Legal document: Yevr.-Arab. II 1381

Legal document Yevr.-Arab. II 1381

Metadata

Shelfmark
Yevr.-Arab. II 1381
Document Date
Primary Language
Judaeo-Arabic

What's in the PGP

  • 1 Transcription

Description

Long deed of sale involving many members of the Karaite community in Cairo. Line 13 mentions the communal waqf (qodesh) and much of the document focuses on the sale of an upper-level apartment (שוקקה=شقة) whose ownership is currently split multiple ways, hence the recurring references to fractional qīrāṭ/qarārīṭ shares (1/24). Signed mostly by Karaite community members Shelomo Kohen, Eliyahu b. Yisrael, 'Amram Hazan and Avraham Rofe. A Rabbanite Jew, Yaʿaqov, also appears in the witnesses section but his full nomenclature is unclear. MCD.

Tags

Additional metadata

Collection
National Library of Russia, Firkovitch (Firk.); Antonin
Input date
In PGP since 2019
Image
Transcription
Translation

Yevr.-Arab. II 1381 recto

recto
Matthew Dudley, [digital geniza document edition].
  1. במותב בית דין יר׳׳ה
  2. סבב תצטיר האדי אלאחרף ומוגב תחרירהא בחצ'רת כל מן אלמכ'דם אלמחתרם
  3. אלאצטע יוסף אלמזיין יומ יד׳ תאריכה בחארת אליאוד אבן אלמד׳ אלחג עלי
  4. אלמכ'דם אלמחתרם אלמקדם עתמאן אבן כצר אלמאידי מן אהאלי
  5. אלמלגיא ואלמעלם נסים אליאודי אלקראי אלצאיג יומ יד תאריכה בל.[...]ה
  6. אבן אלמד׳ יעקב לוי אלשהיר בחברוני ואלמעלם ע׳ אלוחד פירוז אבן
  7. אלמד׳ פר[...] פירוז אלשהיר בדיין ואלמעלם מוסי אליאודי אלקראי אבן אלמד׳
  8. יוסף אלשהיר באלברכה ואלמעלם יעקב אליאודי אלקראי אבן אלמד׳ אלמעלם
  9. עביד אליאודי פירוז אלשאמי אשת׳׳ה אלמעלם אברהים אליאודי
  10. אלקראי אבן אלמד׳ פרג אליאודי אלקראי אלשהיר בחואש ואבן זוגתהו אלמעלם
  11. מרזוק אליאודי אלקראי אבן אלמרחום ע׳ אלדאים אליאודי אלקראי אלשאמי אלשהיר
  12. בפירוז כאמל אלקאעה אלכרבה בחארת אליאוד אלקראיין תחת אלציבא..(?)
  13. בגואר אלחאצל אל..ה(?) יום יד תאריכה בוקף אליאוד אלקראיין ואלטבקה 
  14. אלדי עלי אלבאב כארג ען אלקאעה אלמד׳ אעלאה מן אלשורכה אלאת׳׳י דכרהם
  15. פיה קרי.ה(?) והמא אלמעלם מוסי אליאודי אלקראי אבן אלמד׳ אלמעלם
  16. כצ'ר אליאודי אלקראי אלשהיר בחכים סבעת קראריט ותלת מן קיראט
  17. במבלג וקדרהו מן אלפצ'ה אלדיואני אלסלטאני תסע מאיה נצף פצה וסתה
  18. וכמסין נצף פצ'ה ומן פרג אליודי אלקראי וכלי אטחהי אלשוקקה
  19. אלחרם והמא אלמראה הנא זוגת אלמעלם עמראן אליאודי אלקראי סבעת 
  20. קראריט ותלת מן קיראט במבלג וקדרהו מן אלפצה אלדיואני אלסלטאני
  21. תסע מאית נצף פצה וסתה וכמסין נצף פצ'ה ומן אלתלאתת חר׳׳ם(?) אלשוקקה
  22. והמא אלמראה חביבה שקיקתהא אלמראה זבידה זוגת אלמעלם יצחק
  23. אלשהיר אלשייך ושקיקתא אלמראה עזיזה זוגת אלמעלם יעקב אליאודי
  24. אלקראי אלשהיר באלקיים אולאד אלמד׳ אברהים אלשהיר באלחכים סבעת קראריט
  25. ותלת מן קיראט במבלג וקדרהו תסע מאות נצף פצה וסתה וכמסין נצפ
  26. פצה ומן אלמעלם שמילה אליאודי אלקראי אבן אלמד׳ פרג אליאודי אלקראי אלמניישאתי(?)
  27. אלשהיר בחכים קיראט אתנין במבלג וקדרהו מן אלפצה אלדיואני תלת מאות
  28. נצף פצה ותמאניה עשר נצף פצה מן אלמע׳ שמילה אלמד׳ אעלאה כאמל
  29. אלטבקה בארצתהי דון שורכה אלמד׳ אעלאה במבלג וקדרהו מן אלפצ'ה אלדיואני
  30. סתת מאיה נצף פצה ותמאניה ותלתין יכון גמיע אלמבלג אלמרקום
  31. אעלאה תלאתת אלאף נצף ותמן מאיה נצף פצ'ה וכמסה ועשרין
  32. נצף פצ'ה והמא בכאמל אלאיצאף אלמעתברה שרעא קוד.ה(?) אמת אלהם
  33. במאל אלצחה ואלסלאמה ואלאט'פה אלאכתיאר בג'יר תג'רב ולא אגבארי
  34. ולא חברה ולא חזקה אד בל בסמאחת נפס וטיבת קלב ואנשרח צדר וקבץ
  35. כל מנה מא מא(!) יכצו באלחצ'רה ואלמעינה נצ'יד אסקאט חקה(?) ולא
  36. יתאכר עלי אלמעלם אברהים אלמד׳ אעלאה ולא עלי שריכה אלמעלם מרזוק אל[..]
  37. אלמשתריין מן דאלך אלמבלג אלמקרום אעלאה ולא דרהם אלפרד ובמוגב דאלך
  38. אלמבלג אלמרקום אע׳ צארת אלקאעה ואלמד׳ אע׳ ואלטבקה אלמד׳ אע׳ פיהא ומלך
  39. ותצרף אלמעלם אברהים ואלמעלם מרזוק אלמד׳ אעלאה מן ביע ושרא והד
  40. ובניאן וסכן ואסכאן ורהן ואסתרהאן ולם יסתחקו אלבאיע. אלמד׳ אעלאה
  41. פי דלך אלקאעה אלמד׳ ואלטבקה אלמד׳ אע׳ לא חגר ולא טוב ולא טין ולא רמאד
  42. ולא נשב ולא נשג ולא רפוף ולא כזאין ולא אקל ולא אגל ולא שי - קאל להו שו.(?)
  43. ואן גמיעהם אנזלו ואסקטו חקהם אלי מעלם אברהים ואלמעלם מרזוק אלמשתרין
  44. אלמד׳ אע׳ אסקאט ונזולא שריעא ודאלך מנהם בשבועה גמורה בשי׳׳ת
  45. אן אלבאיעין אבאעו ואלמשתרין אשתרי וגואז עליהם אלאשהאד אלשרעי בטריק
  46. אלשרעי במא עלמת בדאלך אלביינה אלשרעיא עלמא וכברא נאפיין ללגהאלה
  47. בחצ'רת אלחאצ'רין ושהאדת אלשאהדיין ואלואצעין כטהם
  48. פיה אדנ.ה חרר דאלך יום אלאתנין אלמבארך ארבע חדש טבת סנת
  49. כמסת אלאף וכמס מאיה ותלאתין ליצירה אלמואפק לשהר רמצ'אן אלערבי
  50. סנת אלף ומאיה תלאתה ותמאנין פה מצרים
  51. יע׳׳א והכל שריר ובריר מוחזק וקיים

:(ll. 51-55) Witnesses along lower margin

הצעיר שלמה כהן ס׳׳ט בכ׳׳ר המאו׳׳ר כמוה׳׳ר א[...]ה נ׳׳ע ידיע [...].שקו

שהד בדאלך אליאו בן ה.׳׳ר ישראל ידיע רצי וכתב ען אדנה

שהד בדאלך עמרם חזן ידיע ברכה עד וכתב [...

שהד בדאלך אברהם רופ[ה?] בכ׳׳ר חכם [... ידיע] רופאנ.[...

:Witnesses along right margin (ll. 1-4) 

חצרו ושהד בדאלך אלמעלם יעקב יני(?) אלדלאל אליאודי אלרבאן

צדק עלי דאלך ע׳ אלגני אבן אלמעלם כצר נ׳׳ע אלשהיר בחכים וכתב ען אדנה  

National Library of Russia, Firkovitch (Firk.); Antonin, Yevr.-Arab. II 1381. Available online through the Princeton Geniza Project at https://geniza.princeton.edu/documents/27926/, accessed November 27, 2024.
https://geniza.princeton.edu/documents/27926/