Legal document: T-S 20.37

Legal document T-S 20.37

Tags

Input date

In PGP since 1990

Description

Testimony of members from the Yemenite community, in Aden. They describe how a person from Sa'ada (In the north of Yemen) who was a head of a Yeshiva there, was praying in the synagogue in Aden during Shabbat, and mentioned the name of Rosh ha-Gola (the head of the Jewish diaspora). Two of the synagogue members (originally from Egypt) objected to mentioning his name because they saw the leader in Jerusalem as their authority. (Information from Goitein, The Yemenites, pp. 57-61). VMR

Images and transcription

Transcription

  • נקול אנן מקבלי עדות חותמין לתחתא [אננא וצלנא בעצנא מן] בלאד אלהנד
  • ובעצנא מן דיאר מצר ווגדנא קד וצל אלי [הדא אלבלד רגל פארסי אסמה...]ן
  • ידכר אנה
  • ינתסב אלי בית דויד ואהל נפסה ללתק[דמה .....] וכדלך
  • אהל אלבלד אמצו לה אלאמר ואלנהי פי בתי כניסיות [ענד או פי] גמיע ישראל
  • פסמענא נחן
  • מקבלי עדות פי אלבלד באלשאיע אלדאיע כבר אן יתעאודה אהל אלבלד מן קצייה
  • אן כאנת גראת קבל וצולנא פי חדש ניסן פי בית הכניסת ודלך אן כאן
  • וצל רגל בעל תורה צעדי והו מקים פי בלאד צעדה יוקל (!) לה סעיד אבן
  • אברהם
  • ואנה תקדם פי יום סבת קבל פסח פי תפלת שחרית להוציא רבים ידי חובתן
  • ואנה
  • אמתתל פי צלאתה חסב אלעאדה ואלואגב באכד אלרשות לאדונינו מצליח
  • הכהן ראש ישיבת גאון יעקב יכון שמו לעד והכדא קאל בעד דכרה לרשות
  • ראש הגולה בחיי אדונינו מצליח הכהן ראש ישיבת גאון יעקב ואנה למא
  • דכר הדא חסב מא תקדם מן אלעאדה פצאח עליה סאלם בן אלחזאן ובעדה בעץ אל
  • גמאעה מן אהל אלבלד ואנתהרה הדא אלמדכור ובעץ אלגמאעה וקאלו לה אש (!)
  • הדא
  • אלדי פעלת ואנצרפו עלי מתל הדא דלך אליום והו מת[בי]ש עד מאד ולמא כאן
  • יום אלסבת פי דאר אלשיך יוסף אבן אברהם והו יום חולו של מועד פבין מא
  • הום
  • פי אלאכל ואלשרב ואדא בהדא אלרגל אלפארסי אלדי דכר אנה דאודי קד אכד
  • אלמרוחה וצרב לסעיד אבן אברהם אלמדכור עלי רכבת(ה) צרבה אן [ ] מתל
  • אלתנביה וקאל לה אש (!) אחוגך להדא אלפעל חתי פעלתה [ ] וצלית
  • עלי מצליח ומתל הדא ושבה פאלתפת סעיד אלמדכ[ור אלי אלשיך מצ]מון
  • וקאל לה הדא כלה גלובתך ומא ארדתה לנא פ[סאלה אלשיך מצמון ען דלך] פקאל
  • לה סעיד אלמדכור אן וצלתנא כותבך תאמ[רנא אן נצלי עלי...]
  • ועלי אדונינו מצליח ואמתתלנא דלך ונד [חסרות כחמש מלים]
  • פקאל לה אלשיך מצמון פמא קד סמ[ע ]
  • וקאל לה מא וצלנא אלא עלם אנכום [ ]
  • מא אנתום פיה ולא כיף כאן כצאמ[כם ]
  • אבן גמאהר וסאלם אבן אלחזאן וגמאעה [ סעיד אבן]
  • אברהם אלמדכור ואנתהרה כל ואחד מנ[הום]
  • אלא קיאמה אלי יוסף אבן אברהם וקאל לה דעתני אל[צרורה]
  • ביתך פחיניד קאם צאחב אלבית אלי גמאעה פאסכ[נהום]
  • ואנצרפו ולמא כאן יום אלאחד מצא סעיד אבן אב[רהם צהבה אלשיך ח]סאן אבן
  • בנדאר אלי ענד אלפארסי יסאלה אן ירצי ענה פק[אל לה אנני מא אר]צא ענך
  • חתי
  • תדכול אלי בית הכניסת מוצע אן צלית ואכטי[ת נפסך...] הונאך בחצרה
  • ישראל ותקול חטאתי ואנצרפו ענה ולמא כאן [יו]ם ויושע צלו אלגמאעה
  • גמיעהום פי אלכניסיה ולמא פרגו מן ספר תור[ה] קאם הדא סעיד אבן אברהם
  • אלמדכור פי וסט אלכניסיה וקאל יא צחאבנא (!) קד עלמ[תם...] י למא כונת
  • צלית
  • יום אלאול ואכט[ית ח]ית דכרת סידנ[א מצ]ליח ואלאן [הריני] מתודה ללה
  • תעאלי וללגמאעה וחטאתי לי"י אלהי ישראל ולכם ואן אגמאעה אנ[צרפ]ו
  • פלמא אן וצלנא נחן גמאעה אלגרבא אלואצלין מן אלגיהתין סמענא הדא
  • אלאמר והתעצבנו עד מאד כך שמענו הדבר הזה ויחר לנו מאד והתאבלנו
  • על זאת על שנעשה בישראל פחין דלך ארדנא תתבית הדא (!) אלשהאדה
  • אלדי סמענא הדא אלכבר פיהא באלשאיע אלדאיע ארדנא תתביתהא עלי
  • תחקיק ממן כאן חאצרהא מן אהל אלבלד ואן יכתובו לנא כטוטהום בדלך
  • פלמא יתמכנו כתיר מן אהל אלבלד יטרחו לנא כטוטהם בדלך ולא [אי]צא
  • אן יעתרפו קדם מן ישהד עליהום בדלך כופא מן שיוך בלדהום ומן
  • יכאפו עקאבה פי דלך פלמא יגיבנא אלי דלך סוא אלשיך אלאגל ר חלפון הדר
  • התלמידים בר כגק יצחק נר למא סאלנה (!) אן יערפנא כיף גרא אלאמר
  • ממא חצרה ושאהדה והכדא אעתרף בין אידנא (!) אנן מקבלי עדות וקאל
  • לאן אלאמר עלי מא סמעתה (!) ענד וקוף סעיד אבן אברהם אלמדכור ללצלא
  • ואנני [חאצ]ר פי גמיע מא גרא פי בית הכ[ניס]ת פי וקת אלצלא ודכר אלרשות
  • ואנכ[רת על]יה וקת אלעתדאר איצא פי בית הכניסית חסב מא שרח [וק]דם
  • דכרה [ ] כאן [ ] פי בית אלשיך יוסף אבן אברהם פ[ ]
  • הום
  • לפע [ ] פאנני ל[ ]תם
  • [ ]ה זל
Image Permissions Statement
  • T-S 20.37: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.