منحة في رسالة: T-S NS J374
رسالة T-S NS J374- الاقتباس المرجعي
- Moshe Gil, In the Kingdom of Ishmael (in Hebrew) (Tel Aviv: Tel Aviv University, 1997), vol. 2.
- Location in source
- #226
- Relation to document
- Digital Edition
- الطبعة
صورة
النصوص المفرّغة
الترجمة
Editor: Gil, Moshe
T-S NS J374 recto
Moshe Gil, In the Kingdom of Ishmael (in Hebrew) (Tel Aviv: Tel Aviv University, 1997), vol. 2.
Recto
- כתאבי יסידי ומולאי וריסי וגלילי אטאל אללה בקאך ואדאם סלאמתך
- וסעאדתך ל'י איאם כלון מן כ'ס'ל'י'ו' ען סלאמה ושגל אן פי אלסר מן
- אלעשארי אלדי בכיר בן אבי חמדון לאן לי פיה יסידי לב' זק וקד
- תקדמת כתבי אליך יסידי ענדה(!) ומא ראית לאחדהא גואב ומא כדא
- עודתני יסידי אלא אנך תפרג עני בכתבך פי כל וקת ארג<ו> ישגלך אללה
- פי כיר וקד כתבת עדה כתב לסידי אלשיך אלקרקוני וסאלתה פי
- פי(!) ביע אלזית אלואצל אליה מן קבלי באלקסם ואלרזק וקד עורפת
- אן ולדה תופי והו משגול עני וען גירי תתפצלו(!) יסידי תעמל
- לי עלי ביע אלזית אלדי וצל מע אלמלכתאץ(?) ואן כלץ לי שי
- מע בן בכיר בן אבי חמדון וכדלך לי מע אבי אלחסן בן אלשורקי
- ל' זק תעמל לי עלי ביע אלכל באלקסם ואלרזק באלרסם ואלעאדה
- ואדא חאן וקת אלתקאצ'י ולם יתפק וצולי תקבץ' לי אלתמן ענדך
- ולא תתואנה(!) לי פי דלך וקד אנגחת פי הדא אלקארב לי פי ל'ב'
- זק לעל יגמע אללה עלי מנה בעצהא וקד כנת סאלתך
Recto, right margin
- אן תתפצ'ל
- תעצ'ר לי
- אלקטרמיזין
- אלדי לי ענדך
- מא לימר
- וכדלך
- תמלה לי
- ש' חבה
- לימו אגל
- מא תקדר
- עליה פי
- אלקטרמיז
- אלכביר
- וארגן אנך
- קר עמלת
- דלך ואן
Recto, upper margin
- ואעור
- באללה
- לם
- תעמל
- לי שי
- לא יכון
- בד מן
- עמלה
- לאנא
- מא בד
- לי מנה
- ולא
- תתואנה(!)
- לי פי
- ביע
- אלזית
- וכדלך
- אללימר
- ואלמא
T-S NS J374 verso
Verso
- ולא תכליני מן כתאבך ומא מנעני לם נכון פי מוצ'ע כתאבי
- אלא אלנדר ואלחמא עלי ולו אצבת ראחה עמלת עלי מגי למצר
- ואנא מנתצ'ר לגואב כתאבך(!) ותערפני סער אלפצ'ה אלחגר ואן
- כאנת כ'ה' תתפצ'ל לעל תחצל לי מנהא נ' ד'י'נ' ולא תתואנה(!)
- לי פי דלך קראת עלי כאצה מולאי אלסלאם וסידי אבו עלי
- אלסלאם ומן תשמלה ענאיתה אלסלאם וחסבי תקתי באללה אבדא
- ותעזי עני סידי אלשיך אלקרקוני ובאללה לקד אחתשמת אן נכתב
- אליה ולקד אופגע פיי מתל האדך אלפתא ואסתור ען אללה
Verso, bottom region upside down
- לסידי ומולאי אבי אסחק אברהם בן מן נסים בן אסחק ז'צ'ל' בן אלסהל
- חגיג נ'ע'
- אטאל אללה בקאה ואדאם סלאמתה