Letter: T-S 10J16.3
Letter T-S 10J16.3What's in the PGP
- Image
- 1 Transcription
Description
Letter. Postscript to a letter addressed to the Nasi Shelomo by the scion of the house of David in Mosul who also wrote Bodl. MS Heb. a 3/24. Mentions that he acquired for his son a permit to practice a profession and travel to Bilbays in Egypt. (Information from Goitein's index cards.) The writer mentions that he intended to travel that week, but his son fell ill; he also mentions that the rayyis is ill and cannot read or write letters, but that the sons of Rabbenu Menaḥem have been helping. Circa 1236 based on Bodl. MS Heb. a 3/24.
Tags
Image
Transcription
Translation
Editor: Goitein, S. D.
T-S 10J16.3 1r
S. D. Goitein, unpublished editions.
- פצל
- . . ל . דאם טלה אנה למא לם יחצל לולדנא שיא אצלא מן אליהוד
- . . לא מתל הדא אלצבי אלעגמי ולא מתל גירה מן אקל אלעניים
- אלוארדין אלי הדא אלבלד ותחקקת אנני טלמתה אשאר מן אשאר
- מן אעיאן אלגויים ממן ערפה וערפנא וכדלך אלרייס אלנגיד יג יקר
- אן נאכד לה תזכיה קלנא נסליה בהא פש . ענא פי דלך ואנגח
- אללה תע אלטלב פלמא תכמלת בקי פיהא אלי כיר קלנא כלצנא
- נסאפר פי הדא אלאסבוע חצל לולדנא אלמרץ אלמדכור ומע
- דאך וצלת כתב מן אלנשיא חסדאי אלשמס יר הו מן דמשק
- כתאב אלי אלרייס שצ וכתב אלי גירה וכתאב אליי מצמונה
- חדית תשעת אלדאר וחדית דאר באב אלאדאן ובאקיה גמיעה
- פי חדית בן אלמהדג וידכר אנה אחרמה בדמשק ויטלב מני
- אנני אחרמה אנא ואלרייס שצ וחדית בן גרשום לא [ . . . . ] בט . .
- ומא שנע פי ארץ ישראל בדלך אלהדיאן ויקול תאכד . .
- אלנגיד יג יקר אן מא דכרה ענה גיר חק ומן הדא אלגרץ כתיר
- כתיר ופי אלכתאב פצל אלי מגלסך יתצמן אלשוק אליך
- ואלתאלם למא גרי עליך ומא שאכל דלך ויקול אן לם יכן פלאן
- יעני אנא פי אלבלאד . מיוק אלכתאב פצאדף וצול אלכתב
- ואלמולי אלרייס שצ מריץ מא קדר יקף עלי אלכתאב ואולאד
- רבנו מנחם זצל אנעמו וקאלו נחן נסאעד עלי סמאת אלמדכור
- ומא אקצרו מלך הכבוד יוסיף כבוד על כבודם וחכמה על
- חכמתם פאנהם הוסיפו על השמועה הדא כאן סבב תאכר
T-S 10J16.3 1v
Verso.
- ען בלביס הדא אלאסבוע ושגל מא בקי לי לא ארגוה ולא אתוקעה
- סוי חדית בן אלמהדג נחרמה פי הדא אלאסבוע ונאכד כט אלרייס
- אן כתב וגדא פי עזמי אמצי אליה פי אלמא אן שא אללה תע
- ומא יחתמל הדא אלגרץ תאכיר אכתר מן הדא אלאסבוע מע
- אלעאפיה ונחן אן שא אללה תע שבת וירא אליו נכון פי בלביס קולא
- ואחדא מחררא בעזרת הבורא ולא אקדיר עלי אמר אללה תע
- וקד סיירת עטף הדא אלכתאב וריקה(!) בכט אלמולי אלנשיא אלשמס יר הו
- כאנת פי וסט כתאבה אליי ליקף אלמולי עליהא ויבתדל מנהא עלי עטם
- תאכירה פי הדא אלגרץ פאן להם אלמולי יקעד ינתטרנא לנצל בעד
- אלסבת ונגתמע ונודע בעצנא ונתהנא באלאחאדית בלא עגלה
- פאלאמר אליה ואן אשתהי ידכל אלבלד ארץ מצרים לפניך
- מא נתמכן מן סרעה אלעגלה נתהנא בעצנא בבעץ אן . . . . .
- חצל לי מן אלראחה בעואק אלמולי בבלביס חתי יקול תלך אלאקאויל
- לכן מע אלאגתמאע יתבת ענדה אלאעדאר פאמא ילום ואמא יעדר
- ולא יסאל אלמולי מא גרי עלינא מן סו אדב הדא אלמלעון אלעגמי וא . . .
- פלען אללה מן ערף ביננא ובינה וכאן אלסת ויבאת ודיעה פי רחלנא
- פי אלשאתיה אלכיזראן אלמגלדה אלמגלדה בגלד ורד ענד אלמולי
- אלסייד אלגליל אלעאלם רבנא פרחיה הדיין שצ וקד כתבנא
- אליה ליחצרהא בין ידיך ויפתח אלמולי אלכתב בחצור אלדיין ועדים
- וידפעון ללעגמי תיאבה ויעוד אלמולי ישדהא בשדה אלמעלום
- ויסלמהא לי אלמולי אלדיאן שצ לתכון ענדה אלי חין וצולנא אן שא
- אללה תע ויקנא מן הדא אלעגמי אלמדכור ויכתב עליה שטר
- אן לא יבק לה ענדא לא ענדי ולא ענד ולדנא שי משוה פרוט ולעילא
