رسالة: T-S 13J15.16 + T-S 13J15.20

رسالة T-S 13J15.16 + T-S 13J15.20

بيانات التعريف

علامة الرف
T-S 13J15.16 + T-S 13J15.20
تاريخ الوثيقة
اللغة الأساسية
Judaeo-Arabic

What's in the PGP

  • صورة
  • 2 Transcriptions

الوصف

Letter from ʿAmram b. Yiṣḥaq, in Alexandria, to Ḥalfon b. Netanel, in Fustat. Dating: 24 Elul [1451] Seleucid = 8 September 1140 CE. The writer expresses his worries after he did not hear from Ḥalfon for a long time. He describes his sorrow on account of the death of ʿEli the judge (Ḥalfon's brother), and on account of his wife's severe illness. This is the first of three surviving letters in which ʿAmram provides a detailed description of this illnesses of his wife. In this letter: "As for my state and my illness, and the illness of that wretched woman who dies before my eyes a thousand times a day. She has developed, in addition to her infinite illnesses, an illness in her ear for 20 days now, to the point that we have forgotten all the illnesses that came before..." ʿAmram also complains about his own "swollen" (muntafikh) state and his ophthalmia: "I cannot see where I place my pen." He also informs Ḥalfon that Yehuda ha-Levi is on the ship that has just arrived in Alexandria. (Information in part from Gil and Fleischer "Yehuda Ha-Levi and his circle", pp: 420–26). See also India Book 4 (Hebrew description below). VMR. ASE. Alexandria; Monday, 24 of Elul, 1451; September 8, 1140 Description from PGPID 964: See PGPID 9116. Description from PGPID 9148: See join for description (PGPID 9116).

العلامات

Additional metadata

Collection
Cambridge University Library, Taylor-Schechter
Historical shelfmarks
TS Box 13 J 15, fol. 16; TS Box 13 J 15, f. 16; TS 13 J 15, f. 16; TS 13 J 15, fol. 16; TS 13 J 15, f. 20; TS 13 J 15, fol. 20; TS Box 13 J 15, fol. 20; TS Box 13 J 15, f. 20
تاريخ الإدخال
In PGP since 1989
صورة
النصوص المفرّغة
الترجمة

T-S 13J15.16 1r

1r
S. D. Goitein and Mordechai Akiva Friedman, India Book 4: Ḥalfon the Traveling Merchant Scholar‎ (in Hebrew) (Jerusalem: Ben Zvi Institute, 2013), vol. 4.
  1. בשמך רחמ'
  2. כאן כתאבי נפד אלי חצרה הדרת יקרת תפארת
  3. גדלת קדשת מרנ' ורבנ' חלפון הלוי הקהתי השר
  4. הנכבד החכם והנבון הירא שמים מנעוריו בן כבוד
  5. גדלת קדשת מרנא ורבנא נתאל הלוי הקהתי
  6. הזקן הנכבד החסיד בעודו ̇ת̇נ̇צ̇ב̇ה עם שבע
  7. כתות שלצדיקים בגן עדן צחבה תמים ואקמת
  8. ועיני ללטריק לסמאע אכבארהא פלם יצלני
  9. כבר אלא בעד מדה ערפני אלשיך אבו אסחאק
  10. שריך אלשיך אבו נצר אן וצל כתאב ללשיך אבו נצר
  11. והי תצף פיה אשיא אשגלת קלבי מן כונהא
  12. פי נובה אלגזייה ופי אלהם טלבת תבעד ענה פלם
  13. יסהל אלכלאץ מנה וערפני איצא אבו אלפצל
  14. אבן ברכאת מעאמל אלשיך אבו עלי ̇ש̇צ אנה
  15. אולאד אכוהִ פי אחבאס פזאדני דלך הם עלי
  16. המי וכאבה עלי כאבתי מא כפא שמאתת
  17. אלאעדא באלמציבה אלדי נאלתנא כלנא פי
  1. וקד כאן למא
  2. וצלו קום מן אצחאבנא פי מרכב אלקאיד ואכברו
  3. באן רבנו יהודה הלוי יצל פי מרכב אלגדיד אלדי ללסלטאן
  4. עלי אנני אכתב אערפהא
  5. כפת אזעגהא ולם נזל מנתצרין וצולה ואנא
  6. אחד אלנאס קד טאר עקלי ואבתהל אללה עז וגל פי
  7. אלסלאמה ובלוגהא מא אמלת [גמי]ע אלאיאם אלי (חסר: אן)
  8. תפצל אללה בוצול אלמרכב יום אלאחד אלראבע ועשרין
  9. אלול ונזל מנצור אבו פרוג ולם ינזל פי הדא
  10. אליום והו יום אלאחד אלראבע ועשרין מן אלול

T-S 13J15.20 1r

1r

Continuation of recto (T-S 13J15.20 r)

  1. אלמרגלית מולאי אלנזר השר הנכבד החכם
  2. והנבון ̇ת̇נ̇צ̇ב̇ה ואלא ויסמעו אלנאס אלצדיק ואלעדו.
  3. בינהם הדה אלמקאמאת מע שיך אלדאר ומן בידה
  4. רואיח אלמרחום רצי אללה ענה ולו כאן לי סביל
  5. לכנת אול סמאעי הדא ענדהם ואמא גיר הדא
  6. מן חאלי ווגעי ווגע דיך אלמסכינה אלדי תמות
  7. קדאמי כל יום אלף דפעה ולהא אליום תקדיר עשרין
  8. יום מ̇צאף אלי אמראצהא אלדי מא להא עדד
  9. וגע צעב פי סמעהא אלי אן [נ]סינא אלאוגאע אלדי
  10. שאהדנא ענד מ[א ...]אִת מן הדא אלוגע אלמישום
  11. פכל אוגאענא עזיז ע[לי ר]ע̇ים ונ̇א̇מנים עד
  12. ישקיף עלינו ברחמיו ובִעין חסדיו וקד כאן למא
  13. וצלו קום מן אצחאבנא פי מרכב אלקאיד ואכברו
  14. באן רבנו יהודה הלוי יצל פי מרכב אלגדיד אלדי ללסלטִאִןִ
  15. כפת עלי אנני אכתב אערפהא אזעגהא ולם נזל מנתצרין וצולה ואנא
  16. אחד אלבאס קד טאר עקלי ואבתהל ללה עז ו̇גל פי
  17. אלסלאמה ובלוגהא מא אמלת גִמִיִע אלאיאם אלי
  18. תפצל אללה בוצול אלמרכב יום אלאחד אלראבע ועשרין
  19. אלול ונזל מנצור אבו פרוג ולם ינזל פי הדא
  20. אליום והו יום אלאחד אלראבע ועשרים מן אלול

Right Margin

(1) והו יום [כתבת] הִ̇דה15 אלאחרף ובאדרת (2) בהדה אלאחרף אעלמהא בדלך וִ[...]אִ16 (3) וא||נא פי קיוד אללה וחבסה וִלא אטיקִ17 (4) אבלג גרץ פי כדמה דיך אלח||צרה (5) וקד עלם אלבארי והו ידע תעלומות (6) כיף כתבת הדה אלאחרף ואנא (7) שהד אללה מנתפך

The back page of the letter (starts on page 20 b)

  1. ועיני באנחס חאל לא אבצר

(The continuation is not given here)Document B: TS 13 J19, fol. 13

  1. ינפד מולאי אלגואב סרעה
  2. בוצולה סאלם אלי אלתגר
  3. אלמחרוס ומתי יכון אנפצאלה
  4. עלי אלתוגה מנה לעסאה אקדר
  5. אתוגה ללקאה ואסאל מולאי
  6. אלאך יעסה (!) כחכמתו פי אלניאבה עני פי כדמה
  7. מולאי השר וכו'...ויעלמה
  8. באנני אסתקצר
  9. לסאני ען מכאתבה מתלה
  10. ואנני
  11. כנת מעול עלי אלמתול
  12. בין ידיה ולקאה וכדמתה
  13. ואנא מעול עלי דלך
  14. כל וקת
  15. ואסבאב אלזמאן כמא תעלם
  16. תקטעני ען דלך ועבדך
  17. מכארם וגמיע אכותה יכדמו מולאי אלאך
  18. באלסלאם ויקבלו קדמיה

Document C: TS 10 J24, fol. 4

בשמ רחמ

  1. לו דהבת אצף לחצרה מולאי אלשיך אלאגל אלסייד אלנביל...
  1. מא ענדי מן אלשוק ואלתוק אליהא ואלארתיאח נחוהא ואלאסף
  2. עלי אלפאית מן משאהדתהא לאטלת ואסהבת וכנת מע
  3. דלך מקצרא אללה ימן באלאגתמאע בהא קריבא אן שא
  4. אללה מא כאן סבב תאכר כתבי ענהא אלא מא
  5. כנת עליה מן שגל אלספר ולמא אנתגז דלך וגעת
  6. פי אלמרץ אנא וכל מן חותה אלדאר מן נאטק
  7. ולי ארבעין יומא מא כרגת ליכן אלחאל בחמד
  8. אללה צאלח וארגו מן פצל אלה אלתמאם באלאחסאן
  9. וכאן כתאבהא אלכרים וצל בתסלים אלשיך אבו עמר
  10. בן אלבגדאדי אללפאת אלחריר ולם יתסלם אלי אלאן
  11. שי ומא ענדי מן יחמלהם אליה לאן אכי אבו עמר
  12. מן יום וצולה מן מצר וגע פי אלמרץ ומא ענדי
  13. מן יקצי לי חאגה לאן אלשיך אבו אלנגם וולדה מרצי
  14. אסאל אללה חמיד אלעאקבה וכדלך אלקליל אללולו
  15. אנא אגעלה איצא ענד אלשיך אבו עמר

margin

  1. ואמא אלעמאמה
  2. ואלתוב אלדי קלת לרבנו יהודה זצ"ל פאלדי קיל
  3. לחצרתה ליס בצחיה ודאך
  4. אן למא וצלת אלכתב מע
  5. אלפיג מן אלאנדלס חמלתהא
  6. אלי אלמרכב כאן פיהא כתאב
  7. מן יהודה בן עזרא ידכר לה
  8. פיה אן מא לה בקא ואנה
  9. מעול עלי אלמגי פדפע לי
  10. עמאמה וקאל לי אן וצל
  11. יהודה פי הדה אלסנה
  12. אדפעהא לה ליבעהא (!)
  13. ויתוצל בהא אלי ענדי
  14. וכתב לה רקעה והי ענדי
  15. תתצמן אן לא יטלע אלי
  16. מצר ולא כרג ען
  17. רא(יה)

back of page

עונך

  1. תם קאל לי אן לם יגי פי הדה אלסנה פאבקיהא אלי אן יצלך
  2. כתאבי בביעהא ובשרי חויגאת אן ארידהא בתמנהא
  3. כיף אודעהא אנא ללשיך אבי אלמעאלי הא הי פי ביתי
  4. תחת חוטה אלשיך אבו אלנגם אלחמוי אן וצל אלצבי אכדהא
  5. ואן לם ואלא (!) תבקא אלי אן יצל מסתחקהא יתסלמהא הדא
  6. אלדי כאן ואמא גיר דלך פאן וצל אלמרכב אלמהדוי
  7. ופיה אבן אכת אברהים בן מקלה מן אלמריה ען עהד ז
  8. אשהר אחכי אן רבנו יוסף בן אלשאמי תופא פי ניסן
  9. ואן רבנו יוסף בן מגש תופא פי סיון אבצר כיף
  10. עדמו האולאי אלג אלפצלא פי ה אשהר אללה ינסי
  11. פי אגל חצרתה אלסאמיה מכצוצה מכדומה באפצל
  12. בו סלאם ואכרם תחיה יתנעם בבסט אלעדר ען
  13. אלתקציר פקד עלם אללה כיף כתבת הדין אלחרפין
  14. ולו תקוית קליל למא גלסת פי אלבלד סאעה ואחדה

וחסבי אללה ונעם אלוכיל יא כסלו

Document D: TS 13 J 14, fol. 1

  1. עונך יא רב
  2. והו אן וגד אלסביל אלי כתב כתאב לסידנא אלנגיד פאנא
  3. אנפדה אליהא אן שא אללה פי יומי הדא וצל פיג מן אלמריה
  4. פמצית אליה ווגדת מעה כתאבין לרבנו יהודה וכתאב
  5. למ יצחק וכתאב לחצרתה פדפעת לה דראהם ואכדתהם
  6. ואוצלת לרבנו יהודה כתבה ואנפדת טי הדא אלכתאב
  7. כתאב חצרתה וכתאב מ יצחק פתנעם באיצאלה אליה
  8. בעד אכצאצה עני באפצל אלסלאם אלגזיל ואעלאמה
  9. מא אנא עליה מן אלשוק ואלתוק אליהא ואלאסף עלי אלפאית
  10. מן משאהדתהא ואמא גיר דלך פאן כתאב אלשיך אלאגל אבו
  11. אסחק וצל אלי ידכר אנה קבץ מן חצרתה עשרה דנא' אלא
  12. קיראטין ען אלפצה לא עדמת אנעאמהא ולא כלות מנהא
  13. ואמא גיר דלך פאן מא טרא עלי אחד מא טרא עלי רבנו
  14. יהודה מן דאך אלכלב אלפושע בן אלבצרי ודאך אנה רפע
  15. רקעה לצאחב כבר והו יקול לה אן הנא אנסאן יהודי אנפד
  16. לי אכי מעה תלאתין דינא' ואנה מסאפר אלי שאם וקאל
  17. מא ידפעהא לי חתי אסיר אלי אלשאם (!) חתי ירדני יהודי
  18. ואנא רגל מומן מסלם פאחצרה צאחב אלכבר פלמא
  19. ראה וכאן מעה אלדיאן וערפה בה ובמנזלתה פקאל ארתפעו
  20. אלי אלשרע פרגע וקף פיה אלי אלאמיר פאחצרה לה
  21. פלמא ראה קאל ארתפעו אלי אלשרע פחמלה אלי אלקאצי

margin

  1. פאדעי עליה בתלאתין דינא' פלמא אנכר רבנו יהודה לזמה אלימין וכאן

יתגאגא

  1. עליה פי אלטרקאת ויתגאשא פלו לם יכן רבנו יהודה כביר פי אלבלד מערוף
  2. לכאן אלמסלמין יאכלוה ליכנה כאן לה שבח וטלב אלמסלמין יקתלו אלפושע
  3. תם חלף לה רבנו יהודה וואצפה ומא מנענא אן נצאלח ענה בשי אן ידפע
  4. לה אלא כפנא מן תהמה אלישמעאלים לרבנו יהודה תם בעד יומין רפע
  5. סלימאן בן יוסף רפיקה אלי אלקאצי ואדעי עליה באלדנא' פלזם אלאכר אלימין
  6. פמא אמכנה אן יחלף לאן כאן שי תחת ידה פתוסט אלנאס בינהם עלי שי
  7. וואצפה ולקד עגבת מן חצרתה כיף יכון ואחד קד ערף נחסה ווקפאתה
  8. מע אלנאס פי דמיאט וגירהא וגאו קום קלילין אלעקל יבלו קום גרבא
  9. בהדא אלכניף ולא כנת תמנעהם מן דלך חתי חצל הדא אלקלקול
  10. אללה לא יחסן גזא למן כאן אלסבב פי דלך חצרתה אלסאמיה מכדומה
  11. באפצל סלאם (!) ואתמה ואנעמה וחצרה מולאי אלשיך אלאגל אבו עלי
  12. מכדומה באפצל אלסלאם ומואלי אשבאלה מכדומין באפצל אלסלאם
  13. אלגזיל ואלשיך אלאגל אבו אסחק יכדם חצרתה באפצל אלסלאם ואלשיך אבו
  14. אלנגם ואלשיך אבו מוסי יכדמאהא באפצל אלסלאם ואכוה עבדהא יכדמאהא (!)

באפצל אלסלאם

back of page

  1. וגמיע אלאצדקא יכדמוהא באפצל אלסלאם וכדם חצרתה לא יכליני
  2. מנהא וקד אבעת אלגראב בסתה ועשרין דרהמא אלא רבע ואל
  3. שלוניה אלואחדה בכמסה ונצף ואלשלוניה אלאכרי אכדהא רבנו
  4. יהודה ואערץ עלי אלתמן פקלת לה הי לפלאן פקאל לא אבד (!) מן
  5. אכד אלתמן פמא פעלת וגא אלשיך סלימאן יטלב אלכישה אלדי
  6. פיהא אלחריר ואבלאני עליהא באלבלא פקלת לה אשתרי כישא עוצהא
  7. ואנא אזן אלתמן לאנני מא אפתחהא פאשתרי כישה בארבעה
  8. ונצף וזנתהא לה ואיצא וזנת ען כתאבך אלדי כאן מע אלפיג דרהם ונצף
  9. ואמא רבנו יהודה אן אנחדרת בעד אלמועד מא תגדה לאנה פי
  10. אלמרכב לו דאר אלריח אלסאעה אלי אלגרב אקלע אללה יכתב סלאמתה
  11. ואנא מהני לחצרתה בהדא אלעיד אלקאדם אללה תע יבלגה לשנים וכו' (ees

the Hebrew translation)

  1. אשתהי מן חצרתה
  2. אעלאמי בוצול הדה אלכתב לאסכן אלי דלך ואיצאל כתאב אלשיך אלאגל
  3. אבי אסחק אלנאיב אליה סרעה פעלת מנעמה

וחסבי אללה ונעם אלוכיל ג סיון

T-S 13J15.20 1v

1v

Verso start (T-S 13J15.20)

  1. ועיני באנחס חאל לא אבצר אין אחט קלמי פתנעם
  2. בִאעלאמי אכבארהא ואכבאר מולאי אלשיך אלא̇גל
  3. אלאך אבו עלי ש̇צ פאן קלבי משגול בהִ[...]
  4. וקד כאנת לי חומה והיִ[...]תִ[...] אִלִ[...] נִאִיִבה דִכִלִ
  5. אליהא חתי אל[...] אולאד אלכרימה
  6. […]סִעִדִאִן וִאלמקבל אלדי כאנת ענד [...]עתהם
  7. [...] להם אחד ועשרין רטל וכִאנו פִיִ אִלִפנדק יהוד
  8. [ואכ]דהם אלואלי וצע ידה עליהם בִמא [אש]רִף כִלו
  9. וחלהם וכלצו אליהוד בעד אן כִאִןִ [וא]חִד מנהם אשרף
  10. אלתלאף מ̇צאף אלי בטאלת[ה] וחירה אלואחִד במר̇ץ
  11. אהלה ומא כרג חתי מ̇צי מנה ארבעין דינ'
  12. וסאפר וכלא דיך אלעגומה ואנא ואכוהא חאירין
  13. וכל מא נעמלה להא מא יר̇ציהא ולא אמראה פי
  14. אלדאר לא כבירה ולא צגירה אלי אן וצל בעד תכליִהִ
  15. רחלה וקד כנת סאלתהא אלאגמאע בחצרה אלנגידות
  16. תכון לעד ותעלמהא בעץ חאלי ותסאלהא שכר אלשיך
  17. אבו סעד אבן צגיר אלעאמל ולם יצלני שי לא ען
  18. הדא ולא גירה תעלמני בגמיע מא חמלתה פיהא
  19. ומולא אלשיך אבו עלי פאן קלבי ודהני ענדהמא ואנא
  20. אהניהא בהדה אלמועדים אלקאדמה עליהא אל[קריב]הִ

T-S 13J15.16 1v

1v

Verso continuation (T-S 13J15.16)

  1. אלשריפה אללִהִ תע ייכתבם (!) בספר זכרון ובספר
  2. מחילה וסליחה ולחוג את חג הסוכות בירושלים ולחזות בנועם ייו ולבקר בהכלו
  3. ואהניהא בוצול רבנו יהודה הלוי החכם והנבון
  4. המפלא תכון לעד וקד וצלו מעה עלי מא אעלמוני
  5. אלסאדה אולאד רבי אברהם בר עזרא נ̇ט רח̇מ
  6. וחדיתי יטול ואמסא עלי מע צלמה בצרי
  7. לא חילה פי קצאה וחכמה תתאמלה ותדינני
  8. לכף זכות יודע תעלומות יעלם כיף כתבתה
  9. ושלום הדרתה ושלום אדוני ומרי אלשיך אבו
  10. עלי ירביון לעד נצח סלה תכץ עני אלשיך אבו אלמכארם
  11. ואלשיך אבו אלפצאיל ואלשיך אבו אלפכר יפארהו
  12. . אֵל ואלשיך אבו אלברכאת ואלשיך אבו נצר ואלשיך אבו אלפרג
  13. ואלשיך אבו אלמגד וגמיע אלאהל תנעם תכץ עני אלשיך אבו אלחסן
  14. אלבזאז ואולאדה באפצל אלסלאם ותערפה תעלק קלבי והמי במן
  15. סאלתה אעלאמי חאלה מן כתאבי אסתדל עלי חאלי ואננא אליום
  16. מתל מא קאל רבנו משה אבן עזרא ̇ת̇נ̇צ̇ב̇ה פי תגייר אלאכואן ואלאולאד
  17. לא מצאה יד איש ביום עברה חַיִל וכל חַיִל אשר רבה
  18. [י]ום גיִרשו אותו מיודעיו מגו עדי ילד אשר רבה ואבו
  19. אלברכאת יכצהא באלסלאם ויכץ אלשיך אבו אלפכר יא[...] אלולד פמא לסאן
  20. אדכרה לתכלפה פי כל שי אלגואב סרעה אם גוזר המקום ̇ב̇ה

Upside Down

  1. חצרה הדרת יקרת תפארת כבוד גדלת קדשת מודה חסד[ו]
  2. מר̇נ ורב̇נ חלפון הלוי הקהתי החכם והנבון השר עמרם ביר
  3. הנכבד הירא שמים מנעוריו בן כבוד גד קד

מרנא ורבנא נתאל הלוי הזקן ה̇נ יצחק ̇נ̇ע

  1. החסיד בעודו זכרו לברכה ולתחיה

margin on page 20

  1. והו יום (אכתב ה)דה אלאחרף ובאדרת
  2. בהדה אלאחרף אעלמהא בדאלך ו
  1. ( " " ) וקד עלם אלבארי והו ידע (!) תעלומות
  2. ( " " ) כיף כתבת הדה אלאחרף ואנא
  3. ( " " ) שהד אללה מנתפך
بيان أذونات الصورة
  • T-S 13J15.16: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
  • T-S 13J15.20: Provided by Cambridge University Library. Zooming image © Cambridge University Library, All rights reserved. This image may be used in accord with fair use and fair dealing provisions, including teaching and research. If you wish to reproduce it within publications or on the public web, please contact genizah@lib.cam.ac.uk.
Cambridge University Library, Taylor-Schechter, T-S 13J15.16 + Cambridge University Library, Taylor-Schechter, T-S 13J15.20. Available online through the Princeton Geniza Project at https://geniza.princeton.edu/documents/9116/, accessed November 27, 2024.
https://geniza.princeton.edu/documents/9116/