رسالة: T-S 13J33.1
رسالة T-S 13J33.1What's in the PGP
- صورة
- 1 Transcription
الوصف
Letter from Abū Zikrī Kohen, in Fustat, to Ḥalfon b. Netanel. Dated: Monday, 1 Shevaṭ 1444 Seleucid, which is 9 January 1133 CE. (Information from India Book 4; full Hebrew description below.) IB ח15 (ה1).
العلامات
صورة
النصوص المفرّغة
الترجمة
Editors: Goitein, S. D.; Friedman, Mordechai Akiva
T-S 13J33.1 1r
S. D. Goitein and Mordechai Akiva Friedman, India Book 4: Ḥalfon the Traveling Merchant Scholar (in Hebrew) (Jerusalem: Ben Zvi Institute, 2013), vol. 4.
Recto
- ב̇̇̇ש
- כתאבי אלי ח̇̇צר̈ה מולאי אלשיך אלאגל אטאל אללה פי אלכיר
- בקאה ואדאם תאיידה וסעאדתה וסלאמתה ונעמתה
- ואחיאה וכבת באל ̇̇דל חסדתה ואעדאה ומן חסן תופיקה
- לא אכלאה ושוקי אליה שדיד קרב אלאגתמאע בה במנה
- וכרמה אנה ולי דלך ואלקאדר עליה אן שא אללה
- ברחמתה ואלדי תריד עלמה אן מן יום אן פארקתך
- לם ארי לך גואב ולא כתאב וכנת קד אנפדת לך
- אלחואיג אלדי כאן תאכרת לך אלי קוץ ובקי קלבי
- משגול בהם אלי אן וצל אלשיך מחרוז ואעלמני בוצולהם
- וכנת אנפדת לך כתאב צחב̈ה אלחואיג אערפך
- בגמיע אלאמור ובקיה אלחסיב אלדי וזנת ענך בעד
- אלספר וסאלתך תשתרי לי בה קליל ענבר ברסם
- אלצגיר עבדך ולא אשך אלא אנה קד וצל אליך ואלדי
- תריד מן אכבאר אלבלאד פהי טיבה בחמ[ד] אלהי יש̇ר
- ואמא אסעאר אלבלד פי אלב̇צאעה אללאך בכמסין כאסד
- ואלפלפל בסתין ואלאעואד אלטייבה באיעה ואל קרנפל
- אלמנקא ב̇ג דנאניר ונצף ורבע אלמן ואלגוזה בדינאר אלמן ואל
- בסבאסה בסבעה ו.[.]ל[..]הִ ואלזבדה בשבעה אלעשרה
- אואק ואלמסך [אלנתר] בעשרין אלעשרה מתאקיל ואל
- כאפור בארב[ע ... ואל]בקם בתסעין אלחמל ואל כלטה
- ̇ס̇ד אלחמל ואלִ [...] אלחבשיה בתסעה אלקנטאר ואלקסט
- בסתה ונצף ואלזרנבה בתמאניה ואללבאן אלטייב י̇ב דיִנ'
- אלקנטאר ואל סנבל בארבעין אלמאיה מןّ ̇ק̇ק רטל ואל
- כולנגאן בתמאניה אלעשרה ̇כ רטל ואלקרפה אללף דינארין
- אלעשרה ̇כ רטל
Recto, right margin
- ואלבכאר
- בארבעה ונצף אלקנטאר
- ואל לולו אלוסט באיע ואל
- מאמיראן בדינאר ונצף אלרטל ואלראונד
- אלטייב בכמסה אלמןّ באיע ואלהُרד בארבעה
- אלקנטאר כאסד ואלטבאשיר בתמאניה
- אלעשרה אמנא ̇כ רטל גיר אלתראב ואלדנכאר
- בארבעה אלעשרה אמנא ̇כ רטל ואלתנבל
- בארבעה דנאניר אלעשרה ואלמחלוב בתלאתה
- ונצף אלאלף ואל כמאסיה אל מסך בדינ' כאסדה
- ואל לאלס אלגייד בדינארין אלתוב ואלדון בדינ' ונצף
- ואלבלאד ואקפה לאגל אן מא וצל אלסנה
- מן אלגרב אחד ולא רום אלא קליל אעלמת
- מולאי דלך אשתרי אלדי ילהמך אללה אליה ואכרג
- ומא תחתאג מן יוציך פי מא תשתריה
- לאנך כביר באל דיאר ואחרץ לעל תחצל
- קליל שיר אמלג לאנה קליל ואלהנדי יסוי
- בעשרין אלמאיה מן ואלקאטר אלמבער
- קליל ואלצבר אלאסקטרי כאסד ואלכולאן
- בארבעין דינאר אלמאיה ואל האל
- אלקאקלי בכמסה ועשרין דינאר
- אל̇ק מן ̇ק̇ק רטל ואלמצווף ̇י̇ח דינ'
- אלמאיה ואל אהלילג אלאצפר בסבעה
- אלקנטאר ואל ודע
- ב̇ג דנא' גיר רבע
- אלדבה
Recto, top margin
- קראת עלי ח̇צר̈ה אל
- סאמיה אפ̇צל סלאמי ואקרי מולאי
- אלשיך אלאגל מ̇צמון אפ̇צל סלאמי עלי
- קדר שוקי אליה ואשכרה עני גאיה
- אלשכר במא פִ[ע]ל מעי פי קצ̈ה בן חמאמה
- וביע אלמרגאן וסאיר מא יעלם אן לי
- פיה אמר וערפה מא [אדע]ו לה פי
- כל אל אוקאת לאן ל[.....]סִ מן יכִבִר
- אלאשיא מתלך ואקרי מולאי אלשיך
- יוסף בן אברהם אח[י]אִה אללה אפ̇צל
- סלאמי ומולאי אלשיך יצחק
- אפ̇צל סלאמי ואלשיך
- כלף כדלך
T-S 13J33.1 1v
Verso
- וסיידנא אחיאה אללה יכצך באתם אלסלאם וכתאבה אליך
- ואהלך ואכותך אלגמיע וסבאע וולדה וכל מן ילוד בך
- עלי גמלה אלסלאמה ואלעאפיה ואכיך פי אלרתבה אלדי
- תעלמהא מע[...]ופא ערפתך דלך ואקרי גמיע
- אצחאבנא א[תם אלסלאם ו]שִלום כתב אול שבט ̇א̇ת̇מ̇ד
Verso, address
- ח̇צרה מולאי אלשיך אלאגל אבו סעיִד חלפון שאכר תפ̇צלה
- ב̇ר נתנאל הלוי ̇נ̇ע אלדמיאטי אדאם אללה עזה אבו זכרי כהן שלום
