منحة في ثيقة شرعيّة: T-S 8J11.21
ثيقة شرعيّة T-S 8J11.21- الاقتباس المرجعي
- Matthew Dudley's digital edition (2026), available online through the Princeton Geniza Project at https://geniza.princeton.edu/documents/16211/.
- Relation to document
- Digital Edition
صورة
النصوص المفرّغة
الترجمة
Editor: Dudley, Matthew
T-S 8J11.21 1r
°
Matthew Dudley's digital edition (2026).
Recto
- אן נחן אלאצ'עין אסמאנא פי .אדנה(?) נשהד ונתערפ בכ'צוץ אל
- מתוופי כ'דר פאלומבה זוג אלמתוופייא גמילה אל מסלמאנייה
- ואלדת אלמע׳ אב׳ אלצראפ [[אנהו הג]] אנהו כ'דר אלמתופי אלמ׳׳ד
- כאן רגול פקיר אל חאל גדא וכאן זוגתו אל מר׳ גמילה דלאלת(?)
- וכאן חמאר וראהא ימשי יוצלהא אלא ביות אל כובאר ואן מן
- מן אל גמלה פ'י מואהם ומואלד אליאוד כאן יאכ'וד מן אלצדקה
- ולא כאן עליה(?) לא מאל ולא מלכוה ולא קליל ולא כתיר חוכם
- מן נחן עיינא גידא ואן אלמד'כור תווכלה עלה ד'מת זוגתה
- גמילה מד'כורה ובעד ופאתו חאלן זוגתו גמילה אלמדכורה
- אתשרפת בדין אל אסלאם ואתזווגת ואחד מסלם אסמה חסן
- אל שרקאוי ואן כאן ענדהא כתיר ואלא קליל אכד'תה מעאהא
- ופתחת בת הייא וזוגתהא חסן אל מ׳׳ד ומאתת עלה ד'ימתה
- והווא אלד'י ורסהא(?) אנהא והי עלה קיד אל אלחייא צאר
- להא אל אסתעאר מן אולאדהא אלד'י אחדהום אב׳ לוי אלמד׳
T-S 8J11.21 1v
°
Verso
- ואל תאני אלמתוופי אליאו לוי אכ'י אראחת ואלדתהום
- גמילה אל מד׳ אלא שרע אל שריפ וגארתהום פי אל שרע
- ואתבארת מנהום וכותב להום חוגת ברא מן אל שרע
- חיז אנהום יהוד הד'א אלד'י צאר בכ'צוץ כ'דר אל מתוופי
- וזוגתהו גמילה [[ואלד.ם]] עלי ידנא ונתעהד ונשהד
- [[ואלת..מ]] וואצ'עא אסמאנא אדנא לאגל נכון שאהדין
- כמא ירצ'י אללה תע׳ ואללה כ'יר אל שאהדין
