Scholarship on Legal document: Yevr.-Arab. I 328

Legal document Yevr.-Arab. I 328
  1. Bibliographic citation
    Matthew Dudley's digital edition (2025), available online through the Princeton Geniza Project at https://geniza.princeton.edu/documents/41120/.
    Relation to document
    • Digital Edition
Image
Transcription
Translation

Yevr.-Arab. I 328 recto

°
recto
Matthew Dudley's digital edition (2025).

Yevr.-Arab. I 328, folio 16r

  1. למא כאן בתא׳ לילה אן יספר צבאחהא נהאר אלאחד ט׳׳י שהר תמוז יא׳׳ל סנה תאריכה
  2. חצ'רו פי [[בית]] כנסת בית סמחה //תבו׳׳ת// אלשלושה דיינים והם אד׳ הנ׳ הג׳ שמואל יצ׳׳ו ואלמולי
  3. אלאגל יהודה הרופא יצ׳׳ו ואלמולי אלאגל מרי ורבי ישעיה תוריזי יצ׳׳ו ואכתר אל
  4. גמא׳ ברי׳׳ה תם אן חצ'ר בין איאדיהם שמואל אבן יחיה אלפירוזי ואשהד [[עליה]]
  5. עליה קדאם אלדיינים וקדאם אלגמא׳ בר׳ יה׳ אנה אסתגלק גמיע מא כאן לה
  6. ענד אכוה שקיקה ע׳אלעזיז ולם בקי יסתחק עליה ולא עלי זוגתה אלמתופיא
  7. נסב אבנת שלמה אל[[לבי]] אלטבאך לא פצה ולא דהב ולא פלוס ולא נחאס
  8. ולא קמאש ולא אתאת ולא נביד ולא פארג' ולא קרץ ולא מקארצ'ה ולא ארת
  9. מן גהת אבוה מטלקא //ולא שבועה בש׳ ית׳// ואנה פריק ואכיה פריק ואן כל פריק מנהם לם עאד
  10. יסתחק עלי אלפריק אלאכר לא שיא קל ולא גל בוגה אן יכון מטלקא מן מא
  11. מצ'י מן אלזמאן //אלי// יום תארי׳ וכל הדה חצל ברצ'א אתנינהם מן גיר אגבאר
  12. בשהאדת מן יצ'ע כטה פיה והכל שריר ובריר וקים
  13.  
  14. ופי //ותאני לילה תארי׳// חצר בין איאדי אד׳ הנ׳ הג׳ שמואל יצ׳׳ו ובין איאדי אלמולי אלאגל
  15. יהודה הרופא יצ׳׳ו ובעץ מן אלגמא׳ בר׳ יה׳ שמואל אבן יחיה פירוז ואשהד עליה
  16. אנה אסתגלק מן אסתר אבנת משה אללוי אלטבאך גמיע מא כאן לה
  17. ענדהא והם סבעה דהב גדד צלאטנה [[.ל.]] אלדי כאן כתבהם עליהא פי
  18. אלצאלחייא קבל תארי׳ בתמאמה וכמאלהם ולם עאד יסתחק לא עליהא
  19. ולא עלי [[זוגהא]] אכיה שקיקה ע׳אלכרים לא פצ'ה ולא דהב ולא פלוס ולא 
  20. ולא נחאס ולא קמאש ולא אתאת ולא קרץ' //ולא// מקארצ'א ולא צ'מאן ולא שיא
  21. קל ולא גל לא דל אלסבעה אלדהב ולא מן גירהם ולא מעאמלה 
  22. בוגה אן יכון מטלקא ואן שמואל אלמד' פריק ואסתר אלמד׳ [[פריק]] וע׳אלכרים
  23. אכוה פריק ואן כל פריק מנהם לם עאד יסתחק עלי אלפריק אלאכר לא
  24. ולא מסתחק ולא דעוא ולא טלב ולא ימין באללה מטלקא וכל הדה
  25. חצל ברצאהם מן גיר אגבאר וכאן דלך אלאשהאד פי מנזל אד׳ הנ׳ הג׳
  26. שמואל יצ׳׳ו בשהאדת מן יצע כטה פיה והכל שריר ובריר וקים 
  27.  
  28. ופי תארי׳ אשתרא יעיש הכהן א׳אלמד׳ ע׳אלכרים אלכהן אלמערוף
  29. באלמאורדי מן ע׳אלעזיז א׳ יחיה פירוז סבעה גלע ומאיה שואהנית
  30. נביד באתנין עשר דהב גדד צלאטנה ונצף קברצי ואתסלם יעיש
  31. אלגלע //ואלמאיה גרת// ואל נביד בתמאמהם וכמאלהם מן ע׳אלעזיז ואמא תמנהם 

Yevr.-Arab. I 328 verso

°
verso

Yevr.-Arab. I 328, folio 16v

  1. אנדרופיה למדה סנה ושהרין מן תאריכה תם יעיש אלמד׳ חלף
  2. בשבועה //גמורה// בש׳ ית׳ אנה אכר שהר תמוז //אלאתי// פי אלסנה אלאתיא יוצל  [[...]]
  3. [[יעיש אלמד׳ לע׳ אלעזיז אלמד׳]] הדה אלקדר //בתמאמה וכלאמה// אלמד׳ לע׳אלעזיז אלמד׳
  4. מן גיר חילה אן תכון מטלקא וכל הדה חצל ברצא אתנינהם מן גיר
  5. אגבאר בשהאדת מן יצע כטה פיה והכל שריר ובריר וקים