رسالة: F 1908.44HH
رسالة F 1908.44HHالعلامات
الوصف
Letter from Natan b. Nahray, in Alexandria, to Nahray b. Nissim, in Fustat. In Judaeo-Arabic. Dating: ca. 1065 CE. It appears that Nahray and his family recently stayed in Alexandria, and Natan has heard that they arrived ome safely. Nahray plans to travel to Malīj, and Natan asks if he should send the female slave (jāriya) there (r13).
Edition: Gil, Moshe
Translation:
F 1908.44HH recto
النصوص المفرّغة
Moshe Gil, In the Kingdom of Ishmael (in Hebrew) (Tel Aviv: Tel Aviv University, 1997), vol. 3.Recto
- כתאבי אטאל אללה בקא מולאי אלשיך אלאג'ל ואדאם תאידה וסלאמתה ונעמאה
- וכבת אעדאה מן אלמסתקר אלנצף מן שבט כתמה אללה עלי מולאי באחסן כאתמה
- אעלמך יאמולאי אן כרג'תם כתב אללה סלאמתכם ונאלנא מן וחשתכם מא
- אללה יעלמה וכל מן פי אלבית ואמא נהראי ולדי אחיאה אללה ינכלק עלינא
- ויקול מתא יג'י רבנו אבו סעד ויקול אדיוני ענדה ואלי אלסעה נחן נקול לה
- הם פי אלכניסיה אסעה יגו וכאנת קלובנא בכם משגולה כיף כאן וצולכם
- אלי אן וצל יום אלכמים באלעשי ר' אברהם אלקלעי ואלכהן ואעלמונא בוצולכם
- עלי ג'מלת אלסלאמה פחמדנא אללה וסאלנאה תמאם באחסאן פאחב
- מנך יאמולאי סאעה וצולך סאלם אן שא אללה אלי סאלמין תעלמני בוצולכם
- אלי קרארכם ואחמד אללה עלי דלך וכל מן פי אסכנדריה מן אצחאבנא
- ברוכים יהיו מתוחשין לצפרכם דאעיין לכם אללה יתקבל ביכם אלדעוה
- אלצאלחה ולא ישתתכם ולא יששתנא(!) ען אוטאננא ותעלמני יאמולאי
- פי כתאבך אן כאן ננפד לך אלג'אריה אלי מליג' כמא קררת מעך
- ואן כאן ענדך פיהא ראי גיר דלך לאני מעול עלי אנפאדהא אליך בעד וצול
- כתאבך בדלך
الترجمة
F 1908.44HH verso
Verso
- וכדאלך ואמולאי מא סאלת חצרתה פי אלאג'תמאע מע אלשיך אבו אלמפצ'ל פי מא
- יתעלק מעי לי אן אבן כ'אלי ינעאק עלי תוג'יהה ומא כתבתה לך פי אלתדכרה אעלמת
- מולאי דלך תכתץ אפצל אלסלאם ומולאי אלשיך אבו סעד סלמה אללה אלסלאם ומולאי
- אלשיך אבו אלחסן יכצה באלסלאם ווליה נהראי ולדי יקבל ידה ויכצה באלסלאם ור' אברהם
- אלערוס יכץ חצרתה באלסלאם ומן ענדנא סגיר וכביר יקבלו חצרתה ויכצוה אלסלאם
- ויסאלוה לא ינסאנא מן דעוה צאלחה ושלום וחיים יוסיפו לך וכתבך לא תקטעהא ושלום
Bottom Margin
- חצרה מולאי החבר גדול [הי]שיבה מחבהא ושאכרהא נתן בן נהראי נ'ע'
- רבנו נהראי ביר' נסים ז'ל'
- אטאל אללה בקאהא ואדאם עזהא