Scholarship on Letter: CUL Or.1080 J172
Letter CUL Or.1080 J172- Bibliographic citation
- S. D. Goitein, index cards.
- Location in source
- Relation to document
- Discussion
- Bibliographic citation
- S. D. Goitein, unpublished editions.
- Relation to document
- Digital Edition
Image
Transcription
Translation
Editor: Goitein, S. D.
CUL Or.1080 J172 1r
S. D. Goitein, unpublished editions.
- לקי כי. .
- ואתה שלום וג
- שלום לך ל. וג
- כי השם יהיה וג
- סלאם אללה תע וברכאתה ואופא תחיאתה עלי אלמולא אל
- גליל אלמוופק אלסעיד כהר שלום סט אדאם אללה בקאה
- וחרסה ותולאה ומן חסן אלתופיק לא אכלאה ויגמע אל
- שמל בראיאה פי ירושלים בקרוב ואן מן פצל אלמכדום אן
- יכון נצרך עלי אלאולאד ולא תמכן צדקה אן יביע שי
- מן אלחואיג אלא יכלי אלגמיע לליתומים לאן באכאף
- אן יביע אלגמיע ויבקי אליתומים מפלסין מן שי
- אמהם ואיצא לא תמכנה אן יביע שי מן אלנחאס
- וחואיג אלברכה לאן אלגמיע לליתומים והדא חאגת
- אלממ ולא תקטע כתבך עני חתי אבקא אערף איש
- חאל אלאולאד ואן אלמכדו תבין עווץ אלממ ויכון
- נטרך עליהם חתי אבצר איש יכון עמלי ואן ואצל
- לרבקה שמלה חריר ולהארון קבע ועמאמה ויבעת
- אללה אן עלי אלפסח ארסל להם איש מא סכר אללה תע
- ואיש מא עמלת מעהם הו מע אללה ויא אסתר איש
- מא עמלתי מע רבקה והארון עמלתי מעי בעד אלסלאם
- עלי אלמכדו ועלי ולדך ר ישועה ועלי מוסי ועלי סארה ועלי
- ולדהא אללה יגעלה ולד אלחיאה ועלי ואלדתך ואלסלאם איצא
- עלי רחל בנת אכתי ושלומך יגדל ולעד לא יחדל בחפצך
- ובחפץ הפורש שלומך עבדך ו. . .א יהודה ושלום
CUL Or.1080 J172 1v
verso
- ואיצא מן פצלך כלף כאטרך פי אכד אלשטר אלדי
- מן גהת אלחכורה אלגזו אלדי ללמרחומה סמעת אנה
- ענד יוסף אכוהא כלצה מנה איש לה פיה חאגה כדה
- מנה וכליה ענדך ואיצא כדמן צדקה אלשטר אלדי
- מעה לאנה דכל עלייא אני אכתב אלכל באסם אל
- אולאד חתי כתבת לה שטר אן אלגמיע באסם הארון
- ורבקה כד מנה איצא וכליה ענדך ושלום
