Scholarship on Legal document: Yevr.-Arab. I 328
Legal document Yevr.-Arab. I 328- Bibliographic citation
- Matthew Dudley's digital edition (2026), available online through the Princeton Geniza Project at https://geniza.princeton.edu/documents/41479/.
- Relation to document
- Digital Edition
Image
Transcription
Translation
Editor: Dudley, Matthew
Yevr.-Arab. I 328 recto
°
Matthew Dudley's digital edition (2026).
Yevr.-Arab. I 328, folio 22r
- למא כאן בתאריך נהאר אלכמיס י׳׳ו פי שהר תמוז יא׳׳ל סנה ה׳ש׳ד׳כ׳ ליצירה
- חצ'רו אלאך ע׳אלרחמאן א׳ אלמר׳ כצר אלפולאדי נ׳׳ע ואלאך משה הלוי א׳ אלאך
- ע׳אלבאקי הלוי ואשהדו עליהם באנהם קבצו ואתסלמו מן //אלאך// אברהם הלוי
- א׳ אלמר׳ דוד .הלוי שיך אליהוד נ׳׳ע //תלאתה אשרפי דהב גדידה// ודלך עקדה שרכה בינאתהם פי אלדכאן
- פי צנעה אלציאעה(!) ואנהם ישתרו בהם פצה ויסתגלוהא אי צנף אן כאן פי
- צנעת אלציאג'ה ורצי אברהם הלוי אלמד׳ אע׳ ופוט'(?) להם דלך תם אשהדו
- עליהם ע׳אלרחמאן ומשה הלוי אלמד׳ אע׳ באן גמיע אלרבח אלדי יטלע
- פי הדה אלפלוס וגמיע מא ידכל אלדכאן מן אגרה וגירה וגמיע מא
- יעאנוה מן צנף אלציאגה פי אלדכאן ופי גיר אלדכאן יוצלו //מנה// אברהם //הלוי// אלמד׳
- אע׳ מן כל עשרה אנצאף אלדי [[תל]] תטלע להם רבח נצפין ואלתמאניה אנצאף
- בינאת ע׳אלרחמאן אלפולאדי ומשה אללוי אלמד׳ אע׳ ואנהם לם ידכלו פי
- גהתהם //כלהם// אכתר מן כמסה דהב ואן כל ראס שהר יעמלו חסאב ויקסמו
- אלדי יטלע להם רבח פמאהו משרוח //אע// ואן א//אכתאר אברהם ..ך אלש.רך// טלע אברהם אללוי פלוסה
- בעד מצ'י שהרין ינקדו לו פלוסה ויעטוהם לה בכמאלהם ותמאמהם
- וכל דלך חצל מנה גמיעא בשבו׳ גמורה בש׳ ית׳ באנהם ראצין בגמ..
- הדה אלשרוט אלמד׳ אע׳ ואנהם יוצלו בעצ'הם אלבעץ אלאמונה וכל דלך
- ברצאהם גמיע מן גיר אגבאר והכל שריר ובריר וקים
- למא כאן בתא׳ נהאר אלתלאת ראבע פי שהר אלול סנת ה׳ש׳כ׳ד׳ ליצירה
- אשהד עליה שמואל אבן יחיה אלפירוזי עלי [[ל..א]] אנה לם ימד ידה לזוגתה
- גנדיה אבנת יהודה הלוי בצ'רב מאלם(?) פי וקת צראב וכנאק ועלי אנה לם
- ילענהא ואנה לם יגצבהא פי סכנתהא ענד אהלה אלא אן אכתארתהי(?)
- בסכנתהא ענדהם ואנה [[יאכד]] //יפתש// להא //עלי// בית יכון מסכן שרעי וירצי אלדיינים
- לסכנתהא פיה תם אשהדת עליהא גנדיה אלמד׳ אע׳ עלי אנהא לם תבהדל
- גוזהא שמואל [[שמואל]] אלמד׳ אע׳ ולא תאסי עליה ואנהא תקים בואגבאתה
- כמא מכתוב עליהא פי אלכתובה וכל דלך חצל ברצי אתנינהם מן גיר אגבאר
- בשהאדת מן יצע כטה פיה והכל שריר וביר(!) וקים