Legal document: Yevr.-Arab. II 1630
Legal document Yevr.-Arab. II 1630What's in the PGP
- 1 Transcription
Description
Karaite marriage agreement between Hananya b. Ya'aqov Halevi and Esther known as 'Aziza d. Eliyyahu b. Sa'adya. Date: 2 Nisan 5576 AM (1816 CE). As is customary in the formulae of Karaite marital documents, 'Aziza is first listed as Esther, but the former should be read as her given name. The dowry is 22,000 fiḍḍa. The bride and groom agree to a variety of conditions for the marriage: respect for spousal authority, conditions against physical violence by the husband, oaths that run counter to religious law, and the husband also agree he will not insult her relatives (both those who are alive and dead). MCD.
Tags
Image
Transcription
Translation
Editor: Dudley, Matthew
Yevr.-Arab. II 1630 recto
Matthew Dudley, [digital geniza document edition].
- סבב תסטיר האדי אלאחרוף במוגב תחרירהא והוא אנהו אקר ואשהד ואעתרף
- עלי נפשהי הב׳ הי׳ הנ׳ הר׳׳י אליאו חנניה החתן הלוי ס׳׳ט בן כ׳ג׳ק׳ אחי׳ ואה׳ רבי
- יעקב הלוי יר׳׳ו ס׳׳ט בן כ׳ג׳ק׳ רבי שלמה הלוי נ׳׳ע והוא בחאל אלאצחה ואלסלאמה
- ואלאטעה ואלאכתיאר בגיר תגצב ולא אקהאר בסמאחת נפש וטיבת קלב ואנשראח
- צדר והוא בכאמל אלאוצאף אלמעתברה שרעא קאריין אמת והוא אנהו אלחתן אלמדכור
- אעלה ימאשי זוגתהו הנ׳ הי׳ הנ׳ הי׳ המ׳ אמה אלקאדר אסתר הקרואה עזיזה הבתולה
- בת כ׳ג׳ק׳ אחי׳ ואה׳ רבי אליאו יר׳׳ו ס׳׳ט בכ׳׳ר סעדיה נ׳׳ע והוא בעד אכתנאה בהי בכוף אתג׳׳ב(?)
- מתל בנת ישראל הכשרים מע בעלהן ולא יטלקהא ולא יחרמהא אלא בעדות דכר(?) ובעדים
- נחמנים כדין וכשורה תם אן //אלכלה// אלמדכורה אעלה תכון קיאמה בואגב אלחתן אלמדכור אעלה
- מן אכתראם ואחתשאם ואחתראם יקול אלאמר ואלנה.י(?) באלוגה אלשרעי ואלגמור ואלשרעיה
- ולא תחלפהו ימין עבת ולא תכרג ולא תעבר אלא באדנהו ולא תוקף עלי באב אלא בגטא
- ולא תקל אדבהא עלי אהל בעלהא מתל נסא ישראל אלעפיפאת מע אזוגהון תם אן אלחתן
- אלמדכור אעלה לם יצ'רב אלכלה אלמדכורה אעלה פי וקת כנאק ולם ישתם אהלהא
- אלטייבין ולא אלאמואת ולא יחלף עליהא שבוע כנגד הדין ואן אתעדו וכלף
- האדי אלשרוט אלמשרוחה אעלה וטלק או חרם בגיר עדות דבר בר מינן י׳׳ב
- עליה להא תמנית אלף נצף פצ'ה חסב אלתואפק ואלתראצי בינהם קודאם אלחכם
- ואלקהל ברוכים יהיו ואכדו אלקנינים על התנאים האלו וקבץ' אבו אלכלה אלמדכורה
- אלמהר באלתמם ואלכמאל אתנין ועשרין אלף פצ'ה חסב אעתראף כל מנהם בדלאל אעתרף
- וגאזו עליהם אלשוהאד אלשרעי אלכיינה אלשרעיה נאפיין ללגאה לא שרעא פא(!) מ[צ]רים
- יע׳׳א בחצ'רת אלחאצרין ובשהאדת אלשאהדין ואלוצ'עין אדנהם ען כטהם פיה תחריר
- דאלך יום אלכמיס תאני יום פי שהר תשרי המכובד שנת כמסת אלף וכמס מאיה
- וסתת ושבעין ליצירה אלמואפק לשהר אלערבי אלקעדה שנת אלף ומיתין
- ותלתין הכל שריר ובריר מוחזק וקיים