Letter: Bodl. MS heb. b 11/1

Letter Bodl. MS heb. b 11/1

Metadata

Shelfmark
Bodl. MS heb. b 11/1
Editor
Moshe Gil, Palestine During the First Muslim Period (634–1099)‎ (in Hebrew) (1983), vol. 2.
Primary Language
Judaeo-Arabic

Tags

Additional metadata

Historical shelfmarks
Bodl. MS Heb. b 11 (Cat. 2874), f. 1; Bodl. MS Heb. b 11, fol. 1
Input date
In PGP since 1988

Description

Letter from Shelomo b. Yehuda to Avraham Ha-Kohen b. Yiṣḥaq. Probably Ca. 1030

Bodl. MS heb. b 11/1 1 recto

1 recto

Transcription

Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 2.
  1. [ליקר תפארת כגק מר ור אברהם הכהן [ ] ישמרהו אלהינו[
  2. [ ] ויעודד[הו ] ויגן בעדו ויצליח על ידו[
  3. [ ] הוא ויולדו וכל מתי סודו בן זקיננו וחשובנו כב קד מ[ר ור יצחק]
  4. לחיים יוחק הזקן המיוקר והמכובד [ ] תנ[
  5. [ ] ושאר [ ] ואתה יקירנו תהיה
  6. ולכל יש[ ] נצח וצל כתאב יקירנו ישמרהו צור גואבא ע[לי]
  7. כתאבי [ ] אסר מא[ ]אירין מא ופד וקראתה ופהמת מעאניה
  8. וסררת במא דל עליה מן אל[סל]א[מה] וסכנת אלי דלך וחמדת אלכאלק
  9. יתרומם עליהא וסאלתה [ ] מנהא ודכר וצול כתאבי ומא כאן
  10. דרגה וחוסן מוקעה ונעמה [ ] באן אלהים יבשרך בביאת
  11. מבשר טוב ומשמיע שלום ודכר אמר אלמתולי ואנצראף אמ[ר]ה
  12. ען אלבלד ואן גירה יטלע ואן קד תקדם אליה מא פיה מקנע פי הדא
  13. אלבאב ופי גירה ומא כפי ענה אדאם אללה עלוה אמר האולי אלקום
  14. [מא] הם עליה מן אלשר ומנאצבתהם פיה ומבאלגתהם ומא קד
  15. אסקוני ואן למא תגדד מעהם מא תגדד פי הדה אלסנה ארדת
  16. אן אעאמלהם במא יסתחקוה פאמתנעת מראעאה לאדוננו מרב
  17. מבורך ישמרו צור ומא מן וקת אלא ועלגני ענהם כל קביח ממא יבסט
  18. לסאויהם פ[שנעו על]א ולדי ת[אל]מ[נה] שפתי שקר הדוברות על צדיק עתק
  19. [ ] פאתבתה ענד כתאבה אלאול ממא לם יפעלוה ווצל כתאב תאני
  20. בשי אכר וכתבת אלכתאב אלנאפד אליה אלי חצרת אדוני הזקן הגדול
  21. האדיר הכביר יחייהו אל וישמרהו ויאמץ זרועו אשתכית חאלי מע האולי
  22. אלקום אלי חצרתה תעוול עלי מואעידה אלדי ועדני וחלמה אלדי [ער]פ[תה]
  23. ותפצלה אלדי שמלני והאולי אלקום מא לי מעהם קואם לא[נ]הם יו[ ]
  24. עלי אלנאס ויעצבו ויתשדדו ולא שך אנהם ירידו אן ישיידו ולדי
  25. עני והו ואחדי אללה ביני ובינהם קד אכתרו אלנאס חואליהם במא כולהם
  26. יותבוהם עלי אלשר ו[ ] קד קיל אלי אליום אן אתנין מנהם נזלו אלי אלרמלה
  27. לקאהם אללה מא תל[אקו] בה [ ] לריק ישפט ביננו [ ]
  28. ואלדי אראד אן יעמלה מע ואלי או ספיר הודא אלקום ויכון יקירנו
  29. יעלם אנהם יקולו מא יקולוה ויסנדו באימאן פלא יעול עליהא פאן
  30. ק[ד ] מן אחואלהם אנהם ליס ללאימאן ענדהם אכתראת וקד
  31. כתב[ו] ל[נשי]אנו אבו אלחסן יאשיהו שמ צו ענד אגתמאעה בחצרה
  32. אדוני הגביר ישכו אליה אמרי ויעלמה אני מא כתבת אלי חצרתה
  33. אשכיהם אלא ממא זאד אלאמר עלי ואן בלג מעהם מא במתלה
  34. יחסם מאדתהם ומאדה מן יולבוה ויעצבוה ואלא פלא אמן מן אמור
  35. תועבם עלי ויכון זקיננו יעלם אן מא פי אלקדס אחד ינאצב ויקאום
  36. אלא אמא הם ואמא מן תבאעהם ויראד אנחסם אלמאואד גומלה
  37. ואן אחתגת אנפדת סמיה אלחבר אלי ענדה ואן אנגח ואלא
  38. כמנת ברוחי ולא אמן מא יתאתא ולעלמי מנזלתי ענדה חרסה
  39. אל[לה] חיאתה אלדי כתבת ולעלמי איצא אנה ישתגל קלבה
  40. באשתגאל קלבי אלדי אכשפה אדברה וירוח לי ושלומו ושלום
  41. כבודו ושלום זקיננו יולדו וכל מתי סודו ירבה כמנין ארבה
  42. ישע רב ו נ י ו ע ו א י
  43. שלמה הצ ראש ישיבת גאון יעקב ברבי א כ ת ל ת ל א ש

Translation

Bodl. MS heb. b 11/1 1 verso

1 verso
Image Permissions Statement
https://geniza.princeton.edu/documents/509/