Scholarship on Letter: CUL Or.1080 J102

Recto:

1. ] . מ . . ואנני מא ארצאני סערה לאנני מא אנפדת דלך אלשוי אלא
2. ללאמיר שבל אלדולה כתב אללה סלאמתה ועלי אנה הו אלדי יתולא
3. לי אלאבתיאע כמא פעל לי פי אלעאם אלמאצי ואסתגאדה(?) אלצנף(?) תם
4. קלת לה קולא מענאה אנה לא כלאם פי מא פאת ואלתמסת
5. מנה אלגודה ותקדים אלחמל וכתבת במתל דלך //איצא// למולאי אלאמיר
6. אלאגל נאהץ אלדולה חרס אללה עזה . . לתה עטף כתאבי אליה
7. פערפני מולאי אלפאר אדאם אללה עזה אן כתאבה חרס אללה מדתה
8. וצלה באן אלפלאח אלדי רחלי ענדה טמע פיה פעגבת מן קסמי פי
9. הדא אלזמאן כיף לא יטמע אלא פי רחלי אן כאן פי אלכשב אלדי וצל מעה
10. פי אלעאם אלמאצי ברסמי טמע פיה מן טמע וקאל אנה לה ומא [[אסתכלץ]]
11. אסתכלצת תמנה מנה אלא בעד תעב שדיד ואלאן וקע אלטמע פי
12. דנאניר אצרפת לי פי קות ומא אדרי מא אקול פי דלך ואלאמר

Recto, right margin:

1. ללה תעאלי וקד כתבת
2. ללמולי אלמדכור פי דלך במא
3. פיה כפאיה וגמלה אלאמר אנני
4. ]כד לי קמח רדי . . [

Verso:

1. אולא לינתצף בעצהם מן בעץ תם בעד דלך יתולא
2. אלכלאם ענהם בחצרה אלולאיה חרס אללה עזהא וינוב
3. עני פי דלך ויחמל אלהם פיה ען קלבי פקד כללת(?)
4. מן אלכלאם פי נובתהם ואללה תעאלי יצלח אחואלנא אגמעין
5. ברחמתה      וכתאבה פלא יכליני מנה מצמנא דכר אכבארה
6. ואחואלה לאסכן אלי מערפתהא וולדה אחיאה אללה עלי גמלה
7. אלסלאמה ואלעאפיה אעלמתה דלך ושלומו יגדל סלה