Scholarship on Letter: T-S 8J15.18
Letter T-S 8J15.18- Bibliographic citation
- S. D. Goitein, index cards.
- Location in source
- Relation to document
- Discussion
- Bibliographic citation
- S. D. Goitein, unpublished editions.
- Relation to document
- Digital Edition
Image
Transcription
Translation
Editor: Goitein, S. D.
T-S 8J15.18 1r
S. D. Goitein, unpublished editions.
- ]לולד מ חרסה אללה
- כתאבי אליך יא ולדי אטאל אללה בקאך ואדאם
- סלאמתך ועאפיתך מן אלקדס מסתהל שבט
- ען שוק שדיד וען צעובה אחואל ואלחמד ללה
- עלי כל חאל. ומא אחסן אצף לך יא ולדי מא אנא
- עליה מן אלאחואל אלצעבה ואן מן וקת תופי לי אל
- צבי אנא מטרוח עלי אלפראש ואני ני[ כל] אלוקת
- מא כרגת מן באב אלדאר אלא פי הדא אלוק[ת ואצ]עב
- מא עליי אן עליי דין אלדי אנפקתה עלי אלצ[בי] נחו
- דינארין אלא שי ומא לי מנהא שי בידי ואנא עלי
- אן אביע אלכסא אלדי וגהת אליי ואיש מא כאן ענדי
- לאגרמה פי אלדין פלא תכליני מן שי תוגהה אליי
- לאני פי אחואל צעבה ופי ציקה עטימה ומא לי
- חילה לשי מן אלאשיא ולא אחד יפתקדני בשי
- וקד בקית . . ל . . מן כל אלגהאת ועסי תחמל עלי
- נפסך ותגי אליי לאני מא בקי פיי בקייה ולעל אלמות
- אקרב מן הדא. ולא תקטע עני כתבכם לאן
- לי מדה מא סמעת לכם כבר ולא ראית לכם גואב
- פלא תכליני מן כל דלך אן שא אללה ואלסלאם עליכם
T-S 8J15.18 1v
