Scholarship on Letter: CUL Or.1080 J113
Letter CUL Or.1080 J113- Bibliographic citation
- S. D. Goitein, index cards.
- Location in source
- Relation to document
- Discussion
- Bibliographic citation
- S. D. Goitein, unpublished editions.
- Relation to document
- Digital Edition
Image
Transcription
Translation
Editor: Goitein, S. D.
CUL Or.1080 J113 1r
S. D. Goitein, unpublished editions.
- יגמע אלשמל בה קריב גיר בעיד פי כיר ועאפיה
- אן קד וצל כתאבך מע אבן אלגלאגלי ושכרנא אללה תע
- עלי עאפיתך ופהמת מצמונה וקראה נגם אלדין ענדי
- פי אלגיזה וכתב לך אלגואב בכטה ווצל כתאב מע
- אבו אלחסן יתטמן (!) באנך צעיף פתאלמנא גאית אלאלם
- אנא ואלואלדה וקד אכלינא אלטבקה כמא דכרת ואמא
- טאווס ומסעודה פמא פעלו יסלמו עלינא אלסלאם
- ותצארבת אלעגוז ומסעודה וקאלת להא איש לך
- ענדי תטלבי מני מא לאחד ענדי שי ורחנא
- לאבו אלכיר אנא ואלחכים סאעה וצול אבו אלחסן
- באלכתאב ותטארבנא(!) מעה ומא כלינא מא עמלנא
- בה וקלנא לה האת אלגזל ונחנא נעמלה ברא
- מא פעל וקד גהזהא והו ביעמלהא ואמא קולך
- יאכי תקום תגי פאנת תעלם אנני פי הדא אלוקת
- משגול בחדית נגם אלדין חתי ינבת מעה אמר
- ואגתמעת יום אלארבעא(!) תאני יום וצול אלכתאב
- רחת לענד אמין אלדין אבן אלסבאך אשתרית מנה
- כמסה ניל ונאולתה כתאבך קראה ובסת ידה
- ותצרעת עליה ובכית פתאלם וקאל אגתמע בי
- וקת אכר והו טייב אלקלב ומשתהי לכלאצך וקד
- אועדני ואנא כל יום מתרקב אלגואב מן ענדה
- וכל יום אעדי לענדה לעל אללה תע יכון אלפרג
- עלי ידיה ויכון אלכתאב אלדי בעד הדא בכלאצך
CUL Or.1080 J113 1v
verso
- פמא ימכני יאכי אסאפר אנא חתי אכד כתאב
- בכלאצך וספרי הכדא מא לה וגה ומא אנא
- פי קיד ביע ולא שרי אלא חתי ינבת אמרך
- וחדית נגם אלדין אמא קולך תרוח ללשמס אבן אלמזוק
- ואלעלם מא ראח מן ענדי מן אלגיזה בעד וקופה
- עלי כתאבך אלא והו טייב פלעל לא נחתאג
- לאחד מנהם ואנת תעלם אן מא ענדה שפאעה
- אלא אלפצה ואלי אסעה מא אנבת לי מעה אמר
- ואן אחתגת פצה פסיר ערפני מע מן תתק
- אליה באמארה נעטיה וואלה יאכי פי קלבנא מנך
- אלנאר וטלבת אלואלדה ואכתך ואלחכים יגו לענדך
- פוצל אלינא שכץ אשקר פושע בעד כתאב אבו אלחסן
- ודכר לנא באנך כרגת אלטריק וטלבת תכתב לה
- כתאב וטוף עליך מא וגדך פטאב קלובנא כתיר
- וקאל לנא באן רגלך תוגעך פאסתכן רועהם
- ואהתדו ממא הם פיה וחדית אלמכלץ בטאל
- פתסיר כתאב מן ענדך באמארה לענדה ותנביה
- פיה ותערפה חדיתך ולו דפע איש מא כאן וחדית
- אלכתב אלדי סירתהם ללחאג מחמד ואלנגם וקף
- עליהם נגם אלדין ואכדהם אעטאהם להם ואלסלאם
- עליך ואלעגוז תסלם עליך ואלחכים יסלם עליך
- וכרימתך תסלם . . . . . . . . . . . . .
right margin, diagonal lines at 180 degrees to main text
ונסלם עלי | חכם ועלי אלשיך | הלאל אלסלאם | וכאנת חכם | כרגת ומא | ערפתני וקד | אזגונת אמהא | למא וצל | אלכתאב | וקאלת מא | לאחד ענדי | שי וגאהא |
אללבן אלראיב | אל. . . .
