Legal document: T-S 24.14

Legal document T-S 24.14

Metadata

Shelfmark
T-S 24.14
Document Date
Primary Language
Judaeo-Arabic

What's in the PGP

  • Image
  • 1 Transcription

Description

Deed of a gift or gifts, willed by an old man to be collected after his death. Dated: 1122 CE. The testator is the Tripolitan Elʿazar/Manṣūr b. Shelomo/Salāma. Names mentioned: Ṣedaqa b. ʿEli, Mawhūb al-Dhahabī, Abū ʿImrān ha-Parnas Ibn Majjān, Abū l-Munā b. Raḥma, Abū l-Faraj al-Sibāḡ, Abū ʿImrān ha-Kohen, Najā al-Qaṣṣab, and אלכצאבי. Signed by Avraham b. Shemaʿya he-Ḥaver, Yiṣḥaq b. Shemuel the Spaniard, Netanel b. Aharon ha-Levi, and Ḥalfon b. Menashshe ha-Levi, who also wrote the document. (Information from CUDL.)

Related People

Witness
Ḥalfon b. Menashshe ha-Levi, Yiṣḥaq b. Shemuʾel ha-Sefaradi

Related Places

Location
Fustat

Additional metadata

Collection
Cambridge University Library, Taylor-Schechter
Input date
In PGP since 2017
Image
Transcription
Translation

T-S 24.14 1r

°
1r
Gershon Weiss, "Legal Documents Written by the Court Clerk Halfon Ben Manasse (Dated 1100-1138)" (PhD diss., n.p., 1970).

Recto

  1. מעשה שהיה לפנינו אנו בית דין הקבוע בפסטאט מצרים ומאן דחתים עימנא לתחתא כן הוה חצר אלינא מרור אלעזר הנקרא מנצור אלטראבלסי בר מרור שלמה
  2. הזקן נע הנקרא סלאמה וקאל לנא אעלמו אן קד עלת סניני וצעף קואי ומא בקית אקדר אתצרף פי מע[ז]ה ולא לכלפה אלקות ולא לכתרה אלדכול ואלכרוג בחכם כבר
  3. אלסן ואלשיכוכה קד אסתגרת אלי מרור צדקה היקר בר מרור עלי הזקן סט אלטראבלסי בחכם אלאהליה אלתי בענא ואלבלדיה איצא לאנה למא ראני קד עגזת ען שקא
  4. הדה אלדניא רחמני ואכדני ענדה ואכתלף בסאיר אמורי וכסותי ומוניני והו דא יוליני מן אלגמיל אופא ממא יפעלה אלאנסאן מע ואלדה וגמיע דלך ללאהליה אלדי ביננא
  5. ונבוה מנה ושפקה עלי ותרפה לגסמי ורגבה פי אכתסאב אלתואב ופי מלכתי אלאן כמסון דינארא זאיד נאקץ מעי מן גמלתהא נחו אלארבעה עשר דינארא עינא
  6. ואלבאקי הו לי בותאיק עלי אלנאס מן גמלה דלך מא כאן ענד אלשיך אבו עמראן אלפרנס בן מגאן רצי אללה ענה ואנתקל בעד ופאתה וצאר לי פי גהה אבנתה וארתתה
  7. זוגה אלשיך מוהוב אלדהבי ישצו ממא קד תבת לי בבית דין ובה ותיקה עלי ואלדהא באלגוים בידי וענד אבו אלמנא בן רחמה תמניה דנאניר וענד אבו אלפרג אל
  8. צבאג סתה דנאניר אלא סדס וענד אבו עמראן אלכהן תלתה דנאניר וענד אלכצאבי תמניה דנאניר וענד נגא אלקצאב עשרה דנאניר בותיקה איצא פדלך גמיע
  9. מא אנא מאלכה ומא לי דרהם ואחד זאיד ענה ולא לי כארגא ענה מא קימתה אפילו משוי פרוטה ולעילא ולא רחל ולא אתאת ולא מלבוס אלא מא עלי בדני אלאן בחצרתכם
  10. וקד סלמת גמיע [אלמאל ו]אלותאיק וסאיר מא בידי מן אלחגג עלי אלנאס למרור צדקה דנן וחצלו תחת קבצתה ותחת אחתיאטה ומלכתה איאהם בלפט מתנה גמורה
  11. מעכשו מתנת בארי לא כמתנת שכיב מרע מתנה דלית בה חזרה וחאזהם ומלך גמיעהם וסאיר מא יחתוי כל מנהם עליה באלהגבהה מלכא צחיחא תאמא
  12. ומלכתה איצא גמיע ארתי כאינא מא כאן ובאלגא מא בלג מא כלא רבע דינאר פאנני אוקפתה ופטרת בה כל מן לה פי ארתי אסתחקאק כאן מן כאן ולו אנהם פי
  13. אלמתל מאיה נסמה או אזיד מן דלך או אנקץ מנה ליס להם יסתכרגו מן גמיע ארתי מן מ צדקה דנן מאלך הדה אלמתנה זאיד ען אלרבאעין אלדי פטרתהם בה
  14. אלאן מן גמיע ארתי מא קימתה אפילו משוי פרוטה ולעילא וקד געלת למ צדקה דנן מעכשו קבץ גמיע דלך מן ארבאבה [ ] מנה[ ]ותיקה ומא כאן מנה בגיר
  15. ותיקה ואלתצרף פיה מעכשו כמא ישא אד קד אנתקל אליה כל זכות לי פי דלך מעכשו בהדה אלמתנה ומלכה בהא ובאל[ ]מה איצא וליס לי רגעה פי כל דלך ואשרטת עליה
  16. אנה ימונני עלי קדר חאלה טול חיוה עיני מן ענדה ויקום בסאיר אמורי עלי קדר מכנתה וטאקתה וליס לי עליה פי דלך שי ען אלכתרה ולא ען קלה בל יכון פיה
  17. עלי גארי עאדתה מן נפסה ואדא דנתני אלופאה יכפנני במא יראה ויקום סאיר נואבי אלי אן אצל אלי אלמוצע אלחק אליקין כמא ישא הו ויכתאר וליס לאחד אל
  18. נטר עליה פי שי מן דלך ולא אלתעלק עליה בשי ולא אלזאמה בשי זאיד ען מא יכתאר יצרפה פי אמורי ענד ופאתי ואלאן אשהדו עלי אנא אלעזר הנקרא מנצור
  19. ביר שלמה הזקן נע ואקנו מני מעכשו ואכתבו ואכתמו עלי בגמיע אלאלפאט אלמחכמה ואלמעאני אלמוכדה ובכל לישאני דזכואתא וסלמו דלך אלי מרור
  20. צדקה דנן ביר עלי הזקן סט ליכון בידה לליום ובעדה חגה וותאק אנני מקר ענדכם באוכד מעאני אלאקראראת ואותקהא פי צחה מני וגואז אמר טאיעא
  21. מן גיר קהר ולא גבר ולא אכראה ולא סהו ולא גלט ולא ע[לה ולא] מרץ ולא גיר דלך מן גמיע מפסדאת אלשהאדה אנני קד והבתה מעכשו ארבע אמות קרקע
  22. מחלקי בארץ ישראל במתנה גמורה גלויה ומפורסמת ואצפת אלי דלך באן והבתה מעכשו גמיע מא כאן בידי מן עין וגמיע מא אנא מאלכה אלאן וסאיר מא לי
  23. מן דיון עלי אלנאס בותאיק ובגיר ותאיק ממא קד שרחתה לעילא וממא לם אשרחה ממא קד סלמתה אליה ומלצק וחאזה אלאן באלהגבהה אמלכתה איצא
  24. גמיע ארתי כאין מא כאן ובאלג מא בלג מא כלא אלרבע דינ אלדי פטרת בה סאיר וראתי בעדי בחסב מא קדמת שרח דלך פי צדר הדא אלמעשה
  25. ואנני קד געלת לה דלך מעכשו וכצצתה דון סואה במתנה גמורה גלויה ומפורסמת מתנת בארי לא כמתנת שכיב מרע מתנת עלמין מתנת פרהיסיא
  26. מתנה גמירא חתיכא חליטא שרירא וקימא יהיבא ומשלמא ליה ולירתיה בתריה מן שמי מן יומא דנן ולעלם מתנה דלית בה חזרה ואנני קד געלת לה מעכשו
  27. אסתכלאץ גמיע מא ענד אלנאס מן דלך בותאיק ובגיר ותאיק ואסתכראגה מן ארבאבה אלמדכורין וקבצה לנפסה ואן יזכא בה לדאתה ואן יתצרף פיה
  28. כמא ישא ויצרפה פי מא שא דוני ודון סאיר וראתי בעדי ויהב ויצאלח ויסתחלף ויבארי ויפעל מא אכתאר ויצמן אלדרך פי גמיע דלך עני וען וראתי בעדי אד
  29. קד מ[ ] דלך מעכשו באלשרט אלמדכור מן אלקיאם בא[ ]ר מא [ ] אליה מן מונה וכסוה וכראג וגיר דלך וכפן אדא דנתני אלופאה וסאיר
  30. נואי[בי אל אן אצל] אלי אלמוצע אלחק אליקין ויכון דלך עלי ק[ ] ליס לי [ ] לאלוראתי בעדי לא ען זיאדה ולא ען נקצאן אד קד מלכתה גמיע דלך וסאיר
  31. [ ] מא כלא [רבע] דינ אלדי פטרת בה אלאן כל מן לה פי ארתי [ ] מעכשו דלית בה חזרה וליס לאחד מן סאיר וראתי בעדי אן יסתכרג
  32. מנה מן [ ] שי זאיד ען דלך ולא מטאלבזה בשי יק(ע עליה אס)ם והגא ולא אסתחלאפה בשום שבועה בעולם לא שבועה קילתא ולא שבועה חמירתא
  33. ולא אפילו חרם סתם ולא [ ]ה מעכשו מן סאיר וראתי [ ג]מיע אלאשיא אלתי [י]קע עליהא אסם והגא בראה כאמלה תאמה באוכד מעאני
  34. אלאבארי ואותקהא וכתיקון חכמים [ ]ה אסתכלאץ גמיע מא אכלפה ואלתצרף פיה כמא ישא וליס לאחד ענד ופאתי אלאעתראץ עליה פי שי ממא
  35. יכפנני בה ולא ש[י] סואה פאן אלא[ ] והו באכתיארה פיה וכתבת לה הדא אלכתאב ליכון בידה וביד וראתה בעדה עלי ועל גמיע
  36. וראתי בעדי אריך ושריר וקיים ומוחזק דיזכו[ן ביה] בכל בתי דינין לעלם לא כאלאסנאדאת ולא כמצאדיר אלכתב אלא כאוכד ואתקן מא סטרוהו רבותינו זכרו[נם]
  37. לברכה פי כתב אלמתנות אלצחיחה אלתאבתה והדה אלמתנה לאזמה לי מעכשו ולוראתי בעדי שא עשת סנין כתירה אם קלילה לא תעתל ולא תתגייר
  38. ולא ינפסך שי מנהא ובטילית נמי כל מודעי ותנאי ומודעי דמודעי ומודעי דנפקין מגו מודעי עד סוף כל מודעי דמסירין לי ודמסרנא על שטר מתנתא
  39. דא כתיקון חכמים והכדי קאל לנא מ אלעזר הנקרא מנצור דנן ואהב הדה אלמתנה כתבוהא וחתמוהא בשוקא דלא תיהוי מתנתא טמירתא וקנינא מן מר
  40. ור אלעזר הנקרא מנצור דנן בר מרור שלמה הזקן נע למרור צדקה דנן בר מרור עלי הזקן סט במנא דכשר למיקניא ביה על כל מה דכתיב ומפרש
  41. לעילא תם אקנינא איצא מן מרור צדקה דנן בקנין גמור חמור בכלי הכשר לקנות בו מעכשו בביטול כל מודעין ותנאין אנה ראצי באלשרט אלמדכור
  42. לעילא וקאבלה עלי נפסה ומלתןמה מן אנה יקוםו מן כאצה מאלה בסאיר מונה מ אלעזר דנן וסאיר אמורה וגמיע מא יחתאג אליה מן כסוה ומונה
  43. ונפקה וגאליה וגיר דלך מן סאיר אלאשיא אלדי יחתאג אליהא בני אדם פי הדה אלדניא מן צגיר אלאשיא אלי כבירהא וסאיר נואיבה טול חיוה
  44. עינה עלי קדר מא תצל ידה אלי דלך ואן אדא דנתה אלופאה קאם בכפנה איצא וסאיר נואיבה אלי אן יצל אלי אלמוצע אלחק אליקין ואנה לא יכרגה
  45. מן ענדה ויסלך מעה פעל אלכיר ואלצלאח ואלאשיא אלדי יכון פיהא משכור מן אללה תעאלי ומן בני אדם ושהדותא דא כתבנא וחתמנא ויהבנא למר
  46. ור צדקה דנן ביר עלי הזקן דליהוי בידיה לזכו ולראיה וכאן דלך יום אלכמיס דהוא ראש חדש תמוז דשנת אלפא וארבע מאה ותלתין
  47. ותלתה שנין למניינא דרגיליננא ביה בפסטאט מצרים דעל נילוס נהרא מותבה ותאכרת כתאמתנא אלי יום אלגמעה אלתאלי לה שריר ובריר וקיים
  48. בעד כתב הדא אלשטר אקר מ אלעזר הנקרא מנצור דנן אן אלעין אלדי מעה אלדי הו נחו אלארבעה עשר דינ מודוע ענד מן קד עלם בה
  49. בית דין וקאל לנא אדא דנתני אלופאה יכרג מנהא כפני וגמיע נואיבי אלי אן אצל אלי אלמוצע אלחק אליקין ומא תבקא מן דלך כאן למרור צדקה
  50. דנן דאכל פי אלמתנה אלמדכורה לעילא דון סואה במתנה דלית בה חזרה וגדדנא אלקנין אלתאם מנה עלי דלך בקנין שלם בלפט מעכשו
  51. ובביטול כל מודעין ותנאין ואן ליס לאחד עלי מ צדקה דנן מן גמיע וראתה בעדה לא מן דלך ולא מן סואה זאיד ען אלרבע דינ אלפטירה
  52. אלמדכור לעילא וכתבנא וחתמנא פי אלתאריך אלמדכור לעילא דליהוי לזכו ולראיה: כתיב על גיהטא אל: וקיימין כולהון ודין קיומיהון
  53. אבר/כ\הם בר שמעיה החבר נבתויא נין שמעיהו גאון נע:
  54. ב ע פ ת
  55. יצחק ביר שמואל הספרדי זכ לח הע הב
  56. ב ייי א ל פ
  57. ח א ב
  58. חלפון הלון ביר מנשה נע נתנאל הלוי בן אהרן הלוי סט

T-S 24.14 1v

°
1v
Image Permissions Statement
  • T-S 24.14: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
Cambridge University Library, Taylor-Schechter, T-S 24.14. Available online through the Princeton Geniza Project at https://geniza.princeton.edu/documents/7559/ (accessed February 9, 2026).