Legal document: PER H 92 + T-S 16.334
Legal document PER H 92 + T-S 16.334What's in the PGP
- Image
- 1 Transcription
Description
Legal document in the hand of Ḥalfon b. Menashshe. A settlement in connection with the dissolution of a partnership between Abū ʿAlī Yeḥezqel ha-Levi and Banīn (possibly the druggist Banīn b. Daʿūd), who had jointly run a perfumery in Giza. Abū ʿAlī will continue to run the store on his own, and Banīn will repay him in weekly installments for his share of the rent of the store. The store itself is owned by Sibāʿ the Muslim. Dated: 5 Shevaṭ 1437 = 1 January 1126 CE. Ḥalfon also signed the document, together with the teacher Yiṣḥaq b. Ḥayyim Nafūsī. (Information from CUDL.)
Tags
Image
Transcription
Translation
Editor: Weiss, Gershon
T-S 16.334 1r
°
Gershon Weiss, "Legal Documents Written by the Court Clerk Halfon Ben Manasse (Dated 1100-1138)" (PhD diss., n.p., 1970).
T-S 16.334 Recto
- ( ) דרהם אקאם בהא עני מן מאלה ואועדני אנה יאכדהא מני דרהמין כל
- כל אסבוע ק(ד) צמן לי עלי נפסה דרך אלגוי ען מא בקי עלי פי אלאגארה אלדי בידה
- ואסתקר אן יכון גמיע דלך ביננא במסטר ושהאדה ואלאן אשהדו עלי אנא
- בנין ואקנו מני מעכשו ואכתבו ואכתמו עלי בגמיע אלאלפאט אלמחכמה ואלמעאני
- אלמוכדה ובכל לישאני דזכואתא וסלמו דלך אלי אלשיך אבו עלי מרור יחזקאל הלוי
- דנן ליכון בידה לליום ובעדה חגה וותאק אנני מקר ענדכם באוכד מעאני אלאקראראת
- ואותקהא פי צחה מני וגואז אמר טאיעא מן גיר קהר ולא גבר ולא אכראה ולא סהו ולא גלט
- ולא עלה בי מן מרץ ולא גיר דלך מן גמיע מפסדאת אלשהאדה אנני קד קבצת ותסלמת
- (ג)מיע מא כאן יכצני פי דכאן אלעטר אלדי כאנת שרכה ביני ובינה פי אלגיזה וצאר
- גמיע דלך אלי ותחת קבצתי וחוזי עלי אלכמאל ואלתמאם ואן לם יבק לי פי אלדכאן ולא
- פי גהתה מן דלך שיא ואן אלדכאן בגמיע מא תחויה אלאן לה דוני ואנני קד אבריתה
- מעכשו מן גמיע אלשרכה אלתי כאנת ביננא פיהא ומן גמיע אלדעאוי ואלמטאלבאת
- ומן סאיר אלעלק ואלתבעאת אלתי תתגה לי עליה פי גמיע מא גרי ביני ובינה פי דלך ופי סואה
- מן סאיר אצנאף אלמעאמלאת עלי אכתלאף אגנאסהא ואנואעהא מימות עולם
- ועד עכשו מן כל מא יקע עליה אסם והגא ומן כל טלב ען ראס מאל או פאידה או ען כיאנה
- או ען אדא אמאנה או ען דין או גיר דלך מן כל מא יקע עליה חרף ומעני וגנס ומן
- סאיר אלאימאן עלי שי מן דלך תקילהא וכפיפהא ואפילו על ידי גלגול ואפילו חרם סתם
- בראה כאמלה תאמה באוכד מעאני אלאבארי ואתקנהא וכתיקון חכמים ואן לה ענדי
- ופי קבלי ופי גהתי ודמתי וכאלץ מאלי עשרין דרהמא ען מא אקאם בה עני ללגוי ען אל
- אגארה אלדי כאנת לה עלי ואנני אקום לה בדלך דרהמין פי כל אסבוע בלא מדאפעה
- ולא ממאנעה ולא חגה ולא אחתגאג כל עיקר ולא ימין מן סאיר צנוף אלאימאן תקילהא
- וכפיפהא ואפילו על ידי גלגול ואפילו חרם סתם מן אלאסבוע אלדאכל ואן אחריות
- הדה אלאברי והדא אלחוב לאזמא לי ולוראתי בעדי מעכשו ואקנינא אנן חתומי מטה
- מן בנין דנן ללשיך אבו עלי דנן עלי גמיע דלך בקנין גמור חמור בכלי הכשר לקנות
- בו מעכשו בביטול כל מודעין ותנאין וביד ליד תם אקנינא איצא מן אלשיך אבו עלי
- מרור יחזקאל הלוי דנן בקנין גמור חמור בכלי הכשר לקנות בו מעכשו בביטול
- כל מודעין ותנאין אנה קד אברא בנין דנן מן גמיע אלשרכה אלמדכורה אלתי כאנת
- בינהמא ומן כל עלקה תתגה לה עליה פיהא מן ראס מאל או ען כיאנה או
- אדא אמאנה ומן גמיע אלדעאוי ואלמטאלבאת אלתי תתגה לה עליה פי גמיע מא
- גרי בינה וביני מן סאיר אצנאף אלמעאמלאת עלי אכתלאף אגנאסהא ואנואעהא ומן
- סאיר אלאימאן עלי שי שי מן דלך תקילהא וכפיפהא ואפילו על ידי גלגול ואפילו חרם
- סתם ומן כל מא יקע עליה אסם והגא מא כלא אלעשרין דרהמא מימות עולם ועד עכשו אלמדכורה לעילא
- ען אלאגארה ואנה ראצי באכדהא מקסטה דרהמין כל אסבוע מן אלאסבוע אלדאכל
- ואנה קד צמן דרך סבאע אלגוי ען מא תבקא לה פי אלאגארה עלי בנין דנן ואנה
- אן עאד עליה פי דלך בטלב כאן עליה כלאצה מנה ואלקיאם ענה וען כאצה מאלה
- במא יגב עליה פי דלך ואלתזם בדלך עלי נפסה בלפט מעכשו ושהדותא דא
- כתבנא וחתמנא ויהבנא ללשיך אבו עלי דנן דליהוי בידיה לזכו ולראיה וכאן דלך לילה אל
- גמעה אלכאמס מן שהר שבט שנת אתלז למנין שטרות ותאכרת כתאמתנא אלי
- נהאר יום אלגמעה אלמדכור אלתאריך בפסטאט מצרים שריר ובריר וקיים
- תלי ביני שיטי מימות עולם ועד עכשו וקיימין כולהון ודין קיומיהון חלפון הלוי ביר מנשה נע
- יצחק המלמד ביר חיים נע נפוסי יובא
T-S 16.334 1v
°
