Letter: T-S 18J2.11
Letter T-S 18J2.11What's in the PGP
- Image
- 1 Transcription
Description
Letter from Minyat Zifta to Fustat. The writer had been sent to Minyat Zifta to deliver an instruction to the judge Shabbetay b. Avraham (active 1135-78), it seems to summon him to Fustat. Upon arriving in Minyat Zifta, he found an epidemic that had caused a large number of deaths in the Jewish community. The writer emphasizes Shabbetay's willingness to obey but awaits instruction on whether he still needs to come in light of the circumstances. The writer also conveys the complaint of various locals that every other town in the Rif has a synagogue, but they do not. (Information from Mediterranean Society, V, pp. 113, 537). EMS; ASE.
Tags
Editor: Cohen, Mark
T-S 18J2.11 1r
- בשמ רחמ
- עבד אלחצרה אלסאמייה אלאגלייה אלרייסייה אלשיכיה תבת
- אללה סעדה ואהלך עדווהא וצרהא אלממלוך יקבל אלארץ בין ידיהא
- ויעלם חצרתהא אלסאמייה תבת אללה סעדהא וצולי אלי מניה זפתי
- ואגתמעת מע אלנאיב אלחבר שבתי ולד רב אברהם זל ואוצל
- אלממלוך כתאבהא אלכתום אליה פסאעה וקופה עליה בחצור
- ממלוכהא סאלם פקאל אלסמע ואלטאעה ללה ולסיידנא
- פ[אן אמר]ני באלטלוע טלעת פכשף אלממלוך חדית דארה פאצבת
- כל מן פי דארה עלי כטה קביחה ועדתהם אתנאעשר נסמה
- או תלתה עשר והם מרצא עלי כטה קביחה וכל גמעה פי אלבלד
- אתני עשר אבל או עשרה פראי ממלוכהא מן אלראי אן לא יתעתע
- הדא אלמקדם אולא מא יבקא להם מן יכרג וראהם פיקול עליהם
- צדוק דין ותאנייה ליס פי אלבלד עשרה פי עאפייה ואהמל אלממלוך
- ען מניה זפתי בחסב מא ראי פיהא מן אלמרץ ואלמותי אלדי
- לא יקאם לה וכל כלמה אן יגא[ו]בני מקדם מניה זפתי אלסמע
- ואלטאעה ללה ולסיידנא ואכר מקאמ[י] מנה אמהלה אלי אן
- וצלני כתאבהא אלכרים במא אפעלה אן אמרה אלחצרה
- באן יטלע טלע אלי חצרתהא אלסאמייה ואלממלוך מתני גואב
- הדה אלאחרף ואנפצל מנה ואמצי אלי גירה וממלוכהא סאלם
- יעלמהא במא גרא בינה ובין אלמקדם ויקול אלסמע ואלטאעה ללה ולסיידנא
- ובעד דלך אגתמעת מע אלשיך אבו אלכציב וגירה מן אלשיוך
- אלמעתקדין עליהם ואעלמתחם במא גרי פקאלו לי אלשיוך
- יאמולאי נחן מא לנא כניסה נצלי פיהא ולא נדפע ולא נדפע
- למקדם חבה אלי חין יציר לנא מכאן נצלי פיה וסיידנא ארחם
- בנא מן גמיע אלכלק פסאע [!] אן כתבת הדה אלאסטר קפז אלמקדם
- אלי וקאל אנא אטלע אלי סיידנא פקלת לה אצבר אלא חין יצל אמר
- סיידנא במא יאמר פיך אן אמר באלטלוע טלעת ואן אמר בך עודך
- פ]עדת ובחק אלתורה עליך אסתקצי מן אלממלוך סאלם בחית
- כאן ו]אחד חאצר פהו יעלמהא במא גרי ומא אבצר
- ממלוכהא אן יקב]ל ידיהא וינתצר גואב אלכתאב ומא אעאקני
- ..................]..מנעה עבדהא אלצלאה כמא אמרתני
(margin)
(1) א[לחצרה........] (2) אנהא [..........] (3) ועבדהא סא[לם] (4) כאן
חאצר והו (5) יעלמהא סרא במא (6) לם אקדר אן אכתבה (7) לאן גמיע אלריף
כלה (8) לחם מכאן יצלו פיה (9) ומניה זפתא מא להם (10) מא יצלו פיה (11)
ועבדהא מנתצר (12) אלגואב ושלום
T-S 18J2.11 1v
(verso, bottom)
עבדהא ...מ.....
