Letter: Moss. II,128
Letter Moss. II,128What's in the PGP
- Image
- 1 Transcription
Description
Letter of Mūsā b. Abū l-Ḥayy, Alexandria, to Yosef b. Mūsā ha-Taherti, in Fusṭāṭ (c. 1065 CE). (Information from CUDL) Includes reports from Sicily trnasmitted from Palermo and North Africa, including the news that the Normans had conquered most of Sicily. Only Palermo, Mazara del Vallo and Castrogiovanni (modern-day Enna) remained in Muslim hands. Dating is roughly 1063 - 1071 as the Normans were first in Sicily in 1061 (but the first major battle was the Battle of Cerami in 1063) and Palermo and Mazara surrendered in early 1072. Sicilian Jews were apparently attempting to escape to North Africa due to the unrest.
Tags
Image
Transcription
Translation
Editor: Gil, Moshe
Moss. II,128 1r
Moshe Gil, In the Kingdom of Ishmael (in Hebrew) (Tel Aviv: Tel Aviv University, 1997), vol. 3.
Recto
- על שמך
- כתאבי יאסידי ומולאי אטאל אללה בקאך ואדאם סלאמתך וסעאדתך וצרף
- אלאסוא ענך ברחמתה מן אלאסכנדריה לנצף מן אדר ען חאל סלאמה
- ונעמה ושוק אליך קרב אללה אלאגתמאע בך עלי אפצל אלאחואל ומא
- תחב עלמה אן וצל כתאבך ווקפת מנה עלי חסן סלאמתך ועאפיתך
- אדאמה<א> אללה לך ברחמתה ודכרת אן אנפדת לי כתב עדה ולם ארא
- מנך מן מדה סוי הדה אלכתאב וקד תקדמת כתבי אליך מע אלפיג אלקאבסי
- ומע אלמוצלי וערפתך פיהא אחואלנא ומא נחן פיה הנא מא אסתגני
- ען אעאדתה פי הדה אלכתאב אללה תע' יפרג ולמא כאן פי יומנא הדא
- וצל בן אלחיתאני מן אלמהדיה אלפיג ואלי אלסעה לם יסלם לאחד כתאב
- אלא ללשיך אבי יעקוב בן אלקאבסי ואשנע ען אלמרכב אלגדיד שנאעה
- רדיה וטייר עקולנא פלמא אכד אלשיך אבו יעקוב כתבה וגד פיהא
- כתאב מן ענד אבי אלברכאת בן אלרמאח ידכר אן אלמרכב אלגדיד
- אקלע מן אלמדינה דאיר אלי מאזר תסיב אלי אן וצל בלאד אלרום
- וקאם טו יום ליס ענד אחד מנה כבר תם בעד דאלך רגע סאלם
- אלי מאזר ללה אלחמד וקד ד'כר אן אלתאת פיה רזם כתירה ואכבאר
- סקליה רדי כמדה וקד מלכהא אלעדו ולם יבקא פיהא ללמסלמין
- אלא אלמדינה ומאזר וקצר יני ואלנאס יעדו אלי בר אפריקיה כ'ג' א'ן'
- אלדאבה ואכתר עלי מא דכרו פאללה תע' יפרג ענא וענהם ויסמע[נא]
- ענהם כיר אן שא אללה ואמא אלמהדיה דכר אנהא מקפלה ואקל
- קמח פיה כג' א'ן' ונצף אלקפיז ואחואל אצפאקץ כמא תרכתוהא
- וקד דכל מרכב בן אבי עקיל אלי אצפאקץ וקד ראית לך מע אלפיג
- כתאבין כתאב מן דארך וכתאב מן יוסף בן אלגנוי ולא שך אן לך מעה
Recto, right margin
- כתאב מן
- נסים לאני לם אקף
- עלי גמלה כתבך ואנא
- גד כתאבי אמצי אליה
- פאן קא... לי פיהא אכדתהם
- ואנפדתהם אליך דרג
- כתאבי אעלמתך
- דלך ומא דכרתה
- מן אמר אלשכיראת
- אלדי ענד בן אלעאבד
- קד אכדתהם ופתחתהם
- ולם אגד פיהא חסאב
- אלא פי כתאב ווריק
- תעלק וקד אנפדתה
- לך מע אלמוצלי
- אעלמתך דלך
- ומא דכרתה
- ממא תפצלת
- בה מן אלדי אשתריתה
- לנא לא עדמני אללה
- בקאך וקד
Recto, upper margin
- סאלתך תתפצל
- ותכתב לי עלי מא
- אשתריתה לי כלטה
- כלפון לנסים וכלפון
- אבנאי אסמאעיל
- כליט ואלדי לכאצתנא
- אן כאן הו פאיקה
- תכתב עליה אסמי
- ואסם אכי ואן
- כאן הו ללכלטה
- מעך תכתב
- אסמי מ[ע]
- [א]סמך [עלי אל]
Moss. II,128 1v
Verso, upside down
- עאדה לא עדמני אללה בקאך ומא דכרתה מן אמר אלמונה אן כאן תפצלהא אפצל
- באזא מא ילזמה אלי אן יצל אלינא ונחן הנא נחתאל פי אלסלפה אן שא אללה וארגו אן חצלת
- אלאסתקאמה במצר מן אגל אכבאר סקליה לעל תשתרי לי באלבקיה אלדי בקית שי צאלח
- אללה תע' יופק לנא ולך מא פיה אלכירה וקד נפדת דרג כתאבי נסכתין לתאבת בן סעדאן
- אלבגדאדי פאחב תתפצל ותסתקצי לי ענה אן כאן וצל אלי מצר תסלמהם אליה
- ואן כאן לם יצל תתפצל ותנפדהם לי ללרמלה עלי יד אתנין(?) [ ] וצל
- לי מן קבלה כתב מע הדא אלפיג ודכר אנה פי אלרמלה עלי מגי פארגו אן אללה
- תע' יסאהל במגיה סרעה ואן דאית לי מן ענדה כתאב תתפצל תפדיה ותנפדה
- לי פעלת מתפצל ומא כאנת לך מן חאגה תשרפני בקצ'אהא קראת עליך אתם אלסלם
- ואברהים אכי יכצך באתם אלסלם ור' ישועה אתם אלסלם וקד וקפת עלי מא דכרת פי
- אלכתאב מן סירה לסידי אבו נצר בן סגיר לא עדמת בקאה ומא דכרת מן אמר בקיה אלגזל
- יריד קטן כשן בעדה לאן אלגזל אלדי בקא כשן כתיר ובקי לה תמן אואק סמר אלדי
- כאנת מע אלקטן ישתרי מעהא ד' אואק אכר רקאק יגיה מן אלגמיע [ ]
- ללקטן אלדי ענדה ותעלמה אני קבצת אלשכיראת אלדי ענד בן אלעאבד ולם אגד פיהא שי'
- ור' נהראי אלסלם וקד וקפת עלי מא דכרה פי אלכתאת(!) לא עדמת בקאה וקד סלמה
- אלכתאב לך דיאן ברקה ואנא אכתב לה שרח מא וזנתה ענה פי אלעדל ואל [ ]
- ואלעלאוה ומן אלמונה ומא דכר מן אמר אלק'מ' אלכרא אלדי לאסמאעיל מא אקדר
- עלי אנפאדהא ולא הנא מן יסאפר לרשיד כלי[ ] במצר פאן אכתאר אסלמהא אלי
- אלשיך אבי אסחק הו אקדר עלי תוגיההא מני ואחב תתפצל ותשתרי לי תנך קטן וכתאן
- אלברג פאחב לך תאמר בסבבה ותערפני איש אלדי יחתצל מנה לאן לך ענדי מן
Verso, left margin (per Gil: right margin in original orientation)
- תמנה דון אל
- ה' א'נ' פאחב
- תקבץ לי מנה
- אלבקיה
- פעלת מתפצל
- ו'ש'ל'ו'ם'
- וקד שרחת לסידי
- אבי יחיא אל
- חסאב אלדי
- דכר והו דרג
- כתאבי תדפעה
- אליה ותתפצל
- ותקבץ לי
- מנה בקיה
- מן אלכרא
Verso
- לסידי ומולאי אבי סעיד יוסף בן מוסי נ'ע' תיהרתי מן מחבה מוסי בן אבי אלחי נ'ע' כלילה
- אטאל אללה בקאה ואדאם סלאמתה
