Scholarship on Legal document: Yevr.-Arab. I 328
Legal document Yevr.-Arab. I 328- Bibliographic citation
- Matthew Dudley's digital edition (2026), available online through the Princeton Geniza Project at https://geniza.princeton.edu/documents/41540/.
- Relation to document
- Digital Edition
Image
Transcription
Translation
Editor: Dudley, Matthew
Yevr.-Arab. I 328 recto
°
Matthew Dudley's digital edition (2026).
Yevr.-Arab. I 328, folio 26v
- למא כאן בתא׳ נהאר אלכמיס ה׳ פי שהר תמוז [[אב]] יא׳׳ל סנה ה׳ש׳כ׳ה׳ ליצירה
- אשהד עלי //אלמולי// יהדוה א׳ אלמר׳ [[אלאגל]] מר׳ ור׳ משה נ׳׳ע אנה אשתרה מן
- אלאך אברהם הלוי א׳ אלמר׳ דוד //הלוי// שיך אליהוד חזקת //גמעה פי כנס סוק אלצאגה// מן גמלת חזקת כמסה
- גמעיתן //אן תמצי// [[כנס סוק אלצאגה]] ל׳ו׳ נצף //פצה// ותלך אלגמעה כאנת חזקתהא לע׳אלרחמאן
- אלפולאדי יבאעהא לאברהם הלוי קבל תאר׳ //לח׳(?)// ואלאן באעהא אברהים הלוי אלמד׳
- אע׳ ליהודה אלמד׳ אע׳ //ואול מדלך// [[אלגמע]] אלכמסה [[אלג]]גמע[[.]] //כנס אלסוק// גמעה ויקת קרח
- יסתוליהא יהודה אלמד׳ אע׳ ובעדהא יסתולי אברהם הלוי //כנס// תלת גמע ובעדה
- אברהם אלפולאדי יסתולי כנס גמעה ואחד ובעדה ידור אלדור ליהודה אלמד׳
- אע׳ תם אלאסתולי עלי אלחכם אלמ׳׳א תם אשהד עליה יהודה אלמד׳ אע׳ אנה לם
- יתקלב עלי אברהם אללוי ולא יטאלבה בהדה אלמבלג מא דאמה מסתולי כנס הדה
- אלגמעה //אלמד׳ אע׳// ואן פרג' גרצ'ה מן כנס הדה אלגמעה או אראד //אנה// [[א]] יסאפר יביעהא
- לאברהם אללוי אלמד׳ אע׳ אלדי אשתראהא מנה ויאכד פלוסה מנה עלי אלתמאם
- ולם יביעהא לאחדא גירה מטלקא אלא אן כאן פרג' גרץ אברהם אלמד׳ א׳ מנהא
- ויאדנה בביעהא ללגיר ודלך יכון קדאם עדים ואן עאד עאיד עלי סוק אלצאגה
- וראח מנה שי כתיר או קליל וגו אלט'אלמן יתעלקו עלי אלכנאסין אלסוק וחצל אלעי..(?)
- ב..ללה גראמה יככון דלך אלגראמה עלי כנאס תלך אלגמעה ואנה לא יתעלק עלי
- עלי גירה בוגה אן יכון מטלקא ואן כל ואחד בדם(?) אנפה ואן אלמע׳ יהודה גמעה אן
- תגי נובה כנסה פי אלסוק אלמד׳ יוזן חצתה אלדי תגי עליה באלכאמל תעדא עליה
- אחדא [[יאכד]] מסלם או נצראני או רבאן או גירה ואכר מנה כנס הדה אלגמעה
- לם יטאלב אברהם הלוי אלמד׳ אע׳ באלפלוס אלדי אעטאהם לה אן כאן מא לאברהים
- אללא גרה אן תכון מטלקא תם אשהד עליה אברהים אללוי אנה לם יתקלב עלי
- יהודה אלמד׳ ואן פרג גרץ יהודה אלמד׳ מן כנס הדה אלגמעה אלמד׳ וגא לאברהים
- אללוי אלמד׳ אע׳ ידפע פלוסה במאמהם(?) או יאדן לה בביע חזקת למן
- יכתאר //כמא מד׳ אע׳// וכל חצל מן אתנינהם בחלף בש׳ ית׳ אנהם ראצ'ין במא נץ ושרח אע׳
- וקבלוה עליהם בשהאדת מן יצ'ע כטה פיה והכל שריר ובריר וקים