Letter: ENA 4100.8a

Letter ENA 4100.8a

Metadata

Shelfmark
ENA 4100.8a
Primary Language
Judaeo-Arabic

What's in the PGP

  • Image
  • 1 Transcription

Description

Letter from Abūn b. Ṣadaqa, Jerusalem, to Nahray b. Nissim, Fustat. Abūn conveys a detailed tale of a serious falling-out with another merchant and urges Nahray not to associate with him. Abūn describes his reclusive lifestyle in Jerusalem (v25–30) and mentions in passing that he fell sick (r7–8).

Tags

Additional metadata

Collection
Jewish Theological Seminary Library
Historical shelfmarks
ENA 4100, f. 8a; ENA 4100, fol. 8a
Input date
In PGP since 1987
Image
Transcription
Translation

ENA 4100.8a 1

1
Moshe Gil, Palestine During the First Muslim Period (634–1099)‎ (in Hebrew) (Tel Aviv: Tel Aviv University, 1983), vol. 3.

Letter from Abon b. Tsedakah, Jerusalem, to Nahray b. Nissim, Fustat(ENA 4100, f. 8, ed. Gil, Palestine, Pt. 3, pp. 252-256 (Doc. #503))2-23-87 JH(P) Recto

....

  1. ואצחאב אלקמח סאירין ראגעין פכרגת ואללה יאמולאי
  2. דנניר אכרי ועיניי תתלגלג דמוע פקאלו לי אלנסא
  3. באללה יאסידי אכרג אנת בהא ואזן להם פקאסית
  4. וחק אלקדס מן אלמרורות מעהם מא לא אקוא אצפה
  5. ואנא אכתצר למולאי דלך כלה פלמא כאן פי אלחגיג
  6. אשתרינא ענב פקאל לי אזן עני פוזנת ענה ה דנניר
  7. נזאריה לאן צאחבה חלף לא באעה אלא בנזאריה ווקעת
  8. אנא פי אלמרץ וסאפר הו חפטה אללה אלי צור פענד
  9. וצולה וצל וחק אלקדס אלי /אל/דאר פי מעריב שי לם נרא
  10. קט מתלה פכרגו אלנסא ירתעדו ויבקיו פאקאם יום
  11. אלסבת ויום אלאחד קאל נמור אלי זגר ומא כאן מעה
  12. לא דינר ולא דרהם אלא גאב מעה מן צור חנה ומרכקוש
  13. ואנגאץ וכשוב ורוחות ומנחסה מא סמע קט מתלהא
  14. פקלת לה באיש תמור אלי זגר פקאל לי אעטיני דנניר
  15. שרכה ביני ובינך ונמצי נשתרי חב אלוסמה וניל
  16. ונסאפר בה אלי אלצעיד אלי נאחיה מצר פאכדני וחיאה
  17. מולאי מן כלאמה מגץ ובעד דלך צחכת מן עקלה וקלה
  18. תופיקה פקלת לה ומתי ראיתני אנא נטלב אלשרכה
  19. פקלת לה אחביבי אנא אנסאן מעי אלדי רזקני אללה תע
  20. ננפק מנה חתי יפרג וגרי ביני ובינה כלאם כתיר מא
  21. יטול בה אלשרח פרגע קאל לי אסלפני דנניר ונעטיך
  22. בהא רהן אלי רגועי מן זגר פאתמנעת מן דלך פלם יזל
  23. יחשמני בציק אכלאקי אלי אן מאר ליגיב רהן גאב לי
  24. אלאגזא אלדי כתב לה רבינו יחי לעד אלדי מא אלקא
  25. לא רייס ולא חבר ולא צגיר ולא כביר אלא והו ישכו
  26. ויתטלם ממא עאמלה בה רבינו וחלף אנה לא עמל
  27. עמל ענד וצולה חתי יטאלבה פאסלפתה דנניר וכרג
  28. לקברי אבות לימצי מנהא אלי זגר כאף ורגע בעד
  29. אן אקאם י איאם פענד רגועה אנתטרת ליעטיני
  30. אלשי וירדה עליי לם יפעל מצא בה ללרמלה ישתרי
  31. צאבון נפק ג דנניר פי אבכאר ללפסח וטלע ללקדס
  32. בלא צאבון קאל הו גאלי ועייד אלפסח וכרגנא מן אל
  33. פסח ולם יעטיני שי וארא בה מומל אלספר למצר
  34. ואכפא דלך עני ולם וחיאה מולאי נערף בה אלי סאעה
  35. כרוגה פלמא בלגני דלך ארתעדת מפאצלי ומא בקי
  36. פיי רוח ולא חיל ולא קוה פאגתמעת בה פקלת לה יקינא
  37. תסאפר אלי מצר פקאל נעם פקלת אעטיני חסאבי
  38. פקאל תפצל אצבר בה אלי רגועי פחלפת לא פעלת
  39. פקאל לי אחלף אנך מא צברת בה פקלת מא ילזמני
  40. פמצינא אלי אב בית דין פקאל לה מ ילזמה ימין

ENA 4100.8a 2

2

Verso

  1. תם אדעא אן אלדנניר אלדי וקעת לה כאן אלקמח
  2. ביני ובינה פקאל לה כיף וקעת לך הדה אלדנניר ואין
  3. כאנת וקעת לך נרוטתך קאל לא פקאל לה פאין כאנת
  4. קאל לה פי מוצע מחתאט פקאל לה ערפני סכת
  5. ולם יגאובה בשי פקאל לה ודעא לה הקבה ימלא
  6. חסרונך פקאל לה יחלף לי אן אלדנניר אלתי וזן פי אל
  7. ענב מצריה פחלפת וגרת לי מעה //אמור// מא גאז לי [[מעה]]
  8. קט מתלהא וחלפת לא פטרת וכאנת אמור עטימה
  9. וסמע מא יכרה פלא חל לה אללה פבאללה יאמולאי
  10. אלא בפצלך אקרא כתאבי עלי אלכבירה מן אולה אלי
  11. אכרה והי תערפך סקאטתה והמתה ומא עאמלתה
  12. בה מן אול דכולה אלי אלקדס ומא ערפתה קט אלא יום
  13. ואחד בטה תם במצר יום אן אכר פערפת למולאי
  14. דלך לירתאח קלבי ונחקק ענדה אן מא בקי אחד ממן
  15. יעמל מעה אלגמיל ויכאפי עליה והו ענדי אהון מן
  16. הדא כלה וקד עמל מא ישבהה ועמלת אנא מא אנא
  17. לה אהל פלא ירחל לי מולאי מעה שי ולא יעמל מעה
  18. כלאם פי אמרי לאנני לעולם לא כלמתה ולא חאצרתה
  19. ולא דכלת לה דאר ולא ראי מני מא ראי פאכסאה
  20. אללה דרא פעלה פי אלבר ואלבחר פיתפצל מולאי
  21. יקרא כתאבי עלי מולאי אלרב יחי לעד בעד אן יבלגה
  22. סאלמי ויקול לה אתחפט לאן אבן עלוש אלגזאר פי
  23. נפסה יטלבך ויסתחלפך פעל מולאי כל דלך מתפצלא
  24. ויתפצל מולאי לא יערפה בשי מן אמורי לאן מא פי אל
  25. קדס אליום אצר עליי מנה ואנא אנסאן מנזוי מסתור
  26. ואן כרגת נמשי פי אלסוק מרה ואחדה פי אלשהר נכרג
  27. נעליי קמיץ קטן ואכתר צלאתי עלי אלאבואב כל דלך
  28. לילא וכאלט אחד ולא נתכלם מע אחד ומא נחב יערפני
  29. אחד פי אלבלד פכאפאה אללה עלי מא עאמלני בה
  30. קד צאר מעי פי אלקדס כאנה קריבי ונסיבי או בן עמי
  31. ולא כאנת אלסאעה אלתי ערפתה ואגתמעת בה
  32. ור ישראל פי כל עאפיה ואטן אנה בדא לה פי תוגיה
  33. אלכראריס עלי מא קאל לי ואחב מן מולאי יערפני
  34. מא וקע מן לפט אלשיך אבו אלאעלא בן אלבהורי
  35. ואקרא עלי מולאי אפצל אלסלם ואתמה ואטיבה
  36. וסאדאתי אצהצרה אפצל אלסלם ואלכבירה אפצל אלסלם
  37. וכל םן ענדי יכצו מן ענדה צגאר וכבאר אפצל אלסלם
Image Permissions Statement
  • ENA 4100.8a: Images provided by the Jewish Theological Seminary Library (JTSL) CC-Zero / Public Domain
Jewish Theological Seminary Library, ENA 4100.8a. Available online through the Princeton Geniza Project at https://geniza.princeton.edu/documents/795/, accessed November 27, 2024.
https://geniza.princeton.edu/documents/795/