Letter: CUL Or.1080 J25
Letter CUL Or.1080 J25Tags
Description
Family letter addressed to a place north of Qus in upper Egypt, beginning with two Hebrew verses from a poem, in which a woman with a child asks her sister and mother to take more interest in her because of her condition. (Information from Mediterranean Society, III, pp. 172, 221, and from Goitein's index cards.) Same sender and addressee as L-G Ar. II.129 and T-S 8J24.4. In fact, this is probably addressed to Fustat (based on L-G Ar. II.129), though the family has business dealings in Qūṣ.
Edition: Goitein, S. D.
Translation:
CUL Or.1080 J25 1r
Transcription
S. D. Goitein, unpublished editions.- בש רח עבדהא אברהם
- דמאעי אם כמטר יערופון
- מעט קט מתשוקתי מגלים
- ואלו שערות גופי לשונות
- להגיד תאוה עצרו במלים
- לחצרה אלמולא אלשיך אבו אלחסן
- דאם עזה סבב אצדאר האדה
- אלאחרף באני סמעת אן כאן תם
- פרקה ומא האד . . אמל פיך
- ולא כדא אסתקר ו[לא] כדא
- אועתני למא סמ[ע]ת תאני
- דפעה אנכם בקיתם עלי מא
- כנתם פרחת אלדי קבלת אלוציה
- ואלדי לם יגי מן אלאצל אלטייב אלא
- כיר ולו אמכני אלטלוע טלעת
- ולא כאן אד ואנתם פי עאפיה אנא
- פארח ותעלמני באכבארכם
- מן כל בד סרעה האכדא יכונו
- אלנאס ולא כתאב ותערף אבנת
- עמי תסלם עליהא ועלי אמהא
- ותקול להא מאנתי מן קבלנא פי
- חאל ולא כתאב סאעה וקופך
- עלי האדא אלכתאב תנפדי
- אלחלק אלדהב ואלמעגר מע אם
- אבו אלטאהר אמראת אבן
- גמיע ואן ראיתי אנך תביעי
- אלמעגר פי קוץ כמא קלתי
- אלא תביעי טרפה אללה אללה אדא
- גאת בנת כאלך אנפדי מעהא
- אלחלק ואלמעגר ואן כנתי תטלעי
- קוץ ביעי אלוצט ולא תביעי
Translation
CUL Or.1080 J25 1v
verso
- טרפה ואסתעמלי אטראף
- לאבו אלחסן בתמן אלוצט אלוציף
- אנפדי לה מונתה לאן כראה
- מא זאד ולא אנתקץ ואלדי אעלם
- אעלמך בה אן סת אלציד ראחת
- לענד אלדיין וקאלת לה אכתב
- לי אלפרץ עלי סתי פרץ אולאדי
- ומונתהם פלמא סמעת תקאלה
- מעהא וקלת ללדיין אדא כאנו
- אולאד אלאנסאן פי ה[אד]א אלסן מא
- ילזמהם פרץ סימא אלעביד ומא
- עקלהא אלא פי אלזיגה וסייבת אולאדהא
- ותסאל ען אבנת עמי כתיר ותע
- רפיהא שוקי להא ולואלדתהא
- אללה יגמע אלשמל וכדלך אסמאעיל
- ואבראהים וואלדתהם וסת זהר
- אפצל אלסלאם ועלי אלשיך אבו אסד
- ואולאדה אפצל אלסלאם ועלי אלשיך
- אבו אלחסן אלחתן וסאיר אכותה
- אפצל אלסלאם וכדאלך ואלדה ואם
- אבו אלחסן כרימתך תכצך באלסלא[ם
- ולו ערפתך אכבאר סת אלנעם
- אדיתי ללה קדרה וקעת מן פוק
- אלרואק אלא אספל אלקאעה ולטף אללה
- ולם יציבהא שי וכדלך אכוהא אבו
- אלחסן וקע פי דאר אבן בנאיה מן
- פוק אלי אספל ולטף אללה ולם יציבה שי
- יאכתי תחנני קלב ואלדתי עליא
- למן כליתיני בקית גריבה וחידה
- ולא מן ירד כלמת פלא תגרך אלדניא
- אלמות אבדא ואנא אברהים נכצכם
- באלסלאם וכדלך אבו אלחסן וכואתה
- וסלמו עלי אסמאעיל
right margin, straight line at 90 degrees to main text
ואבראהים ואכתי מא אסתאהלת מנך . תא . ת [ער]פיני [. . . . . .] נתסלא בך כאנך ענדי ואלסלאם
