרי ומע דא
  48. סאגיב קבאן(?) ואזנה ואכתב אליך במא יצח //פי// וזנהם פי כתאבי אלאכר
  49. אנשא אללה ומסעוד ואהל סעד אלרכאבי פקד אכרא אגרתהם מן תשיש
  50. מן אול רמטאן ואנא אדפע לשיך אבו אלמפצל תלתה דנאניר מן ענדי אלי אן
  51. אכד אלעשרה דנאניר מן טאמן אלרבע ואסתופי ואבו סעד אלסאיג פקד
  52. עמל קאלב אלפץ ובקי גלאה ואלמא ורד וצל ללבית וקד תרך פי אלסחם(?)
  53. ואמא בן פתיח וצל אלי מצר ולם יקם פיהא אכתר מן גמעה ואמא הגוה(?)
  54. ללשיך בנאיא פהו פי כל מכאן ואנא אטאלב אלשיך בנאיא באכד אלכתאב
  55. מנה ואנפאדה אלי חצרתך וסאעלמה במא גא פי כתאבך וקד אוצלנא מא
  56. //פי// כתאבך //מן אלסלאם// למולאי אלאגל דכירה אלמלך ולמולאי שרף אלדולה //פסר . .// פשכרו
  57. //עלי דלך// שכר כתיר והם יכצו חצרתך באלסלאם ויקבלו ידך וקד כתבת
  58. פי אלכתאב אלמתקדם סער אלכראף ואמא אלברדעה פקד [[פי]] דפע פיהא
  59. דינארין ואלבכנק ואלנצאפיה לם ידפע פיהם אלא דפע כסיס
  60. ואמא קולך אחיאך אללה פי אנך וצית באן לא ידכל לנא אחד פהו
  61. כמא אמרת ואמא קולי פי כתאבי באנהם ידקו עלינא אלבאב
  62. פכאן מבאלגה לאכן פי אלכניסה ופי אלאסואק ופי כל מכאן ולמא וצל
  63. כתאבך אלכרים כגל כל קאיל דא וכנת קד ערפת חצרתך טלאק אלשיך
  64. אבו אלמפצל פי כתאבי אלמתקדם ולם יצל פי כתאבך הדא לה דכר
  65. ואנא אערף אן מא תרכת גואבה לי ען אמר עצים ומא תלאם(?)
  66. מולאי אלשיך אבו אלביאן //אחיאה אללה// ואהל אלדאר יקבלו ידך אלכרימה עלי
  67. אהתמאמך בהם והם עלי גמלה אלכיר פלא תשגל קלבך כל מן פי
  68. אלדארין עלי גמלה אלסלאמה אלשיך אבי סחק בן פינחס יקבל ידך והו
  69. מתרדד אלי אלדאר פי כתרה אלאוקאת אלשיך אבו טאהר כמתל
  70. עבדך אבו אלחסין יקבל ידך ועבדך אכוה יקבל ידך <ויד> כל מן ענדך
  71. באתם אלסלאם     קד וצל מן אלקרט(?) עדה ולמא כאן פי הדא אלאיאם
  72. טיר(?) מולאי אלאגל דכירה אלמלך עלי אלנאס באלקאהרא פוגד אתנין אלואחד
  73. כבאז ואלאכר יביע אלבטיך ארטאלהם נקאץ פדרבהם ואשהרהם
  74. באלקאהרה ווגד מולאי אלאגל שרף אלדולה במצר אליהודי אלמקדסי
  75. אלכבאז //ואבנה// אלדי פי סויקה חבס בנאן ארטאלה נקץ אמר יזיד ען אלוצף
  76. ווגד בין כפה אלפצה ואלכפה רבע //ו . . .// פחבסהם וכאן עלי אנה ישהרהם
  77. ומצא עבדך אבו אלחסין למולאי אלאגל שרף אלדולה ואכדהם מנה

Right margin

  1. אללה תעאלי לא
  2. יזל צלך ען אלכאפה
  3. ומא פעל עבדך
  4. אבו אלחסין הדא
  5. כראמה להם
  6. לאכן כפנא
  7. מן אן לא יכן לליהוד
  8. [[מן]] מע אלגוים מקאם
  9. לא סימא מע
  10. כונך גיר חאצר
  11. ערפתך דלך
  12. ושלום
  13. ואמא מולאי אלרייס
  14. אבו אלביאן אחיאה אללה
  15. מן יום [[. . . . ך]]
  16. מסירך ואלי
  17. יומנא הדא
  18. באמאנה אללה
  19. לם תטלע לה
  20. רגל עלי 
  21. אחדא אלבגלתין
  22. [[בלא]] אני קד
  23. אשתרית סרג
  24. גדיד ללחמאר
  25. אלדי לי ואדא
  26. כאן ענד מגיך(?)
  27. אלשמס
  28. רכבתה וטפת בה
  29. חואלין אלדאר
  30. [ו]שלום
  31. כתבת [[דה]]
  32. הדי אלאחרף
  33. יום אלגמעה
  34. סאעה וצול
  35. וצול אלנגאב לאנה
  36. קאל מא לו תאכור
  37. ואתאכר לבעד
  38. אלסבת בן נפיע
  39. דפעת לה אלנצף דינאר
  40. יום אלגמעה ערבה
  41. אלעיד וקד טלעת מן
  42. אלדאר במצר ארבעה
  43. גמאל חטב וקימה
  44. נצף ויבה לוז לשלום
  45. קד תחרך סערה לאגל
  46. קלא אלמראכב
  47. אלשיך אבו יעקב אלגהבד

Top margin

  1. אופיה כמא אתודת(?) ואכד מנה אלבראה
  2. וענד פראגי מן אלאגתמאע בזאהר אכד
  3. אלגואב אצעד ללקאהרא אחצל אלקמח לבן(?) אלקאצי
  4. אלמא ורד כם יקם(?) פי אלשמס ואדא נזל פי אי
  5. שי יעמל פאן קלת פי אלקראבת אללטאף
  6. אלדי רצמנא(?) נגעלה פיהם פקד פתשת
  7. פלם אגד אלא כמסה או סתה לאכן
  8. אנא אבקיה פי אואעה אלי חאל מגייך
  9. תשיש(?) אלטחאן יטאלבני בעמל אדראץ
  10. ללעגלה וקאדוס [[וקאקוס]] אלדי יכון פי לסאן
  11. אלטאחונה והו [[..]] ירי(?) אלאגרה אלי חין
  12. מגי חצרתך    אלברדעה גאבת דינארין
  13. אלבכנק ואלנצאפיה נדפעהם ללוחשה
  14. פאי שי גאבו קבצת ומא כאן דפעהם
  15. לאם אבו אלכיר ראי לאנהא אכלקתהם
  16. ומרתהם ואמא אבו אלחסן אלכאדם פאנה
  17. צאר אלי תניס בוכאלה וקד אנפד אלשיך אבו אלמפצל
  18. צחבה לחצרתך כתאב עלי מא סמעת

Top margin, at 180 degrees

  1. וקד כתבך(!) לי פי אלכתאב אן אוצל לך אלברג
  2. בגארי(?) פאדא אנפדתה תפהמני מא אפעל פיה
  3. וקד בלגת פי הדא אלרקעה עליה מא פי אלכתאבין
  4. וסיצלך אלבאקי פי כתאב אבו אלחסין ושלום

T-S 32.7 1v

°
1v

Verso - address

  1. الحضرة الرييسية . . . . . . . . . ولدها ابو البيان
بيان أذونات الصورة
  • T-S 32.7: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.