Scholarship on Letter: ENA 1822a.53
Letter ENA 1822a.53- Bibliographic citation
- S. D. Goitein, index cards.
- Location in source
- Relation to document
- Discussion
- Bibliographic citation
- S. D. Goitein, unpublished editions.
- Relation to document
- Digital Edition
Image
Transcription
Translation
Editor: Goitein, S. D.
ENA 1822a.53 1
S. D. Goitein, unpublished editions.
Recto:
- כתאבי אטאל אללה בקאכם ואד/א/ם עזכם
- ונעמאכם גמע אללה ביננא עלי אסר
- חאל במנה וכרמה אנה אלקאדר עלי דלך
- ואמא גיר דא פאני עלי גמלה אלסלאמה
- ואלעאפיה מן פצל אללה תעאלי ואמא גיר דא
- פאן וצלנא מן ענדכם אלכריטה ופיהא
- אלמרתך ואלדאר פלפל ואלא[שיא?]ף ואלורק
- ואלפתוי ואלארהאט פלא עדמת פצלכם
- ואמא גיר דא פכנת קד בעתת לכם
- פי דאך אלכתאב אקול לכם אן תקולו
- ללכבירה אן כאן יעגבה לא מקטע מקפל
- טול יג דראע בעשרה דראהם פתבעת
- תעלמני אכדוה להא מן ענד אבו אליוסר
- ולם יגיני מנכם גואב פי דא ואמא גיר
- דא פמא גאני מנכם גואב סוא פי טרף
- ורקה כלאס אלא א/ע/גבני ואכי יקול
- פיהא לא תכון לא ארען ולא אחמ[ק]
- ומא באדרי איש עמלת וקד אשתגל
- קלבי מן שאן דא כתיר ליס קליל
- פבחק אללה עליכם אבעתו אעלמוני
- אנכתם סמעתם עני שי אוגב הדה
- אלחאלה יטיב עישי ואמא גיר דא
- פקד אבעתת לכם מע חאמל הדה
- אלרקעה אלכראסה אלדי פיהא יוצראת
- ראש שנה ואמא אלמזמור מתאע ראש
- שנה פלא [[תכ]] תרסלוה לי פאני וגדה
- ענדי ושלום ואן כאן אבו אלכיר וצל
- ערפוני וכאן אכי קד קאל לי אנה
- יכרוג לי לילה אלגמעה ומא כרג
- וקד אשגל קלבי ושלום כצו אנפוסכם
- עני באתם אלסלאם וכצו עמי עמראן
- וביאן עני [[בעת]] באתם אלסלאם ושלום
Right margin, straight lines at 90 degrees to main text:
- פאן כאנת תריד אלמקטע פתבעת תקול לי אבעתה להא ואן כאנת מא תרידה
- פתבעת תקול לי אכלי אלצבי יביעה ושלום
ENA 1822a.53 2
Verso (address in Arabic, in the midst of Psalm 98):
- يصل الى مصر يسلم الى الشيخ الحزان الشيح ابو
- ابو سهل من عند ولده لا عدم بقاه
