ثيقة شرعيّة: Bodl. MS heb. b 13/46
ثيقة شرعيّة Bodl. MS heb. b 13/46What's in the PGP
- صورة
- 1 Transcription
الوصف
Deathbed will of a notable, dividing his landed property, his flocks of sheep and all the orchards possessed or leased by him between his brother and his children, and making stipulations for his widow. In the hand of and witnessed by Hillel b. ʿEli. The dying man appoints his brother as the will’s executor explicitly stating that no court may interfere with his actions. A copy of this will is found in T-S 20.99 [PGPID 3558]. (Information from Goitein notes and index card linked below and Goitein, Mediterranean Society, Vol. 1, pp. 117, 425 and Vol. 3, p. 259, 299, 493n97.)
العلامات
صورة
النصوص المفرّغة
الترجمة
Editor: Weiss, Gershon
Bodl. MS heb. b 13/46 46 recto
°
Gershon Weiss, "Documents Written by Hillel ben Eli: A Study in the Diplomatics of the Cairo Geniza Documents (MA Thesis)" (PhD diss., n.p., 1967).
- [.]תמאנון דינ ותלתין וחבה מן גמלתהא כתאב דין עלי אלשיך אבו יעקוב [אלחכים ........]
- [...]ה[... ו]אחד ותסעין דינ ולי פי אלקאעה איצא מא ינצאף אלי אלעקדה באסם ולדי [......]
- [...........] אלקאעה איצא קרצא באסם אבו עלי אכי ארבעה מאיה [.......]
- דנא וסדס ותמן ופי אלקאעה איצא קרצא גיר אלעקדה מאיתי דינא עשרה [.....]
- ודיעה לבית דין ענדי באסם איתאם צדקה בן יעקוב אלחלבי אלמתופא בטראב[לס]
- אלשאם כאן בית דין אכדהא מן אבו סעד בן [............] באסם אלאיתאם
- וגעלתהא פי אלקאעה ועלי לגהה אלרייס אבו עלי ולי טידנא אלאגל סני אלדולה אדאם
- אללה עלמה מא כתבת כתיבה ללגהה אלמדכורה תלת מאיה דינ וסתין דינ לי מן דלך ענד[י]
- [..............] אלסנויה אדאם אללה עלוהא חסב מבלגהא סבעה ותמאנין [דינ]
- [..............]. ורק עשרין דינ תחט אלתלת מן אלמבלג אלמדכור ברסם
- [........... אבו] עלי ויופי עני אכי אלבאק[י .....]ך ...תה כדי יערפהא [....] .מאי[..]
- [....] וכסר יופיהא אכי עני ולי ענד אלשיך אבו יעקוב אלחכים עליה בשי ור[..........]
- [תל]ת מאיה ואחד ותסעין דינ מן גמלה אלכמיה אלתי בקאהא אלחסאב לי פי [......]
- ולי מע אבו מנצור בן אלשופט כיאר שנבר כאן אנפדתה מעה בצאע[ה ... ]אל.[........]
- אלריף גנס ביאץ מע אנסאן יסמא ברכאת שרכה ביני ובינה יק[סם ................]
- אלתלת לי פי אצל תמנהא ארבעה עשר דינ פא[לתה ע]ן אלתלת יסתופי אכי אן [גמלה]
- תמנהא אלארבעה עשר דינ ויקסם אלבאקי אתלאת תלת לנא ותלת לברכאת
- אלמדכור ותלת לעלי אלצעידי וכדלך לי ותאיק עלי אנאס מנהם עלי אלצעידי
- אלמדכור יסתופי דלך אכי כאן וקת מחאסבתי מע אלשיך אבו יעקוב אלחכים
- אלחסבה אלמדכורה לעלי [א...ו.] ענד אלמעאמלין ואלמצמן אוראק לם
- ידכל פי אלחסאב אי שי אי[.....]ץ מנה כאן ללשיך אבו יעקוב אלחכים מנה
- אלרבע ואלסדס ולי אלתלת ואל[רבע] ינצאף אלי עקדתי //ינחט מנה ממא עליה// זוגתי אם אבו סעד ולדי גברה
- אללה קד געלת להא מן אלאן לאחר מי[תה] גמיע מא תחויה ידהא וחותה מן מלבוס להא ביתהא
- ללק[וד]ש וללחול וללגמאל וללב[ית דין] מא תלתמ[סה אי]צא מ[ן גט]א ווטא להא ולולדהא
- ומא תסתעמלה איצא מן נחאס ופרש ובסט ומא]עין אלבית] וקשתה גמיע דלך
- קד געלתה להא מתנה מעכשו וקד געלת להא איצא מעכשו גמיע מא ענדהא
- מן קטע דהב מצאגה ברסמהא בכתובתהא ועלי אן דלך זאיד עלי מא פי כתובתהא
- הי פי חל וכדלך קד געלת להא אן תסכן פי אלדאר אלדי אנא פיהא אחדי אלטבאק
- חית יותר אכי יסכנהא אן אתרת הי אלסכני ואן אתרת מוצע אכר מן רבענא
- יסכנהא אכי חית תותר ויותר ותאכד גמיע מא דכרתה ברסמהא ורסם ולדהא
- מעהא וקד געלתהא נאמנת בדיבורה פי מא תלתמסה //ותאכדה// ופי גירה בשני עדים
- כשרים נאמנים ליס לאחד מן סאיר וראתי עליהא ימין מן סאיר צנוף אלאימאן
- תקילהא וכפיפהא ואפילו על ידי גלגול ואכי אבו עלי חפטה אללה וצי עלי תרביה
- אולאדי ומראעאתהם והו נאמן פי גמיע מא יפעלה מא דכרתה ומא יאתי
- דכרה איצא ומא ולגתה אליה ולס אדכרה בשני עדים כשרים נאמנים ליס לאחד
- מן סאיר בתי דינים אלאעתראץ עליה פי גמיע מא יפעלה ולא דפע ידה עמא ולגתה
- אליה וקד געלת למ צדקה הכהן המתרגם עשרה דנא ידפעהא לה אכי עני וסכנאה
- הו וואלדתה פי אלמוצע אלדין הם פיה לא יוכד מנהם אגרה וכדלך באלת צדקה תסכן
- פי אלמוצע אלדי הי פיה לא יוכד מנהא אגרה וקד געלת ליעקוב צביינא עשרה דנאניר
- ידפעהא אכי לה גמיע מא תחויה ידי ויד אכי מן עין וערץ ורבע מא הו מכתוב באסמי
- ומא הו מכתוב באסם אכי ומא הו מכתוב באטמאינא גמיעא ובאסמא אולאדנא
- וגמיע אלקטיעאת אלפצה אלמצאגה ברסם אלאטפאל וסאיר אלאבקאר ואלאגנאם
- וגמיע עדד אלבסאתין וצמאנאתהא ומא יחצל מנהא הו לי ולאכי נצפין באלסויה
- בעד כרוג מא דכרתה לה אלנצף ולאולאדי אלנצף ואבו נצר ולדי בכור ואכי חפטה
- אללה קד תכפל בה וכדלך ביני ובין אלשיך אבו זכרי צהרי חסאב יקתצי אן לי ענדה
- גמלת דנאניר אדא האללנא לא יטאלב בשי ויחאלל איצא אי שי אתגה לי עלי אלשיך אבו אלסר[ור]
- בן אלקבאסי יסתופיה אכי מנה ומיגו מרעיה דא איתפטר לבי[ת עלמ]יה ושהדותא
- דא כתבנא וחתמנא דליהוי לזכו ולראיה כתיב על גיהטהא אלא[................. תלי] ביני
- שיטי ינחט ענה ממא עליה: וקיימין כולהון ודין קיומיהון: הלל החזן [ביר עלי זל]
- יצחק בר אלעזר ננ
Bodl. MS heb. b 13/46 46 verso
بيان أذونات الصورة
-
Bodl. MS heb. b 13/46:
Images © Bodleian Libraries, University of Oxford. CC-BY-NC 4.0. For more information, please see Terms of Use.
