Scholarship on Legal document: Yevr.-Arab. I 328
Legal document Yevr.-Arab. I 328- Bibliographic citation
- Matthew Dudley's digital edition (2025), available online through the Princeton Geniza Project at https://geniza.princeton.edu/documents/41093/.
- Relation to document
- Digital Edition
Image
Transcription
Translation
Editor: Dudley, Matthew
Yevr.-Arab. I 328 verso
°
Matthew Dudley's digital edition (2025).
Yevr.-Arab. I 328, folio 15v
- למא כאן בתאר׳ נהאר אלגמעה עשרין שהר איר סנה ה׳ש׳כ׳ג׳ ליצירה חצ'ר
- פרג א׳ אללוי אבן אלאך עבד אלבאקי הלוי ואשהד עליה באן ענדה ופי דמתה
- אתנין ועשרין אשרפי דהב גדד צלאטה(!) לכאלה אברהם הלוי אבן אלמד׳
- דוד הלוי נ׳׳ע ודלך קרצא חסנא תפצילה עשרה דהב כאן אסתקרצ'הם
- קבל תאר׳ וכאנו מכתובין עליה בשטר בשהאדת [[.]] הזקן הנ׳ ע׳אלואחד
- אלכהן ובשהאדת וחצ'ור ואלדה ע׳אלבאקי הלוי ובחצ'ור [[אל מן יצ'ע כטה
- אלממ׳ אברהם אלתוריזי ודכל תלך אלשטר פי באטן הדה אלשטר
- ואלאתנין עשר אסתקרצ'הם אלאן תם אלתזם פרגא׳ אללוי אלמד׳ אע׳
- עלי אנה יכון חואליך כאלה אברהם הלוי אלמד׳ אע׳ ומסאעדה פי כל
- יחתאג אליה פי סבב אלתראב אלצאגה וג'ירה כמא כאן ענדה קבל תארי׳
- ואנה ינצ'ר לה ביראת הש׳ תם אשהד עליה פרגא׳ הלוי אלמד׳ אע׳ בשבו׳
- גמורה בש׳ ית׳ אן בטל וכרג מן ענד כאלה אברהם הלוי אלמד׳ אע׳
- או אן אסתגנא ענה אברהם ואכרגה מן ענדה [[ואת]] אן כאן יתסבב
- פי גיר אלתראב יקים בהם פרגא׳ אללוי אלמד׳ אע׳ לכאלה אברהם הלוי
- אלמד׳ אע׳ כל שהר אן ימצ'י מן וקת אן יכרג מן ענדה סתה ועשרין
- נצף אלי אן יופי הדה אלקדר אלמד׳ אע׳ ואן אראד אנה יתסבב פי
- אלתראב לם ימסכה בידה ולא יתסבב פיה דון אן יופי הדה אלמבלג אלדי
- כימייתה אתנין ועשרין אשרפי דהב צלאטנה אלמדכורין אע׳ ואן
- אראד יסאפר לם יסאפר מן מצר דון אן יופי הדה אלקדר אלמד׳ אע׳
- [[ואנה לם י.י]] תם אשהד עליה פרגא׳ הלוי אלמד׳ אע׳ עלי אנה [[מסתל]]
- מסתגלק אגרתה בכמאלה ותמאמהא מן כאלה אברהם מן מא מצ'י
- מן אלזמאן אלאֿכר שהר איר סנה תארי׳ וכל דלך חצל ברצ'א אתנינהם
- בשהאדת מן ישהד ויצ'ע כטה פיה והכל שריר ובריר וקים