Letter: CUL Or.1080 J86
Letter CUL Or.1080 J86What's in the PGP
- Image
- 1 Transcription
Description
Letter (with Fatimid petition/report formulary) sent by the shammash (beadle) of Sunbāṭ in the center of the delta to Shemuel ha-Nagid (1140–59) describing a brawl and accusing the opponents of having arranged with the wali beforehand to look the other way. (Information from Mediterranean Society, II, pp. 368, 369, and from Goitein's index cards)
Tags
Editor: Goitein, S. D.
CUL Or.1080 J86 1r
- בשמך רחמ
- מגדל עוז שם ייי בו ירוץ צדיק ונשגב
- אשרי משכיל אל דל ביום רעה ימליטהו יט
- אלעבד אלממלוך יקבל אלארץ לפני הדרת יקרת צפירת
- תפארת כבוד גדולת קדושת מרינו ורבינו וכתרינו ועטרת
- ראשינו ומנהיג דורינו אדונינו שמואל הנגיד הגדול שר
- השרים נגיד הנגידים גביר הגבירים ימין המלוכה עזר הנשיא
- אור ישראל ויהודה רכב ישראל ופראשיו נגיד עם ייי צב
- וקדושיו יעזיהו אלהי ישראל ויחייה כלל חמודיו השרים
- ויכן יהי רצון ינהי אלי סאמיהא יהדרה אל אן אלממלוך
- קד כאן אנהא אלי הדרתו יהדרה אל מא כאן קד טרא עליה
- ממן יקצד פסאד חילה ואל אמרהם אלא אן גא אנסאן יסמא
- סעיד בן יוסף בן עאדי גא יטלב דין מן אבן עבדהא מן מדה
- סנין פלמא ריתהם אצחאב אהויה וגרצהם יתשפו פקלת
- ללכצמין אמצו אלי באב סיידנא יפצל בינכם פקאל עמראן
- לא כיר ולא כראמה אני מעי תוקיע מולאנא באשרף אלריף
- גמיעה וחכמה ועלי זכאי וגירה וגרי מא יטול שרחה
- וושבו אלכצם סעיד דנן פמצא וקף עלי באב אלדאר עתמה
- מן אלליל והו כארג סכראן תעלק בה ושקק תיאבה וכאן מע
- אלמדכור מן הו סתסן באלואלי פצרב ולדי ועץ ידה וגרי עליה
- מא לי ינשרח וחצר עבדהא והו ימסך בשערה ואכר ימסך
- באטואקה ולחיתה פקלת להם כלוה וגדא נפצל בינכם האדא
- סכראן פאבא פקאל לה צהרי כליה ועלי כל מא תטלב פקאל
- וחק מולאנא אן כליתה אלא אלי ענד אלואלי וכאנו קד תעאמלו
top margin, diagonal lines at 180 degrees to main text
מע אלואלי ומא | עלמנא פסחבו | ולי אלי ענד אלואלי וגאבו | עידים גויים
ישהדו עליה | וצמנתה ואכדתה הו ואלדי כאני | מעה פרגע סעיד
מצא אסתעדא | ואסמא ה אסאמי מן אעיאן אלקהל | אכדוהם
טרחוהם אלי אלסגן וכסרו | דינארין גיר כסר וצאר סעיד דנן | אן מא
לקיני ישתמני ושהדו עליה | שהוד מעדלין ומצו אחכו ללואלי | דאלך פעול
עלי [אלרגאל אלכ]מסה פמא | זאל אלממלוך אלי [. . . . . .] צחח בלא חבה |
וקאל לה אלואלי תגי [. . .] גד בידך תמסך | סכראן האדא מא
יפעלה ולא אלמרא | ומצו ושהדו עלי אבני עמראן ואבו | אלחסן
וכתבו עליה חגה ואיצא הם | כתבו עליה שטר בכטוטהם והו | קד
כרג מן אלסגן ומוצלהא פהו | מן אעיאן אלקהל | והו יחכי | מא
top margin, diagonal lines at 180 degrees to main text
גרי פכלם לבעץ אלכצום פתכלם פיה במא יכון בה סלאכה בשפיכות דמים וגרצהם
איתאר אלמחלקת ולהא יהדרה אל עאלי אלאמר ושלום הדרת אדונינו וכלל חמודיו השרים יגדל נצח
CUL Or.1080 J86 1v
verso. Address.
אלעבד אלממלוך יוסף בח
יעקב הממחה נע השמש
בסומבאט
