Scholarship on Letter: T-S 13J19.12

Letter T-S 13J19.12
  1. Bibliographic citation
    S. D. Goitein, index cards.
    Location in source
    Relation to document
    • Discussion
  2. Bibliographic citation
    S. D. Goitein, unpublished editions.
    Location in source
    Relation to document
    • Digital Edition
    • Edition
Image
Transcription
Translation

T-S 13J19.12 1r

1r
S. D. Goitein, unpublished editions.
  1. בשמ רחמ
  2. קד עלם אלכאלק סבחאנה ותעאלי מא עלי קלבי מן
  3. אלשוק ואלוחשה אלי חצרה מולאי וסיידי ומן אנא
  4. עבדהא וצניעתהא ומעתרף בפצלהא ואן
  5. אלנום מא ביכדני כראמה ללשו. וטלבת אן
  6. אטלע כל סאעה ויום אקול אני אסאפר פיגיני
  7. מן אלאשיאה ממא תעיקני ואלאן קד אחוגתני
  8. אלצרורה לתאכיר אלטלוע בעד אן וצלת אלי מניה
  9. זפתא וקד //[[אוצל]] אוצלת// ללכהן עמרם הכהן הזקן מאיה
  10. ותלתה ועשרין דרהמא ורק עזלה ולקד כנת
  11. אמל אני אטלע חתי אגתמע בהא פי עדה
  12. אסבאב ואלאן פקד דכל אבו אלפצל ודכל
  13. בן אלואצטי אלכהן מבארך והו מא סלמת עליה
  14. ולא כלמתה ולא פעל יגי כניסה מן יום אן
  15. וצל אלי דמירה לאנה כאן יחצר פי אלכניסה
  16. יתחדת וילוצץ במן יצלי או מן ידכר אלכאלק
  17. סבח ותעאלי וקד כנת נפדת לחצרתך כתב
  18. עדה אלאול אלכתאב אלדי כתבתה ללרייס ואל
  19. כתאב אלדי קלת לחצרתך מן גהתה אן אל

Right margin, perpendicular line.

  1. גמאעה קד כתבוה ופיה כטוטהם ומא וצלני מן ענד חצרתך

T-S 13J19.12 1v

1v

Verso.

  1. גואב פאחב מן תפצלך אן //איאך// יקול אלרייס אן פלא
  2. יקול לאבו אלפצל ויוקפה עלי אלכתאב //ירגע// . . . .
  3. יתגדד לנא צראע מא לנא חאגה אליה פי אלכתאב
  4. ורבמא יתכלם הו ובן אלואצטי פאגעל ענדך
  5. מן דלך //אמר// ורבמא יקולו קד אחרם אחד אלאסכנדרי
  6. או גיר דלך יכלקו דנב והו מן גהת אלדי תעדא יום
  7. אלענצרה ורפע אנסאן לדיני גוים וקד תקדם דלך
  8. בפעל בן אמראת אלואצטי רביבה פי חג הסוכות
  9. פאללה אללה מא אחתאג אוציך פי אקאמה אלחגה פי דלך
  10. וקד אכדת כט שאהד במחצר במא פעלוה אלאתנין
  11. ואנא באכד כט שאהד אן אכר ואטלע בעד אלצום
  12. אן שא אללה ואתפצל אן אלדראהם ואסתנקדהא קד
  13. ערפתך דלך וקד נפדת לחצרתך רבע ויבה כראויה
  14. צחבה אלכהן אלמדכור ואללה אללה אן כאן קד וקע לחצרתה
  15. אלבלין אנפדה או אלתוב אלצוף וכץ נפסך וולדך באלסלאם
  16. ואלואלדה ואלשיך אבו אלפרג באתם אלסלאם וסאיר מן תחוט
  17. ענאיתך אלסלאם ושמריה אלסעה אנפד לה בקיה דראהמה
  18. ערפתך דלך ושלומך ירבה לעד אמן נצח סלה

Bottom margin, parallel lines written in same direction. Address.

  1. יצל אלי חצרה מרי ורבי תקוה הזקן בר כגק מר [שאכ]רהא
  2. ור ישועה הזקן החזאן בעו .ו. .[. .] אבו אלעלי
  3. אלכהן
Image Permissions Statement
  • T-S 13J19.12: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.