Scholarship on Letter: ENA 3793.7

אטאל אללה יאסידי וריסי וגלילי ואלעזיז עלי בקאך ואדאם סלאמתך ואיאם סעאדתך כתאבי

אליך מן מדינת אלקיר[ואין ען סלאמה ועאפיה נחמד אללה אליך כתירא קאדר אן יגמענא

בך עלי אפצל אלאדואל אנה ולי דלך ואלקאדר עליה אנפדת אליך יאסידי מע יעקב בן אכת חָסְנן]

אלי דג[ניר] אלדי אקרצתני אחסן אללה גזאך פי מא אוליתני ואלדי אכר אמרהא [

קלה ביע וסוק כאסד ואלבעץ אלדי בענא מן מתאענא עלי אלתכריג פלא תחסב יאסיד[י]

פי תאכנירי לאימה תם יאסידי מא ראינא לך כתאב ולא וציא מן חין כרוגנא אלי הדה

אלגא[יה] פאשגלך אללה פי כיר ואן כאן אצחאבנא יערפונא בסלאמתך וסלאמה ולדך

אחיא[כמא] אללה ואן ען לך יאסידי מן חאגה אכתב אלי בהא אבלגך פיהא

מחאבן אן שא אללה וקד עלם אללה אעתקאדי ומחבתי פיך ליס לשי אלא מחבה

פי אללה גל וע[ז         פלא] אכליתני מן גמיל פעלך כאפאך אללה ענא בכל כיר

ולא יתאכר [כתאבך עני                                       ] הו אלאתצאל בין אלאצדקאֿ

בחאלך וסלאמת[ך                                                     ] אללה מן כל כיר ובלגך

מאמרלך [                  ] בעד טול אלעמר אן שא אללה ועלי כאצה נפסך אלעזיזה

 צאנהא אללה ווקאהא אפצל אלסלם וסידי אבו אלפרג ולדך אחיאה אללה אלסלם

וגמאעה אצחאבנא אלפאסין יבלגוך אלסלם ואנת אגל ואעלא מן אלצדר