Letter: T-S 8J25.2
Letter T-S 8J25.2What's in the PGP
- Image
- 1 Transcription
Description
Letter from Yefet b. Menashshe to his brother Ḥalfon b. Menashshe. In Judaeo-Arabic. Confirming the arrival of 10 dirhams with Abū ʿImrān, and sending him some fuller's earth (ṭafl) used in households. Also mentions dealings in several other commodities, including gum (ṣamgh), cassia fistula (khiyār shanbar), kamala (qinbīl), plantain seed (bizr lisān al-ḥamal), and tubular (marazībī) tutty. Reused by Ḥalfon b. Menashshe for a jotting of another document (see separate record). (Information in part from Mediterranean Society, IV, p. 407 and from Goitein's index cards)
Tags
Image
Transcription
Translation
Editor: Goitein, S. D.
T-S 8J25.2 1r
S. D. Goitein, unpublished editions.
- בש
- אלדי אעלמך בה יאכי וסידי ואלעזיז עלי אטאל אללה
- בקאך ואדאם עזך וסלאמתך ונעמתך אני כתיר אלשוק
- אליך מא לו וצפת בעצה לטאל שרחה אללה תעאלי
- יגעלך פי חיז אלסלאמה ויגמע ביננא עלי אסר חאל
- וכנת אנפדת לך כתאב ולמולאי אבו אלסרור ואנא
- אערפה פיה אן קד וצלת אלעשרה דראהם צחבה
- אלשיך אבו עמראן וכנת אנפדת לך מע יהודה אלמגרבי
- קרטאס פיה אצול וכר וקרטאס פיה קליל טפל
- וקד אנפדת לך צחבה אבו עמראן חאמל הדה אלאחרף
- קליל טפל קדים ותעלמני בוצול אלגמיע אן שא אללה
- וכתבך לא תוכרהא עני וקד וצל לי איצא אלצמג ואל
- כיאר שנבר תעלם אבו אלסרור בוצולהם וואלדתה
- תכצכם גמיע אלסלם אלגזיל וכדלך כואתך איצא
- יכצוכם גמיע אפצל אלסלאם ותכלי אבו אלסרור ישתרי לי
- בקירט קנביל וקירט בזר לסאן אלחמל ורבאעי ו.הא
- מרא ויכי כפיפה וצרה אכר ויכלי אבו עמראן חאמל
- הדה אלאחרף יזן תמנהם מן ענדה וינפדהם אלי סרעה
- בעד אן תכצה אלסלאם ותערפה שוקנא גמיע ואחשתנא
- לכם גמיע תכתץ אגל אלסלאם ומן תחוטה ענאיתך
- אלסלאם ואלגזיל [. . . .]תנעם אפצל אלסלאם ושלום
T-S 8J25.2 1v
verso
- מלחפה אלנום עמאמתי אלסוא
- תקניעה מקסאה מלחפה אלבית
- רדה אברהים פוטתי אלהלך
- מערקה כאם תובין לאבו אלסרור ובקיאר
- תוב וגוכאניה זרקא ופוטה וצראוילין לאברהם
- ג מכאד גלאלתי ואלערצי וצראויל
- אלגוכאניה אלכלה וכרקתין ותובי וגלאלתי
- אלוטא למסח אלאידין
right margin, at 90’ to main text, straight lines
- אכי וסידי אלעזיז עלי אבו סעיד חלפון אכוה געל פדאה יפת בן
- בר מנשה נע בן אלקטאיף אטאל אללה מנשה נע בן אלקטאיף
- בקאה ואדאם עזה
