منحة في رسالة: Moss. IIIa,11
رسالة Moss. IIIa,11- الاقتباس المرجعي
- S. D. Goitein, index cards.
- Location in source
- Relation to document
- المناقشة
- الاقتباس المرجعي
- Moshe Gil, In the Kingdom of Ishmael (in Hebrew) (Tel Aviv: Tel Aviv University, 1997), vol. 4.
- Location in source
- #661
- Relation to document
- Digital Edition
- الطبعة
Editor: Gil, Moshe
Moss. IIIa,11 1r
recto
-
بسم الله الرحمن الرحيم
-
כתאבי יאואלדתי אלעזיזה עלי אטאל אללה בקאהא ואדאם סלאמתהא וסעאדתהא
-
מן אלסכנדריה סלך איאר ען חאל סלאמה ועאפיה ושוק אליכם קרב אללה אלאגתמאע
-
בכם עלי אפצל אלאחואל ואתם אלאמאל נעלמך יאואלדתי וצלת אלי כתב מע אלפיוג
-
ווקפת מנהא עלי כבר חאלכם וסלאמתכם אדאמהא אללה לכם ברחמתה ולם
-
[ ] אחואל אכתי וכאלאתי ובקי סרי משגול לדלך ודכרת מא גרא עליכם הדה
-
[ ] מן אלגלא ווזן אלכרא ען ואלדי חרסה אללה ללדיואן ושק עלי דלך עטים פאסל
-
אללה וחדה אן יגעלה לכם כפרת עון וסליחת חטא ואלדי תרידיה מן מערפה אחואלי
-
וצלת פי כל עאפיה וקד צעדת אלי מצר ודכלת אלי אלשיך אבי אלפרג וראית מנה
-
גמיל בסואלה עני וען אחואלכם וקאל לי אני אשגלך פי שגל אדא חצר ולם
-
אקים באלבלד נחו טו יום פמרצת מרצה שדידה פאקמת באלחמה ואלברד
-
שהר כאמל ודפע אללה סבחאנה ועדת אלי אפצל ממא כנת פי גסמי פללה
-
אלחמד כתירה פלמא דכלת אליה תאניה מן בעד אלמרץ אתפק ופאת ואלדתה
-
ובעד דלך אכתה פאשתגל עני וקד כפת תלך אלדריהמאת אלתי כאנת
-
מעי פטלבת ארגע אליה פאשארוא אלנאס עלי בראי אן נמצי אלי אלריף ונשתרי
-
בבקיה אלדראהם כתאן פפעלת דלך פחצלת בהא עדל כתאן [עא]לי מוצל אלי
-
אסכנדריה וכאן עלי אני אנפדה אלי אלמהדיה פראית אלכר[א] גאלי ולו חמלתה
-
בהדא אלכרא לדהב מנה אלנצף פאסתכרת אללה ואעמל אמא עלי תוגיהה
-
אלי אלאדק[יה] או אסאפר בה אלי הנאך וארגו כיר מן אללה וקד קאל לי בעץ
-
אלנאס אנפד הדא אלעדל אלי אללאדקיה וארגע אנת אלי מצר אלי אלשיך אבי
-
אלפרג לאנה קד ועדך בפמה ואנה לא ירגע פימא ועדך בה ואנא
-
מדבר פי מא הדא סבילה לאן דכר לי קום אכר אן אלרגל נדל ולא יתסל
-
מעה שי אלא בעד סנה ועשרה ואנא אתכל עלי אללה ונקעד באסכנדריה
-
אלא אן תצל כתבכם מן אלגרב באחואלכם ומא אנתם פיה ואחב ראיכם ומא
-
תשירו עלי בה נקבלה ונסתכיר אללה עז וגל ותערפני אחואלכם צגיר וכביר
-
ארגו יגעלכם פי חיז אלסלאמה ולא יכון בד מן אלגואב ותגעל אבו סהל סלמה
-
אללה יכתב אלי באחואלה ואחואל אכתי וכאלאתי לאני קלבי מתעלק אליכם עטים ומא
-
נקדר אצף לך ציק מראכב אלסנה וטלעה אלנאס רחאלהם באיזא אלנצ באלנצ
-
ולו וגדת נוגה לכם חמלת בקיה
recto - right margin
-
וויבה מגאל[ ]
-
ומא אתפק לכמא
-
וקד בדלת אל
-
דפעה בדלך
-
מגהוד ולם
-
בקדר ולו
-
כאן באל
-
מהדיה
-
מן יתכלה
-
לכנת נוגה
-
ול[ ] כאן
-
נוגה שי
-
[ב]עינה
-
אלי וקתי
-
…
-
…
-
…
-
…
-
…
-
…
-
…
-
…
-
…
-
…
-
…
-
ערפתכם
-
דלך ולא
-
כן ארגו
-
אן שא אללה
-
אלמקבלה אן
-
אתפק לי
recto - top margin
-
או
-
נוגה
-
לכם
-
....
-
....
-
נחב
-
ראיכם
-
ומא תשירו
-
עלי בה
-
ארגו יגמע
-
ביני ובינכם
-
עלי כיר
-
ועאפיה
-
ארגו דלך
Moss. IIIa,11 1v
verso
-
וקד אתפק לי מן אלראי אן נעמל עלי מגי ללמקבלה ויכון ספרי לסקליא באלקמח
-
סאיר ראגע מא יעוזני כיר ואנא פי גסמי וצחת בדני פי כל עאפיה וקד וחק
-
האדי אלאחרף אתפק לי במצר ואחד ק נכון מעהם ולם אכתאר אתעאפה מן כלאם
-
אלנאס לאן אצחבנא אלמגארבה קום סו וקד טלב אלסנה יוגה אבו אלפצל בן יגו נשד לה(?)
-
לו(!) כתאן אן כתיר פגאו אליה קאלו לו אן אכתאנה באלמהדיה והו ממלך להם אליום
-
ה סנין מא תוגהו אלא יאכל מאלה ויתכל בה ביתה והם קום סו לא חפץ אללה
-
אלאנסאן סו וקד גמני אלדי לם נסאפר לאן אכתאנה וראהם אערה וצבית אן כברת
-
[ ]ואהם ואלנאס קום כמא שא אללה והו פי כל עאפיה מעה דינ קק ואכתר ולאכן המתה
-
כבירה אללה תעאלה(!) יאדי מן אדאהם ואנא וחדי פי בית לם נכאלט אחד אלא וקת מרצי
-
כנת פי דאר אסחק בן אלבקרה ומא קצרת ומא אכתפית מונתהם וקד כתבת אליכם
-
אן תכתבו וכאלה נחרם לכם במצר למן לכם ענדה דינ או דרהם אלא יחצר בה
-
ואנת תעלמו קולה רחמה אללה אנה כאן יקול תרכת בית מלא אתאת ומאעון במצר
-
ותרכת פיהא אסחק ונחרם לכם באסכנדריה ומא יעוז יטהר לכם שי ואלנאס
-
כלהם לאימין לכם פי מא עמלתם פי תבריתכם לבן עלאן אללה יטאלב מן אדאכם
-
ויחרם אסמו ויואכדה ויטאלבה אנה אלקאדר עלי דלך אלא אבוכם רחמה אללה קאלה מאלי
-
כל מן קאם בלכם ואסתאכלכם ואנא אן שא אללה אן גית נאכד מן ענדכם מא
-
תבקא ואליסיר אלדי מעי נסאפר בה לסקליא ונטלע אלסוסה איאם אלנדלסיא מא יעוזנא
-
כיר מן אללה וקד מצא בן ששון ללמהדיה אול מרכב ואלברקלו אלכתאן הו ענד בן עלאן
-
נשתמע מעה ונסתקצי ונערפכם ואסחק וואלדה פי כל עאפיה מעהם דינ קק
-
והם פי אל[ ] אן אכתרת תוגה וכאלה וגה מא יעוז נאכד מ[נה] שי אללה אללה כתבכם
-
אול אלמראכב באחואלכם וח[אגת]כם וראיכם ומא כאן לכם מן חאגה ערפני בהא אן ערפתהא
-
[ ] מא תרידה ואבו יחיי בכיר פי כל עאפיה ואצחבנא פי כל עאפיה לם ימות סוא אבו
-
אלכיר בן ברוך בתניס ולא תקטעו כתבכם ולא תפרטו ולמתלכם פי קל מן דלך
verso - top margin
-
ארגו
-
תמאם אל
-
נעמה צחה אלבדן
-
ושלום
verso - top margin - other
-
וקד וגהת לכם כתאב כג פי אלמראכב
verso - left margin
-
ומע סעאדה בן פינחס
verso - bottom margin - address
-
ואלדי אלעזיז עלי סלמאן בן אברהים ננ ולדה יעקוב בן סלמאן
-
אטאל אללה בקאה ואדאם עזה ונעמאה יצל אלקירואן אן שא אללה
verso - address - other
-
[لوالد]ي العزيز على سلمان بن إبراهيم ن ن ولده يعقوب بن سلمان
-
اطال الله بقاه وادام عزه ونعماه يصل القيروان ان شاء الله
