Scholarship on Legal document: Yevr.-Arab. II 1598

1. סבב תצטיר הדה אלאחרף ובמוגב תחריר באן 
2. אלחאג אבראהים אבן אלחאג סיד אחמאד אלגוהרי
3. ואלמעלם יעקב אבן אלמעלם שמואל ואלמעלם
4. שמואל אבן אלמעלם יעקוב ואלמעלם אליאו אבן
5. אלמעלם יוסף ואלמעלם אבראהים ולד אלמעלם יאודא
6. אנהם שרכה מעבעצ[ה]ם(!) דולאב' ואחד פי צנאעה
7. אלשים ואלאן אתחאסבו מע בעצהם פאתקלק מנהם
8. אלמעלם שלום אבן אלמעלם יעקוב פאקר ואשהד
9. עלי נפסהי שהודא שרעיא מן גיר תגצב אנהו תברע
10. ונזל ען אלשגל פי צנאעה אלשים וען אלאעתני בהא
11. במוגב כמסה וארבעין נצף פצה יאכדהא מנהם כל //גיאעה(?)//
12. ולא יערף לא כצארה ולא מכסב ואן טלע ואשתגל
13. פי צנאעה אלשים יכון גמיע אלגמאעו אלא אכדהא מנהום
14. ירגעו פיהא יאכדוהא מנו ואן אתפרקו ען בעצהם
15. יכון מעו אלאגאזה ישתגל אן אראד ותכון אלכמסה
16. וארבעין בטלי ליס להם פיהא מטלבה ודלך בחצרה
17. שהודהי אלמעלם מוסי אבן אלמעלם פרגא׳ 
18. וכל מן גייר או כלף ען הדא אלשרוטאת יכון עליה מנהם
19. קנטאר זית ללוקף ללאזהר או ללכניס כל אחדא מנהם
20. לוקפה עלי חסבה ואסתרצו גמיעהם עלי דלך וקריו
21. כל חי פאתחתה ודלך בחצרה ובאעתראף שהודהם
22. אלמעלם מוסא אבן מעלם פרגא׳ ואלמעלם נסים
23. רבא[ח] אבן אלמעלם אלמצפי בקאעת אלפצה
24. וכאן דלך יום אלארבע ט׳׳ו יום שהר כסלו ש׳ הת׳ק׳כ׳ג׳

Verso

1. אשהד עלי נפסהי ואקר אל מעלם שלום ולד אלמעלם
2. יעקב אלמתופי באנהו תברע ונזל ען שגל
3. וען אתעטה פי שי מן צנאעה אל שים ואנה לם
4. עאד ישתגל פי אבדא ואנהו לם יעתני בהא
5. וליס להו עלי רפקאת פי אלצנעה והום אלחאג
6. אבראהים ואלמעלם שמואל ואבוה יעקב ואלמעלם
7. אליאו ואלמעלם אברהם ולד אל מעלם יאודא
8. אלא כמסה וארבעין נצף יאכדהא מנהם טול
9. מא הם שרך מע בעצהם ואן אפתרקו יכון
10. כל מן אשתגל מנהם ישתגל ולם עליהם
11. שי מן אלכמסה וארבעין ויכון מעו אלאגאזה 
12. באל שגל אן אראד אזא אתפרקו ואן אשתגל
13. והום מתפקין או דור שגל אל שגעה יחאסבוה
14. עלי אכדו יאכדוה מנו ומן גדר מנהם יכון
15. עליה קנטאר זית ללוקף וכאן דלך בחצרה
16. שהודהי נסים רבאח משה מלמד תאריך
17. דלך יום אל ארבע