رسالة: T-S 13J26.22
رسالة T-S 13J26.22What's in the PGP
- صورة
- 1 Transcription
الوصف
Letter from Abū l-Manṣūr b. Ṭāhir al-Kohen, in Alexandria, to Abū ʿAlī Manṣūr b. Yiṣḥaq al-Dimashqī, in Fustat. Dating: 1170s CE. The addressee was just then beginning his commercial career. The letter reports on a decree of Saladin that was proclaimed in Alexandria, halving the customs dues (maks) that had been incumbent on local and foreign Jews and Christians. The ṣāḥib al-dīwān authenticated and registered the decree (athbatahū), and the amir Fakhr al-Dīn ordered for it to be implemented. The local Jews took out the Torah scroll and prostrated themselves and prayed for the government. Also mentions various business dealings, including in sugar, and people including Hibatallāh the trader from Tripoli and Abū l-ʿIzz b. Bishr. (Information in part from CUDL and Frenkel.)
العلامات
Editor: Frenkel, Miriam
T-S 13J26.22 1r
Recto
- בשמ' רחמ'
- אלדי נעלם בה חצרה מולאי וסידי אלשיך אלאגל אבן אלמנצור
- אטאל אללה בקאה ואדאם עזה ונעמאה ומן חסן תופיקה לא
- אכלאה געלני אללה מן גמיע אלאסוא פדאה וגיר דלך
- תתפצל חצרה מולאי אלשיך אבו נצר בנגאז אלחאגה
- וקבץ' תמנהא ואלגתהאד פיהא ותעלמני כיף כאן
- אלחדית פיהא ותשתרי לי בתמנהא סכר טייב קדים
- ותגלבה בל תמנין פי גלאף ותרסלה לי וכתאבה
- צחבה בגמיע מא אוציתך עליה ואלמשבך אלדי
- קד אוציתך [ א]ליהא אגתמע באבן אלעז בן בשר פאן
- כאן קד אסתעמל שי כליה ואן כאן מא אסתעמל שי
- פתתפצל חצרתה תסתעמלהא כמא אוציתך
- מנעם מתפצל לא עדמתה ולא כלות מנה אבדא
- ויא מולאי אלדי כנת קד אוציתך עלי ולמא כאן פי הדה
- אליומין וצל כתאב אלמולאי צלאח אלדין כלד אללה מלכה
- וקרי פי אלתגר בחצרה צאחב אלדיואן ואתבתה צאחב
- אלדיואן ונאדא אלאמיר פכר אלדין אללה יבקיה מא אבקא
- אלזמאן פי אלבלד אן לא יזן יהודי ולא נצראני אלא נצף אל
- מכס לא גריב ולא מן אהל אלבלד וכרו אצחאבנא
- בספר תורה המקודש ודעו ללסלטאן כלד אללה מלכה
- ותתפצל ת[ מו]לאי פכר אלצנאיע ותקריה ען עבדהא
- אפצל סלאם ותערפה עדרי אנני מא וגדת וקת לכתב
- כתאב לה ותערפה בכאה ולא כאן מא יקדר יכרג ען
- טבע אהל אלגרב והו פמא לה עדר ואנא פי כל וקת
- מתשוף לאכבארה ומא נסמע בחמד אללה ענה אלא
- כל מא יסר אללה יגעלה פי חיוז אלסלאמה ואלעאפיה וכדי
- אדא ארסלת שי יכון אלמכזן אלשיך הבה אללה אלתאגר
- אלטראבלסי וכתאבך יכתבה ואלחריר פי אלתגר גי[ד]
Recto - right margin
- והו כאיר פלא
- תשתרי שי ואנת עלי עין
- מא תרא ואן וגדת ברניה
- זבדה טייבה מן דיך פהי
- תסוא פי אלבלד בתמאניה
- ונצף אלעשרה ובעד
- דלך אלראי ראגע
- אליך פי מא תפעלה
- מא תם אחד ישיר
- עליך קראת עליך
- אלסלאם ועלי אלמולי
- אלשיך פכר אלצנאיע
- אפצל אלסלאם
- ואלאגתהאד פי דיך
- אלחאגה ולא תביעהא
- אלא פי חקהא . . .
- וגואב אלכתאב
- יכון סרעה
T-S 13J26.22 1v
Verso - address
- יצל הדא אלכתאב אל מצר חמאהא אללה תע יוסלם
- ללשיך אבו עלי מנצור בן אסחאק אלדמשקי נע
- עבדהא
- אבו אלמנצור ב[ן
- טאהר אלכהן . [
