Letter: T-S 13J19.9

Letter T-S 13J19.9

Metadata

Shelfmark
T-S 13J19.9
Primary Language
Judaeo-Arabic

What's in the PGP

  • Image
  • 2 Transcriptions

Description

Important business letter sent from Alexandria by Farah b. Ismail to his father in Fustat, containing details about delivering money, commodity prices, and ordering goods from Fustat. Dated November 12, 1050. (Information from M. Gil, Kingdom, Vol. 3, p. 670)

Tags

Additional metadata

Collection
Cambridge University Library, Taylor-Schechter
Historical shelfmarks
TS 13 J 19, f. 9; TS 13 J 19, fol. 9; TS Box 13 J 19, fol. 9; TS Box 13 J 19, f. 9
Input date
In PGP since 2017
Image
Transcription
Translation

T-S 13J19.9 1r

1r
Moshe Gil, In the Kingdom of Ishmael‎ (in Hebrew) (Tel Aviv: Tel Aviv University, 1997), vol. 3.

Recto

  1. וצל כתאבך יאואלדי אטאל אללה בקאך מתצ'מנא בסלאמתך פשכרת אללה עלי דלך מורך ז' בקין
  2. מן מרחשון עלי יד סרור אלפיג ומעה נסכה אכ'רי מא ארא אן אגאובך עליהא ואנא אגאובר
  3. עלי אלכתאב אל<ד>י קד אעלמתך תאריכה דכרת מע אנפדתה מע בן אלאסכנדר ומא אנפדתה מע
  4. בן אבי זבאלה מן אלעין ל'א' ומע בן אכתה אלנצף מסתנצריה ובן רגל אלמאידה כ'ה' וקד
  5. תקדמת כתבי מע אלפיוג ומע ג'יר אלפיוג אעלמתך בוצול גמיע מא דכרתה מן
  6. אלד'נ' ומן אלחואיג' וקד וצל כתבך עדה ארגו אן כתבך מני באלקרב בוצול בן אלקמחה
  7. מע אלשיך אבי יעקוב מעה צרה פיהא ס' דינ' ג'יאד ג'יאד(!) ארגו אן תקבץ גמיעהם קבל אן
  8. תסאפר ולא תשתרי שיי אכתר ממא קד אשתריתה ק' סכר וק' סקט ותצל אליך מע סלאמה
  9. אללה ק' דינ' וכסר ביד בן אלקמחה ז' וביד אבי יעקוב ס' תשתרי מנהא כ' קנטאר רצאץ
  10.  ס' דינ' ה' גרר צאבון ל' וקנטאר זיבק י'ח' די'נ' אביע ענדנא אליום כ' נצף לא יכון
  11.  בד מן שרא הדה אלחואיג בהדה אלד'נ' אן שא אללה וכתבך מני באלקרב בשראהא ולא תחואנא
  12.  פיהא פהי תטיר כמא קד טארת הנא גמיע בצ'איע אלמגארבה כלהא מא תלחק הנא אלזית
  13.  דינ' וקירטין אלקלה אלצאבון ז' אלרצאץ ה'(?) אלחדיד ה' אלקזדיר אלמחאר כ' גרוי אלשמע
  14.  כ' די'נ' אלקנטאר גרוי אלג'זל אלדהב יסוא ג' //מתאקיל// בדי'נ' ואחד אלנחאס כ'ה' אלכז מא יג'ד ג'יר
  15.  אן סערה פי מצר גייד וצל כתאב עיאש ידכר אנה באע ו' שקאק גירי י'ג' די'נ' אעלמתך
  16.  אן שדת גמיע אלמתאע רזמה ואן אלדי אשתרא עמי ק'ע' שקה י'ו' פוטה זרק ק'יב'
  17.  רטל קזידיר(!) ע'ה' רטל שמע ואלכל באקי פי אלמכון ומא אחרך שיי וכדלך אלדהב
  18.  מא אחרכה אעלמתך אן אלחרירין קבצ'ת מנהם דכרת קבצ'ך לי שקאק מע אלרדאין ואל
  19.  פוטה תעטי ללשיוך אלרדאין לא ג'יר ותאכד אנת לי שקאק תביעהא ואלפוטה
  20.  תבקיהא או תביעהא הי לנא כיף מא ארדת ולא תאכ'ד כלאמי אלא בקבול ואעמל
  21.  מנה מא תרא אנת צואב דכרת לך [         ]עי מא יתכלץ מנה קד כתבת אנא לך עלי לסאנה
  22.  כתאב מע מחמד אלפיג' אלטיאר לי אנא מעה כתאבין וקד כתב עמי אלי אלכהן סאלה
  23.  אן ידפע אליך כ' די'נ' וקירט בעד אן תסלם אליה אלתכ'ות אלקזדין אעלמתך דלך [         ]ך
  24.  עליה אד לם ידפע אליך שיי תאכד מנה כ' וקיר' וענדן דינרין ונצף תכון כ'ב' י'ג' ותמן
  25.  אלקזדיר קאל מא ידפעה לך אלא אן יצל אליה כתאבך תקול לה מא אכד לי מן תמנה
  26.  חתי יציב בה ענד סלימאן חגה לאנה קאל הדא אלנצף קנטאר קזדיר צח פיה י'ג' דנ'
  27.  עלי סלימאן מנה סלפה אבי אלמנצור קריב אלב' ויבקא לה ענדי י' ד'נ' וכסר והי
  28.  בקדר אלנפקה אלדי ננפק עלי אלשיך' ימצ'א רח' פתאכד מן אלכהן כ' די'נ' וקיר
  29.  ותופי ען סלימאן מא כאן עליה ולא תבקי לך ענד אחד במצר חבה ואחדה ותעזל
  30.  כל מא תשתריה פי אלמכון ותנחדר אן שא אללה אללה יגעלך פי חיז אלסלאמה ומא
  31.  כאן מן כלאמי פי חדית תאסומה ושמשך' מא לי חאגה באלגמיע אן סהל עליך אשתרי לי
  32.  עמאמתין סקליה ואבקיהם לי במצר יכון תמנהם ח' ד'נ' מא יכסר פיהם שיי אלא
  33.                                                                                מא ירבח

Recto, right margin

  1. מע תוב נוסט בה
  2. אן סהל עליך דלך
  3. ואן לם ואלא פי
  4. אוסע עדר
  5. ולא תצ'יק צדרך
  6. פמא תסוא אל
  7. דניא הרא
  8. מע מא אני
  9. אעדרך וארגו
  10.  אן אלתסתיג יצל
  11.  ואקבצה אן שא אללה
  12.  אעלמך אן קד
  13.  קבצת אלחואיג
  14.  מן בן רגל אל
  15.  מאירה מע
  16.  אלד'נ' ואלדי
  17.  קבצתה אלכריטה
  18.  אלגוזה צח עדדהא
  19.  ווזנהא אלגלאפין
  20.  וגמיע
  1. וצלני כתאבך יא ואלדי אטאל אללה בקאך מתצמנא בסלאמתך פשכרת אללה עלי דלך מורך ז בקין
  2. מן מרחשואן עלי יד סרור אלפיג ומעה נסכה אכרי מא ארא אן אגאובך עליהא ואנא אגאובך
  3. עלי אלכתאב אלדי קד אעלמתך תאריכה דכרת מא אנפדתה מע בן אלאסכנדר ומא אנפדתה מע
  4. בן אבי זבג מן אלעין לא ומע בן אכתה אלנצף מסתנצריה ובן רגל אלמאידה נה וקד
  5. תקדמת כתבי מע אלפיוג ומע גיר אלפיוג אעלמתך בוצול גמיע מא דכרתה מן
  6. אלדנ ומן אלחואיג וקד וצלת כתבך עדה ארגו אן כתבך מני באלקרב בוצול בן אלקמחה
  7. מע אלשיך אבי יעקוב מעה צרה פיהא ס דינ גיאד גיאד ארגו אן תקבץ גמיעהם קבל אן
  8. תסאפר ולא תשתרי שיי אכתר ממא קד אשתריתה ק סכר וק סקט ותצל אליך מע סלאמה
  9. אללה ק דינ וכסר ביד בן אלקמחה נ וביד אבי יעקוב ס תשתרי מנהא כ קנטאר רצאץ
  10. ס דינ ה גרב צאבון ל וקנטאר זיבק יח דינ אביע ענדנא אליום כ נצף לא יכון
  11. בד מן שרא הדה אלחואיג בהדה אלדנ אן שא אללה וכתבך מני באלקרב בשראהא ולא תמאדא
  12. פיהא פהי תטיר כמא קד טארת הנא גמיע בצאיע אלמגארבה כלהא מא תלחק הנא אלזית
  13. דינ וקירטין אלקלה אלצאבון ו אלרצאץ ד אלחדיד ה אלקזדיר אלמחאר כ גרוי אלשמע
  14. כ דינ אלקנטאר גרוי אלגזל אלדהב יסוא ג בדינ //מתאקיל// ואחד אלנחאס כה אלכז מא יגד גיר
  15. אן סערה פי מצר גייד וצל כתאב עיאש ידכר אנה באע ו שקאק גירי יג דינ אעלמתך
  16. אן שדת גמיע אלמתאע רזמה ואן אלדי אשתרא עמי קע שקה יו פוטה זרק קיב
  17. רטל קזדיר עה רטל שמע ואלכל באקי פי אלמכזן ומא אחרך שיי וכדלך אלדהב
  18. מא אחרכה אעלמתך אן אלחרירין קבצת מנהם דכרת קבצך לי שקאק מע אלרדאין ואל
  19. פוטה תעטי ללשיוך אלרדאין לא גיר ותאכד אנת אלי שקאק תביעהא ואלפוטה
  20. תבקיהא או תביעהא הי לנא כיף מא ארדת ולא תאכד כלאמי אלא בקבול ואעמל
  21. מנה מא תרא אנת צואב דכרת אן עמי מא יתכלץ מנה קד כתבת אנא לך עלי לסאנה
  22. כתאב מע מחמד אלפיג אלטיאר לי אנא מעה כתאבין וקד כתב עמי אלי אלכהן סאלה
  23. אן ידפע אליך כ דינ בקירט בעד אן תסלם אליה אלתפאת אלקזדיר אעלמתך דלך לך
  24. עליה אד לם ידפע אליך שיי תאכד מנה כ וקיר וענדך דינרין ונצף תכון כב יג ותמ
  25. אלקזדיר קאל מא ידפעה לך אלא אן יצל אליה כתאבך תקול לה מא אכד לי מן תמנה
  26. חתי יציב בה ענד סלימאן חגה לאנה קאל הדא אלנצף קנטאר קזדיר צח פיה יג דנ
  27. עלי סלימאן מנה סלפה אבי אלמנצור קריב אלב ויבקא לה ענדי י דנ וכסר והי
  28. בקדר אלנפקה אלדי ננפק עלי אלשיך ימצא רח פתאכד מן אלכהן כ דינ וקיר
  29. ותופי ען סלימאן מא כאן עליה ולא תבקי לך ענד אחד במצר חבה ואחדה ותצל
  30. כל מא תשתריה פי אלמכזן ותנחדר אן שא אללה אללה יגעלך פי חיז אלסלאמה ומא
  31. כאן מן כלאמי פי חדית תאסומה ושמשך מא לי חאגה באלגמיע אן סהל עליך אשתרי
  32. עמאמתין סקליה ואבקיהם לי במצר יכון תמנהם ח דנ מא יכסר פיהם שיי אלא מא ירבח
  33. מא ירבח

Right margin, diagonal lines written upside down.

מע תוב ללספרה | אן סהל עליך דלך | ואן לם ואלא פי | אוסע עד ד | ולא תציק צדרך | פמא תסוא אל | דניא הדא | עהא אני | אעדרך וארגו | אן אלתסתיג יצל | ואקבצה אן שא אללה | אעלמך אן קד | קבצת אלחואיג | מן בן רגל אל | מאידה מע | אלדנ ואלדי | קבצתה אלכריטה | אלגוזה צח עדדהא | ווזנהא אלגלאפה | וגמיע

T-S 13J19.9 1v

1v

Verso, upside down

  1. מא דכרתה וצל סאלם בחמד אללה ותפצ'לה פלא תשגל קלבך לעל כ' די'נ'
  2. ד'ר' ל די'נ' שאמיה אלצרף ל' הנא וכתבת ליומין כלון מן כסליו ע/ר/פנא אללה
  3. ואיאך ברכתה וגעלך פיה מן אלסאלמין וגמע ביננא ובינך אנה עלי מא ישא קדירא

Verso

  1. ואלדי אלעזיז עלי אבי אברהים אסמעיל בן פרח           מן ולדה פרח בן אסמעיל בן פרח נ'[נ']
  2. אטאל אללה בקאה ואדאם תאיידה וסעאדתה                        ליומין כלון מן כס'ל'י'ו'

Verso.

  1. מא דכרתה וצל סאלם בחמד אללה ותפצלה פלא תשגל קלבך לעל כ דינ
  2. דר ל דינ שאמיה אלצרף ל הנא וכתבת ליומין כלון מן כסליו ע/ר/פנא אללה
  3. ואיאך ברכתה וגעלך פיה מן אלסלאמין וגמע ביננא ובינך אנה עלי מא ישא קדירא

Arabic:

לואלדי אבי אבראהים אסמעיל בן פרח אל.א.י מן ולדה פרח בן

אסמעיל בן פרח //. . . . . . .//. . . . . . . . . . . . . . . . .

Bottom margin, parallel lines written upside down. Address.

ואלדי אלעזיז עלי אבי אברהים אסמעיל בן פרח מן ולדה פרח בן אסמעיל בן פרח נע

נע

אטאל אללה בקאה ואדאם תאיידה וסעאדתה ליומין כלון מן כסליו

Image Permissions Statement
  • T-S 13J19.9: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
Cambridge University Library, Taylor-Schechter, T-S 13J19.9. Available online through the Princeton Geniza Project at https://geniza.princeton.edu/documents/3305/, accessed November 23, 2024.
https://geniza.princeton.edu/documents/3305/